Dt 24:13 - A Txꞌan Biblia Yin Kꞌanjobal 1989

¹³ A yet lanan tojcan c'u cax che yak'oncan paxok, talaj c'uxan c'am tzet chi yaaj yiban yet chi ec' ak'bal. Ta axca tu' che yutej, a jun anima tu' ok yal watx' k'anej e yiban. Axca tu' watx' ex satak Jehová co Diosal.

Dt 24:13 Iomraidhean Croise

Gn 15:6

Max yaon oc Abram yin c'ul tzet max yal Jehová bay, xan watx' max yun cancan yul sat Cham.

Salmos 112:9

Yin c'am basilal chi colwaj xol eb meba'. A is watx'c'ulal tu', ayc'al yin tojbalk'inal, tol miman ok binaj yuj is yikbej.

Ex 22:25

Ta che yak' ch'en tumin majanil bay junok meba' anima, tol e yet conob ayic' e yetok, c'am che cha' yuca' ch'en bay.

Is 58:8

Ta axca tu' che yunej, a in watx'c'ulal ok tx'oxil ba e yin yin aymanil, axca chi yun k'inibi ajok. Yin aymanil ok e yi' e cawil. Ayin ton e tojolal wayji, babel in toj e satak; axa in mayk'ak'al tzakan oc e yintak ex tayneni.

Ez 18:12

Chi yetnen eb meba', c'al eb ok'bal c'ul yayji yuj is cawxinakil. Chi elk'an bay eb anima, c'am chi yak' pax is majanbilal tumin bay eb chi oc majan bay. Asanxanej is lek'ti' diosal tu' chi yaoc yipok is c'ul, cax chi yunenc'al tzet yetal tol yajbejtak in satak.

Ez 18:16

C'amc'al junok mac chi yetnej. C'am junok tzet yetal chi k'ancan ec' bay eb chi oc majan tumin bay. C'am chi elk'ani. A ti' yet tol chi yak' is lobej eb c'am is lobej, cax chi yak'on is pichil eb c'am is pichil.

Ez 18:7

C'am chi yetnej junok yet animail. A ti' yet tol chi yak' meltzoj is majanbilal tumin bay eb ay tzet chi majanej bay. C'am chi yelk'anej is tzet yetal junok mactxel. Chi yak' is lobej eb c'am is lobej, cax chi yak'on is pichil mac c'am is pichil.

Ez 33:15

Chi yak'on meltzoj majanbilal tumin bay junok chi oc majan bay. Ta ay tzet yetal elk'anebil yuj, chi yak'on meltzojok; cax chi yiken leyalil chi on yiquisbi ec' eb anima. Wal yel, a jun tu' manto ok camok.

Dn 4:27

Yuj tu xin mamin rey, aoc masanil juntzan k'anej chi wal ti' yin a c'ul. Yuj tu' tojolc'al chot a ba, c'amxa chaoc a mul. Matawal cha bek a yobtakil cax chach colwaj bay eb chi etaxi. Tekan axca tu' chach ayji ec' yin junc'ulal, c'al aj can yin masanil tzet yetal, ẍi Daniel ayin, ẍi cham rey Nabucodonosor.

Am 2:8

A yiban pichilej chi cha eb, yuj chi yak' eb tumin majanil, a tu' chi ay telan eb mulji satak junjun altar, cax chi loon eb loj chi altelay bay comon dios. A yetok ch'en multa chi cha eb, chi man eb an, cax chi uc'wi an eb bay templo is diosal eb tu', ẍi Jehová.

Ef 4:26

Ta ay bay chi tit jowal, manchak jun junok tzet yetal man watx'ok yuj jowal tu'. Maj je' tol ayc'al ec' jowal yin co c'ul tu', cax chi aycan aj c'u.

Dt 24:12

Ta caw wal tol meba' jun anima bay che yak' ch'en tumin majanil tu', manchak e mitx'can waay is majanbilal tu' yet chi ec' ak'bal.

Dt 24:15

Tojlanejek is c'u e majan yet junjun yayc'ualil, yujtol a eb meba' yowalil ok man eb tzet ok lo' yet jun c'ual tu'. Ta c'amak, ok aj yaw eb bay Jehová, cax chi oc e mulok satak Cham.

Dt 6:25

Yuj wal tu xin, ta ok jikejc'al juntzan chekbanilej ti' axca max yun yalon Jehová, watx' on yul is sat, quex chi bay eb.

Santiago 1:27

Tatol ay eb unin tol c'amxa is mam c'al is txutx, c'al eb ix tol camnakxa yichamil, cax ayoc eb yin yailal, yowalil chi toj jil eb, cax chon colwaj bay eb. Yetok c'apaxok, chi co pojil co ba xol masanil yobtakil bay yulyibank'inal ti'. Tatol chi jun juntzan ti', tita' wal tol yel chi jak' serbil co Mam Dios chi yal tu'.