Dt 17:2 - A Txꞌan Biblia Yin Kꞌanjobal 1989

² Ta a bay junok juntzan conob ok yak' Jehová co Diosal ayex tu' ok el k'umal, tol ay junok winak, ma junok ix chi yun tzet yetal tol c'am chi cha' c'ul Cham, tol c'am chi yikej is trato Cham,

Dt 17:2 Iomraidhean Croise

Yet Is Cab Libroal Yabixal Eb Rey 18:12

Axca tu' max yun yelapnok yujtol maj yikej eb israel bay Jehová is Diosal eb, max ten eb is trato Cham, maj cha yab eb tzet max cheklaycan yun eb yuj cham Moisés is chekbej Jehová, tamwal max yikej eb.

Yet Is Cab Libroal Yabixal Eb Rey 21:3

Max ca watx'nej aj juntzan lugar yet ayilal bay can ay ajok, juntzan max yuch lajwok Ezequías. Max watx'nej aj altar yet Baal, max watx'nen c'apax aj jun yechel Asera, axca wal max yun Acab reyal Israel, cax max oc yin ayilal bay masanil tzektebalej ay satcan.

Job 31:28

Ta max wun axca tu', moj mi wal tol chi alay oc yailal wiban; ta axca tu' yin mi cabsatil chi wiay in ba bay Dios Cham aj satcan, chi yal tu'.

Ex 22:19

Ta ay mac chi yun mul yetok no no', yowalil chi cami.

Ex 22:20

Ta ay mac chi yak' xajanbal bay tzet chi al-lay oc diosal, yowalil chi mak'lay camok, yujtol wet yayji xajanbal tu', ayin Jehová in ti'.

Jeremías 31:32

A jun trato tu', man lajanok yetok jun max in watx'nej yetok yichmam eb yet max wion eltek eb bay Egipto; axca tol ocnak in quetzan yin k'ab eb max wion eltek eb. Ayin wal caw Jehová in chi wala', tol a eb tu' maj yikej eb in trato max in watx'nej yetok eb, caxc'al axca tol wetbi max wut eb.

Jeremías 34:18

A eb yajaw yayji bay Judá, c'al bay Jerusalén, yetokc'al eb chekbej yayji bay despacho, yetok eb sacerdote, c'al yetok masanil anima aj conob yayji bay tu', max yak' eb jun trato in satak. Ca makan max yut pojon ay eb jun no wacax, max ec'tok eb nan xol no ca makanil tu'. Palta yin wal aymanil max yintaknej el eb jun trato bay max yak' eb is ti' tu'. Xan caytu' ok wut eb, axca max yut eb no wacax tu'.

Ez 16:38

Ok in beyc'ulnej ix, axca chi yun beyc'ulnelay junok ix ix ay yajaw chi yut ba yin ajmulal, ma junok ix mak'om cam anima. Yetok wal yowal in c'ul, c'al yetok in chichonc'ulal ok waon oc yul k'ab camich.

Os 6:7

A jun in conob ti', max ten in trato axca Adán. Yob max yut ba ayin.

Os 8:1

¡Xu a trompeta! Chi jayoc lemnaj eb ajc'ul yiban in conob axca junok no tx'acbaj, yujtol maj yikej eb in trato max wak' yetok eb, max tenon eb in cuybej.

Lv 20:2

Al masanil juntzan ti' bay eb et israelal: Tzanc'al mac ex txel ma tx'ok conobal cajan ec' e xol tol chi yak' junok yuninal yin xajanbalil bay comon dios Moloc, a jun tu' yowalil chi k'oklay cam yuj eb yet conob.

Lv 26:15

ta ok e yintaknej el in ley ti', cax man ok e yikej juntzan in chekbanil ti', cax ok e yetnentok in trato,

Lv 26:25

Ok watok owal e yin e yailalok, yuj in paktzen ayex yuj c'am che yikej in trato. Toxac'al ok ex tok lemnaj e colon e ba bay e conobal, palta a bay tu' ok watok owal ilya', caytu' ok yun e yayc'ay yul k'ab eb e yajc'ul.

Dt 17:5

yowalil chi ilaytok mac chi oc mul tu' bay puertail jun conob cax chi k'oklay camok.

Dt 29:18

Chi cam e yiloni tol c'amokab winak, tamwal ix co xol ti', tamwal junok tribu tol ok bekoncan Jehová co Diosal, cax ok oc ayilal bay is diosal juntzan nación tu'. Ta chi yun juntzan tu', lajan mi axca junok ac'un tol caw wal c'a', cax veneno is xe'.

Dt 29:25

Axa is paktzebal juntzan tu xin: Yujtol a is conob Cham tu' max bekcan is trato max watx'nej yetok eb yichmam eb, yet max eltek eb bay Egipto.

Dt 31:20

A yet ok lajwok wion octok eb anima ti' bay sat tx'otx' tx'otx' max wak' in ti' wak'on bay eb e yichmam, caw wal tol yax sat tx'otx', ok low eb, ok noj c'ul eb, c'al bak'echbi eb. A wal yet tu', cax ok tok eb yintak yechelej tu'. Ok oc eb yin ayilal bay juntzan tu'. Ok in yintaknen can el eb, cax ok yetnentok eb in trato max in watx'nej yetok.

Dt 4:23

Ikejek xin, manchak toj c'ayc'ulal e yuj is trato Jehová co Diosal max yak'can e yetok. C'amokab wal junok yechelej tol chi al-lay oc diosal che watx'nej, yujtol ay yowalil yuj Cham.

Hebreos 10:28

Ta ay mac c'am chi iken ley Moisés, cax ta ay pax cawanok ma oxwanok testigo chi ilon tol c'am chi yikej, tojol cami, yin c'amxac'al yabenc'ulal.

Josué 7:11

A eb e yet israelal max oc is mul, yujtol maj yikej eb tzet max wal ayex. Max yelk'anejtek eb tzet yetal tol max wala' tol chi c'ayil masanil. Max elk'an eb, max yiontok eb yin ewantakil, cax max c'uban el eb bay cajan ec'ok.

Josué 7:15

A mac chi ilchaj elok tol ay tzet yetal bay, tol max wala' tol chi c'aylay elok, a jun tu' chi ak'lay tz'aok yetokc'al yetbi, c'al yuninal, c'al yetok masanil tzet yetal ay bay, yujtol max yun tzet yetal tol man is mojok; maj yikej in trato, ẍi Jehová.

Eb Juez 2:20

Yuj wal tu' xan max tit yowal c'ul Cham yin eb, max naon Cham axca ti': A juntzan anima ti', caw wal c'am jabok chi yikej eb in trato max wak' yetok is yichmam eb.

Eb Juez 6:31

Cax max tak'wi Joás bay masanil eb anima oyan oc yin tu' axca ti': —¿Tom che col jun Baal tu', cax che yak'on yowalil? Ta axca tu', camokab jun mac chi colon Baal tu', yak'ban c'amto chi sakbi elok. Ta yel tol Dios jun Baal tu', colokab ba yul yet, yujtol a' ay yet jun altar max uchlay ay tu', ẍi Joás.