Dt 19:8 - A Txꞌan Biblia Yin Kꞌanjobal 1989

^8-9 Ta ok e beybalnej juntzan chekbanilej chi wal ayex ti' tinani', yujtol che camc'ulnej Jehová co Diosal, cax chex tojc'al yintak, ok yak' Cham masanil tx'otx' ayex, axca wal max yun yak'on is ti' bay eb jichmam. A yet ok bic'oj e tx'otx'al tu' yuj Jehová co Diosal, ok e yaon oc oxebokxa conob tz'akilok oxeb txequelxa yayji tu', a ton bay chi je' e colon e ba.

Dt 19:8 Iomraidhean Croise

Gn 28:14

A enatil tu' xiwil ok yun bisil axca pokokal tx'otx', cax ok tojc'al leeok eb bay yetc'ulal bay chi ajol c'u, bay yetc'ulal chi tojcan c'u bay norte, c'al bay sur; masanil nacionlak yulyibank'inal ti' ok cha eb watx'ilal oj ach ti', c'al yuj eb enatil.

Babel Libroal Yabixal Eb Rey 4:21

A cham Salomón tu', rey yiban masanil juntzan conoblak tu': Chi tittac'al bay a' Éufrates masantac'al chi jayoc bay is conobal eb filisteo c'al bay mojonal yet Egipto. A masanil juntzan tu' max yak'c'al eb tojlabal bay cham Salomón yet iquis ec' cham.

Esdras 4:20

A yet tu' ay eb reyal Jerusalén caw wal jelan, max ayji yikbej yiban tx'otx' tx'otx' bay yetc'ulal yayubc'ual a' Éufrates, max tojlanej eb anima bay tu' tojlabal c'al waj tumin bay eb.

Ex 23:31

Mayal wacan ay is mojonal bay ok ec' e tx'otx' tu'. Chi chail yich bay a' Cakyin Mar masantac'al chi apni oc bay a' Éufrates, cax chi tojtac'al bay a' Mar Mediterráneo bay ayic' eb filisteo, masantac'al bay takin tx'otx'. Cax ok waon oc eb cajan bay sat tx'otx' tu' yul e k'ab; ayexxa ok e yuktej el eb bay sat tx'otx' tu'.

Ex 34:24

Ok wiel masanil juntzanxa nación e satak, cax ok bic'ojcantok e tx'otx'. C'am mactxel chi yaloc e tx'otx' tu' yetok, yak'ban chi oc eb winak in satak oxel yul abil.

Dt 12:20

A wal yet ok bic'oj c'al e tx'otx' yuj Jehová co Diosal bay jantak max yak' is ti' yak'oni, ta chi yochej e c'ul ok e chi' chibej, ok je' e chion no' yin tzanc'al tzet c'ual.

Dt 19:7

Yuj tu' xan chi wal ayex xin, tol che pojcan el oxebok conob bay chi je' colon ba anima.