Dt 20:3 - A Txꞌan Biblia Yin Kꞌanjobal 1989

³ cax ok yalon axca ti': Abek ex wet israelal, a tinani' toxa ok ex tok yin owal yin eb ajc'ul, c'amc'al chi cabax aj e c'ul, tamwal chex xiwi. C'amc'al chex bilaj yuj xiwilal,

Dt 20:3 Iomraidhean Croise

2 Cr 32:8

A cham tu', a eb is soldado ayoc yipok c'ul; a pax ayon ti', a Jehová co Diosal ayoc jetok, a' ok ak'on owal juj, ẍi cham bay eb. A wal yet max yaben eb conob tu' is k'anej cham rey Ezequías, caw wal max yi' yip is nabal eb.

Job 23:16

A Dios chi je' yuj masanil, a yuj Cham chi pax wip yuj xiwc'ulal.

Salmos 3:6

C'am chin xiw yuj jun miman bulan ak'om owal oyan ec' winlak ti'.

Ex 14:13

Max tak'wi cham Moisés bay eb anima tu': —Manchak ex xiwi, tec'bajek e ba. Ok e yila' tzet ok yut colwaj ba Jehová jetok tinani', tol c'amxa bay ok e yil yin juntzan egipcio ti'.

Is 28:16

Yuj wal tu xin, xan chi yal Jehová axca ti': Ayin wal max wacan oc jun ch'en ch'en yet yichbanilej bay Sión, tol miman yelapnok, tol sic'bil el ch'en wuj yet chi oc bay txiquin na. C'am bak'in chi c'ayil jun yich ayay tu': a mactxel chi yaoc yipok c'ul, c'amc'al tzet chi na'.

Is 7:4

Tix chot alon bay ti': Xelc'al a ba, cax c'am chach xiwi, tamwal chach aj q'uitnajok. Manchak ach oc il yuj yowal cham Rezín, yetok eb aj Siria, yetok c'apax cham c'ajol Remalías tu', manchak ex oc il. Lajan eb axca cabok cux chi el mubal.

Nm 14:9

Yuj wal tu xin, c'am che yiel e ba yintak Jehová, cax c'am chex xiw bay eb anima ay bay jun lugar tu'. Axcac'al co loon junok pan, cac'al tu' ok yun c'ayil eb nak tu' juj. Tok ay mactxel ok colon eb ayon, a pax ayon ti xin, ayoc Jehová jetok. C'am chex xiw bay eb, ẍi eb.

Mt 10:16

Ilabi, chex in chektok xol anima axca calnel xol no ok. Yuj tu', jelanc'al che yut e ba axca wal junok labaj caw jelan. Palta manso che yut e ba axca no paloma.

Mt 10:28

Manchak ex xiw bay eb chi je' ex yak'on camok, yujtol tok ok je' yak'on cam eb e yanimail. A bay Dios chex xiwi, yujtol chi je' yuj Cham ex yak'on camok, c'al yaontok e mimanil c'al e yanimail bay infierno.

Mt 8:26

—¿Tzet yuj xan xiwil chex xiwi? ¿Tzet xan c'am wal che yaoc e c'ul yin Dios? ẍi Cham bay eb. Max lajwi tu xin, max aj wan Cham, cax max tenon oc wanaj jun miman cak'ek' tu', c'al a' mar, axa numay masanil tu'.

Mc 16:18

ta chi mitx' eb labaj, ta chi yuc'tok eb junok tzet yetal chi cam anima yuj, c'am tzet ok on eb; ta chi batxbaj oc eb k'ab yiban eb ya'ay, ok watx'jokcan c'ul eb yuj eb, ẍi Jesús.

Mc 16:6

Axa yalon bay eb tu': —Manchak ex xiwi. Ayex ti', a Jesús aj Nazaret che sayic'ok, jun max alay oc yin curus. Mayal ictzoj ajok. C'amxa mac ayic' yul ch'en ti'. Ilekto wali bay max ul yacan octek eb ti'.

Tzetak Yetal Max El Yunen Eb Chekbej Jesús 27:24

Max yal jun ángel tu' ayin axca ti': Manchak ach xiw Pablo, yowalil ok ach apnok satak cham yajaw bay Roma. Ojc'al xan ok colil Dios eb ayoc yul barco ti' masanil, ẍi jun ángel tu' ayin.

Dt 20:1

A yet ok ex tok e yak'len owal yetok eb ajc'ul, ok e yila' tatol xiwil bisil chej eb, c'al carruaje yet owal, yetokc'al is soldado eb, xiwilxa bisil eb e yintak, manchak ex xiw bay eb, yujtol a Jehová co Diosal, Cham max on ion eltek bay Egipto, a' ok oc e yetok.

Dt 20:2

A yet chi apnixac'al yorail yoc owal tu', a cham sacerdote ok k'anjab bay eb soldado,

1 Ts 5:15

Che yilc'al, manchak e pak e ba bay mac chi ak'on yobc'ulal ayex. Watx'c'al che yut e ba ayex junjun ex, yetokc'al bay masanil eb jet animail.

1 Ti 6:12

Axca junok soldado caw tec'an chi yut ba, cayokab tu' chot aon oc a c'ul yin Cham Jajawil. Axca ti' chot a chaon a k'inal tol ayc'al yin tojbalk'inal. Yuj a chaon a k'inal tu', xan max ach yawtej oc Dios yetok. Caw watx' max ot alon satak masanil eb max aben aloni, tol Jajawil ton Jesucristo.

Hebreos 13:6

Yuj tu', c'am chon xiw jalon axca chi yal yul tx'an Un: Chi colwaj Cham Jajawil wetok, xan c'am chin xiwi. Tok ay tzet chi je' quin yuten eb anima, ẍi.

Josué 23:10

A bay junok on chi je' yelaj junok mil, yujtol a Jehová co Diosal chi yak' owal juj, axca wal max yun yak'on Cham is ti'.

Ap 2:10

Manchak ex xiw yuj juntzan yailal ok jayoc e yiban. Ay ex ok ex alay oc preso yuj nak diablo, yuj ex yak'on porobal. Ok e yab yail lajonebok c'u, palta yikemokabc'al che yut e ba masantac'al camich. Ok in paktzej e yikemal tu', a ton e k'inal tol ayc'al yin tojbalk'inal.

Babel Libroal Cham Samuel 17:32

Max yalon David bay Saúl: —Manchak ex xiw bay jun filisteo tu'. Ok in tok ayin a chekbej in ti', ok wak' owal yetok, ẍi David.