Dt 19:4 - A Txꞌan Biblia Yin Kꞌanjobal 1989

⁴ A mac chi mak'cam junok anima, chi je' toj colon ba bay tu', yet watx' c'am chi cami, ta man yinok c'ul max tita, c'am pax ajc'ulal nan xol eb.

Dt 19:4 Iomraidhean Croise

Gn 31:2

Cax max yilon c'apax oc cham Jacob tol a cham Labán yobxac'al chi yut matz'lok ba cham yin, cax man axcaok yet yalantok.

Yet Is Cab Libroal Cham Samuel 14:11

Palta max occ'al tean yin cham rey: —Chin tewi ayach mamin rey, tol cha k'an bay Jehová co Diosal, tol a jun icanejal t'inan chi paktzej is camichal nak wune' tu', c'amokab chi ajc'al can yak'wi cam anima yin mak'on cam junxa wune' ti', ẍi xal. Palta max yal cham rey: —Chi wak' in ti' bay Jehová tol c'am jabok tzet ok on nak one' tu', ẍi cham.

1 Cr 11:2

Caxc'al mi a yet ayoc Saúl yin reyal yet yalan, palta ach max on ekbaj yet max on toj yin owal. Yetok c'apaxok, max yal Jehová co Diosal ayach, tol ach ok on ekbaj, c'al occan yin yajawilal co xol ayon conob Israel on ti', ẍi eb bay.

Is 30:33

Yujtol a tz'abal camnak yet is reyal Asiria, payxatax maxax watx'ji, ay jun bulan si' tol miman sat cax najat yich. A Jehová ok ak'on yowal is k'ak'al yuj is k'anej.

Nm 35:12

A tu' chi col ba jun mactxel tu', caxc'al chi saylay ec' yuj mac ayto yuj ba yetok jun max cam tu', c'am chi je' cami, ta c'amto chi oc k'anlebal bay yuj eb yajaw conob tu'.

Nm 35:9

Max k'anjab pax Jehová bay cham Moisés, max yalon axca ti':

Dt 19:3

Oxeb makan ok yun e pojon ay tx'otx'. A bay nan yul junjun makan tx'otx' tx'otx' tu', a tu' chi cancan junjunok juntzan conob tu'. Ok e watx'nej c'apax beal yin juntzan conob tu', yuj tu' xan tzanc'al mactxel chi mak'cam junok yet animail, chi je' toj colon ba bay junok juntzan conob tu'.

Dt 19:5

K'inalok ta ay cawanok chi toj bay xolak te' tzoc'oj si', ta ay junok eb c'uxan chi eltek ch'en echej tu' yul is yochal yet lanan tzoc'wi si' tu', cax chi low ch'en yin nak ajun yetok tu', cax chi cami; a nak tu' chi je' yeli, cax chi toj colon ba bay junok juntzan conob tu'.

Dt 19:6

Tatol junnej conob, najat mi toj beal, ay is may chi tzakloj junok yican nak max cam tu' yintak yet chi paktzen bay, yetok yowal c'ul. K'inalok ta chi michchaj yuj, cax chi mak'on camok, palta man is mojok chi cami, yujtol a yet yalantok, c'am bay tol yajc'ul ba eb.

Dt 4:42

A bay tu' chi je' colon ba junok mac chi mak'cam junok yet animail tol man yinok c'ul max tita, c'am bay chi yak' owal yetok yet yalantok. A jun tu' chi je' colon ba bay junok juntzan conob tu'.

Josué 3:4

Axca tu' ok yun e yojtaknen elok, baytal ok ca e toji, yujtol c'amto junok ex e yojtak jun be tu', asan xin, c'am chex ocxac'al tzakan yintak, najat tzunanc'al che yut e ba, axca mi junok kilómetro chex can yintak, ẍi eb.