Dt 18:1 - A Txꞌan Biblia Yin Kꞌanjobal 1989

¹ A eb sacerdote yinatil Leví yetokc'al masanil eb tribual Leví, c'am is satak eb axca yet juntzanxa eb jet israelal. A yuj xajanbal ok ak'lay tz'a bay Jehová ok on yec' tiempo yuj eb. A tzet yetal yet Cham, a juntzan tu' yet eb.

Dt 18:1 Iomraidhean Croise

Jeremías 33:18

Man ok c'ay c'apax el eb sacerdote yetokc'al juntzanxa eb yinatil Leví; a eb tu' ok ak'on tz'a xajanbal ayin. Yin junjun c'u ok yak'on tz'a eb ixim trigo yin xajanbalil, c'al yak'on eb juntzanxa xajanbal ayin, ẍi Cham.

Ez 44:28

C'amc'al junok satak eb sacerdote chi yi bay e conob, axca tol ayin, ayin oc is satakok eb.

Nm 18:20

Max yalon Jehová bay cham Aarón: Ach ti' c'am a tx'otx' ok a sataknej yetok masanil eb et israelal, yujtol ayin ti' a satak wayji ocok bay conob Israel ti'.

Nm 26:62

A masanil eb winak yin yinatil Leví, a ton eb yin jun xajaw is k'inal chi beyc'altok, ay 23,000. A eb ti' c'am oc eb bisilok juntzanxa eb yet israelal, yujtol a eb levita tu' c'am is satak eb max yi' yetok juntzanxa tribual tu'.

Dt 10:9

Yuj tu xin, a eb tribual Leví tu' maj cha eb is satak yin tx'otx' tx'otx', yujtol a Jehová ayoc is satakok eb, axca max yut yalon Cham.)

Dt 12:19

Yak'ban ayex ec' bay jun tx'otx' tu', c'amokab chi toj eb levita c'ayc'ulal e yuj.

Josué 13:14

A pax bay eb tribual Leví xin, maj yak'can cham Moisés is satak eb, yujtol yet eb yayji masanil xajanbal chi ak'lay tz'a bay Jehová is Diosal israel, atac'ala' max yun yalon Cham.

Josué 13:33

A pax eb tribual Leví xin, c'amc'al tx'otx' max ak'lay sataknej eb, palta tol max al-lay bay eb, tol a Jehová Diosal Israel ayoc is satakok eb.

Josué 18:7

A pax eb levita xin, c'am junok parcela ok yi' eb tu'. A tzet yetal ok yi' eb tu', a ton is sacerdoteal eb satak Jehová. A pax eb is tribual Gad, c'al yet Rubén, yetokc'al nanxa is tribual Manasés, ayxa is satak eb bay yetc'ulal bay chi ajol c'u bay a' Jordán, a ton tx'otx' max yak'can cham Moisés is chekbej Jehová, ẍi cham Josué.