Dt 15:9 - A Txꞌan Biblia Yin Kꞌanjobal 1989

⁹ Manchak e chaoc junok yobal nabalej yin e nabal axca ti': Ilab tol cawilxa chi jayoc yet is suk abil, a ton jun abil yet c'amxa chi k'anlay ec' tzet yetal majanebil, man quex chiok. Maj je' yob ok e yut e c'ul yin eb meba' ay xol eb jet conob ti', axa chi yunajok, c'amxac'al che yak' majanej eb janic'ok tzet chi k'an eb, talaj chi aj yaw eb bay Jehová yuj e yobc'ulal tu', cax chi oc e mulok satak Cham.

Dt 15:9 Iomraidhean Croise

Job 34:28

Max el yaw eb meba' c'al eb ok'bal c'ul yuj eb; a yaw eb tu' max apnitac'al oc satak Dios, max yaben Cham.

Salmos 101:3

C'am bak'in ok in tok t'anan yin yob nabalej. C'am chi wochej eb yob yak'on yetok Dios. C'am bak'in tol ok in cha' jay eb in c'atan.

Salmos 12:5

Tix pax yalon Cham Jehová ti': Chi etnelay eb c'am tzet ujnak. A eb meba', chi el yaw eb yuj yail. Yuj tu xin, yowalil ok in aj wanok, cax ok in coloncan el eb tol ochebil in colwal yuj, ẍi Cham.

Salmos 9:12

Man toc'alok chi yiloc Dios eb mak'om cam anima, c'am chi tojcan c'ayc'ulal is yailal eb ayoc yin bilc'ulal.

Ex 22:22

Manchak e yetnej eb ix camnakxa yichamil, ma eb unin tol c'amxa is mam, c'amxa is txutx,

Ex 22:23

yujtol ta che yetnej eb, a ayin ok k'an eb colwal, cax yin aymanil ok in col eb.

Ex 3:7

Cax max yalon Cham: —Caw wal chi wil wali tol ok'bal c'ul chi yun eb in conob bay Egipto. Caw wal chi wab yok' eb yuj tzet chi utlay eb yuj eb ayoc yilomalok eb. Wojtak wali, tol caw wal ok'bal c'ul chi yun in conob bay tu'.

Pr 14:21

Chi oc co mul, ta chi jintaknej el eb jet animail, palta caw wal watx' jet, ta chi ok' co c'ul yin eb meba'.

Pr 21:13

A mactxel c'am chi cha yab is tewilal eb meba', man c'apax ok chalay is tewilal yuj Dios yet ok k'anon colwal Cham.

Pr 23:6

Manchak ach low bay meẍa junok bas, manchak ochej oc is lobej manxa watx'ilok.

Pr 24:9

A tzet chi na eb c'am nabal, a ton mulej; c'am mac watx' chi yab yuj eb buchwajwom.

Pr 28:22

A mactxel chi yak' yip yet chi oc beyomal yin aymanil, yujtol chi yochejc'al xiwil tzet yetal, man yojtakok tatol ok jayoc mebil yiban yuj.

Pr 4:23

Caw wal cha taynej a nabal yintak masanil tzet yetal ay bay yulyibank'inal ti', yujtol a a nabal tu' ok ach ikban yin tzet ok yun a beytok.

Jeremías 17:10

Ayin wal Jehová in chin beyc'ulnej el nabalej. Wojtak wal tzet chi ec' yul c'ulej. Ayin chin paktzej bay junjun axca wal is mojalil, atac'ala' tzetak chi el yuneni, ẍi Jehová.

Jeremías 34:14

tol yin ukuktak abil cax chi bekon el eb is moso, a ton eb yet israelal, eb max txon ba bay eb, tol mayal ak'lay serbil eb yuj eb yin wakebok abil. Palta a eb e yichmam tu', maj cha' yab eb tzet max wala', tamwal max yikej eb.

Mt 15:19

Yujtol a bay nabal anima chi pitzc'oj aj masanil yobtakil, axca mak'oj cam anima, yoblejbail yul k'ab nupayil, ajmulal yet c'amto yetbi, elk'an, naoj aj k'anej, c'al buchwal k'anej.

Mt 20:15

Ayin ti', ay walon wet wak'on in tumin axca bay chi el yin in c'ul. Maj je' tit owal win, yujtol watx' chi wut in c'ul yin junok mactxel, ẍi cham. Axca tu' yalon jun abix ti'.

Dt 15:1

Yin uk uktak abil, cax che bek e k'anon meltzoj tzet max e yak' majanil.

Dt 24:15

Tojlanejek is c'u e majan yet junjun yayc'ualil, yujtol a eb meba' yowalil ok man eb tzet ok lo' yet jun c'ual tu'. Ta c'amak, ok aj yaw eb bay Jehová, cax chi oc e mulok satak Cham.

Dt 31:10

Max yalon cham axca ti': A yet chi tz'aknaj uk uktak abil, yul abil yet chi jolay c'ay jequej, a yet wajan ec' masanil conob satak Jehová yul juntzan c'ual k'inal chinama, a yet tu' ok awtelay aj yunal ley yab masanil conob.

Santiago 4:17

Tatol jojtak wal tzet chi yochej c'ul Dios chi junej, palta c'am chi jun paxok, ipan wal yoc co yobtakil bay.

Santiago 4:5

¿Tom che na' xin, tol c'amc'al jabok tzet chi yal elapnok is k'anej Dios yul tx'an Un Tz'ibbilcanok tol chi yal axca ti': A ton Dios max cajban can oc Cham Espíritu Santo jin, cax chi yochen Yespíritu tu' tol yet on yin junelnej, ẍi?

Santiago 5:4

Toc'al chi ul sa' eb e majan c'u ayex, tokwal che tojlanej c'u eb, toc'al che yetnej eb. Chi aj yaw eb bay Dios tinani', cax chi yalon aj eb e mul. Max ablay tzet max yal eb yuj Cham Yajaw yin Masanil.

Santiago 5:9

Ex wuẍtak, ex wanab, manchak ex alxi e yin junjun ex, yet watx' man ok ex beyc'ulnelayok, yujtol toxa wal ok jay Cham ok on beyc'ulnenok.

Is Babel Carta San Pedro 4:9

Jak'ek posada eb juẍtak eb janab, palta man ok on alwokcan k'umal yintak eb.