Dt 2:5 - A Txꞌan Biblia Yin Kꞌanjobal 1989

⁵ c'amc'al tzet che yut eb, yujtol c'am jabok tx'otx' ok wak' ayex bay jun nación tu', yujtol a masanil tx'otx' siquilal tx'otx' yul yet Seir, yetc'al eb yinatil Esaú yayji ocok. Ayin max wak' bay eb.

Dt 2:5 Iomraidhean Croise

Gn 36:8

Yuj tu xin, max toj Esaú, ac'al oc chi ikon c'apax Edom, cajay bay siquilal tx'otx' Seir.

Gn 36:9

Tix yoc yabixal eb yinatil Esaú ti', eb is yichmam eb nak edomita, eb nak max cajay ec' bay siquilal tx'otx' Seir.

Jeremías 27:5

Yetok wal wipalil tol miman yayji ocok, max in watx'nej yulyibank'inal ti' yetok masanil tzetak yetal ay bay. Max in watx'nej eb anima, c'al no no'; xan chi je' wak'on bay tzanc'al mactxel bay chi yochej in c'ul.

Ez 35:2

Ach anima, meltzojantok t'anan bay yetc'ulal siquilal tx'otx' Seir, cax chalon el in k'anej yin.

Dn 4:25

tol ok ach uktelay el bay xol eb anima ti', cax ok ach tokcan xol no no'. Axa ac'un ok a lo' axca no wacax, cax ok ayc'ay yal ak'bal eban. Axca tu' ok yun ayji ec' yin ukeb abil, mamin rey, masantac'al ok nachaj el oj is yipalil Cham Axac'al Ocok, tol a' ay yikbej yiban is yikbej eb anima, cax a' chi aon oc yin reyal mac chi yochej is c'ul.

Dn 4:32

Ok ach uktelay el xol eb anima, cax ok ach tokcan xolak no no'. Ac'un ok a lo' axca no no' yin ukeb abil, masantac'al ok yal nachaj el oj tol a cham Axac'al Ocok ay is yikbej yiban masanil anima, c'al yiban masanil nacionlak bay sat tx'otx' tx'otx' ti'. A' chi aon oc yin yajawil mac chi yochej is c'ul, ẍi jun k'anej tu'.

Tzetak Yetal Max El Yunen Eb Chekbej Jesús 17:26

A Cham watx'nenej nak babel winak, nak bay max titoc yinatil junjun conob bay yulyibank'inal ti', xan ay anima bay masanil yulyibank'inal. Asan Cham chi aloni, tzet tiempoal chi aj can junjun conobal. A Cham chi ak'on lugar junjun conobal bay chi cajayi.

Tzetak Yetal Max El Yunen Eb Chekbej Jesús 7:5

Palta c'am jabok is tx'otx' max ak'lay is satakok yuj Dios cayti', cax junelnej c'am jabok. Asan xin, max yak' Dios is ti' bay, max yalon bay axca ti': Ok wak' jun tx'otx' ti' ayach, c'al bay eb enatil, ẍi Dios bay. C'amto junok yuninal yet max yalon Dios jun ti' bay.

Dt 2:22

Caw wal lajan max uj tu' axca max yun eb yinatil Esaú, a ton eb max cajay ec' bay Seir. A Jehová max ak'on lajwok eb horeo, cax max canxac'al can eb yinatil Esaú q'uexelok eb bay tu'.

Dt 2:6

Yuj tu' ok e k'an e man masanil tzet ok e lo' bay eb, cax ok e tojlanej a' aej ok e yuq'uej, ẍi Jehová.

Dt 32:8

Yet max pojaxcantok anima c'al nacionlak yuj Cham Axac'al Ocok, yuj yaoncan oc is mojonal is tx'otx' junjun conob, yin babelal max na' Cham yin jantak bisil eb israel.

Josué 24:4

Max wak'on cawan is c'ajol Isaac tu', a ton Jacob yetok Esaú. Cax max wak'on tx'otx' Seir, siquilal tx'otx' bay Esaú tu'. Axa pax Jacob yetok yuninal max apnican oc bay Egipto.