Dt 15:11 - A Txꞌan Biblia Yin Kꞌanjobal 1989

¹¹ Ayc'alta' eb meba' e xol, yuj tu' xan ayin chi wal ayex, tol bekanokab yel e yuj bay eb jet conob, tol lanan yaben yail mebil bay yul e conobal tu'.

Dt 15:11 Iomraidhean Croise

Ex 23:11

Axa yet is suk abil xin, cax che yak'oncan tx'otx' xewok. A jantakto tzetak yetal chi ch'ibaj sat tx'otx', c'amxa che mitx'a', yet-xa jantak eb meba' ayic' yul e conobal tu', ac'ala' a no no' ay xolak te', ok loon sat awoj chi yak' tx'otx'. Axca tu' chi yun e yak'oncan e yuva, c'al e yolivo.

Pr 19:17

A junok chi colwaj bay eb meba', axca tol a bay Jehová chi yak' majanil; axa Cham ok ak'on meltzoj jun majan tu'.

Pr 22:2

A junok beyom, c'al junok meba', lajanc'al el eb, a eb cawan tu', a Jehová max watx'nen eb.

Pr 31:20

Naanc'al eb meba', c'al eb ay is cawxinakil yuj.

Ez 18:7

C'am chi yetnej junok yet animail. A ti' yet tol chi yak' meltzoj is majanbilal tumin bay eb ay tzet chi majanej bay. C'am chi yelk'anej is tzet yetal junok mactxel. Chi yak' is lobej eb c'am is lobej, cax chi yak'on is pichil mac c'am is pichil.

Mt 26:11

A eb meba' che yal tu', ayc'al ec' eb e yetok; palta ayin ti', c'am inc'al ec' e yetok.

Mt 5:42

Tzanc'al mactxel chi k'anon majanej junok tzet yetal ayex, ak'ek bay, cax manchak e basnej.

Mc 14:7

A eb meba' che yal tu', ayc'al ec' eb e yetok. A yet ok e yochen e yak'on junok tzet yetal bay eb, ok je' e yak'oni; palta ayin ti', man tojbalk'inalok ayin ec' e yetok.

Lc 12:33

Txonekcan el masanil tzet ayex, cax che saontok tojol xol eb meba'. Axca ton tu' ok e yut e watx'nen caẍail e tumin c'am bak'in chi ichambi. A ta satcan ok wajnaj juntzan axca e beyomal tu'. A juntzan tu', c'am bak'in ok lajwok. C'am junok elk'om ok je' yapni yelk'anen bay tu'. Yetok c'apaxok, c'am c'apax no ij ok oc yin bay tu'.

Jn 12:8

A eb meba' tu', ayc'al ec' eb e yetok. A pax ayin ti xin, man tojbalk'inalok ayin ec' e yetok, ẍi bay nak.

Tzetak Yetal Max El Yunen Eb Chekbej Jesús 2:45

Aylaj eb chi txonil is tx'otx', c'al juntzanokxa tzet ay eb, cax chi pojon ec' eb is tojol tu' xolak eb, atac'ala' is cawxinakil junjun eb.

Dt 15:7

Ta ay junok eb jet conob ti' meba' e xol bay junok conob tol max yak' Jehová ayon, man yobok che yut e c'ul yin, palta che col eb jet conob yin is cawxinakil.

Dt 15:8

A ti' e yet, che sa' tzet yetal bay eb, cax che yak'on majanil bay eb tzet yetal tol chi oc yopiso yuj eb.