Dt 15:10 - A Txꞌan Biblia Yin Kꞌanjobal 1989

¹⁰ Manokab yobok che yab yuj chex colwajc'al bay eb, bekanokab yel e yuj, yujtol a yuj tzet watx' che yun tu', ok yak' Jehová co Diosal yaxilal e yiban yet ok ex beyc'altok.

Dt 15:10 Iomraidhean Croise

Pr 22:9

A mac elbej yel yuj, ok cha watx'c'ulal yuj pojon ec' is lobej xol eb meba'.

Ec 11:1

K'okaytok a lobej yul a'. Lajwi yeq'uel jayebok c'ual, cax ok ilchaj pax oj.

Is 32:8

Axa eb elbej yel yuj, a' elbejalil chi na', axa yuj elbej yel yuj eb tu', ok yi eb yip.

Is 58:10

tatol che yak' e ba yin e yak'on serbil eb ay is wajil, cax chex colwaj bay eb ayoc yin majilal, a k'ekk'inal ayoc e yinlak, ok yut ba yin sakk'inalil axca yet chuman c'u.

Mt 25:40

Catatu' bian, ok walon bay eb axca ti': Wal yel chi wal ayex, a yet max e yak'on juntzan watx'c'ulal ti' bay eb wuẍtak c'al bay eb wanab, caxc'al bay eb c'am yelapnok, palta chi yal elapnok tol a ayin max e yunej, quin chi, ok walon bay eb.

Tzetak Yetal Max El Yunen Eb Chekbej Jesús 20:35

Max in tx'ox ayex, tol yowalil chi jilc'al co mulnajil, yet watx' chi je' co colwaj bay eb chi cawxi elok. Yowalil chi co natek tzet yalnak Cham Jajawil Jesús junel axca ti': Watx' yet eb chi saoni, yintak eb chi chaon sabalej tu', ẍi Cham, ẍi Pablo bay eb anciano tu'.

Ro 12:8

A mac chi je' yuj yawi oc nabalej, yowalil chi yil yopiso tu'. A mac chi je' yuj colwaj bay eb meba', yak'okab bay eb yin masanil is c'ul. A mac a' ak'oj cuenta yet creyenteal yopiso, yak'okab yip yak'on cuenta eb. Yetok c'apax mac yojtak chi ok' c'ul yin eb ayoc yin yailal, colwajokab bay eb yin tzalojc'ulal.

Dt 14:19

Masanil no coc'lak no' ay is xic' chi ec' yin bulanil, man watx'ok no'. C'am chi je' e chion no'.

Dt 14:29

xan a yet ok apnok oc eb levita tol maj cha' is tx'otx' satakok e yetok, ma eb tx'ok conobal cajan ec' e xol, ma eb meba' c'amxa mam c'amxa txutx, c'al eb xal ix camnakxa yichamil, chi je' loon eb e diezmo wajan ec' tu'. Caytu' ok yun yak'on Jehová co Diosal yaxilal yiban masanil tzet che yun tu'.

Dt 15:18

Manokab yobok che yab yet che bekon el eb e chekbej, yujtol a yin wakeb abil max ex yak' serbil eb, cax asan ch'an nan is tojol eb max e yak' axca wal is tojol junok mulnajwom. Axa Jehová co Diosal ok yak' yaxilal yiban masanil tzet che yunej.

Dt 15:4

C'am che cha' aj can mebil yin eb jet conob, yujtol a Jehová co Diosal ok yak' yaxilal e yiban bay jun lugar ok yak' ayex tu'.

Dt 23:20

A bay junok tx'ok conobal ayic' e xol chi je' che k'an yuca' junok tzet yetal che yak' majanil. A pax bay junok jet conob xin, c'am che k'ana', Yet watx' ok yak' Jehová yaxilal e yiban bay sat tx'otx' tx'otx' tol ok oc e yetok tu'.

Dt 24:19

Ta a yet lanan e joon e trigo cax chi yak' ba cancan junok topan ixim e yuj e yintak, ma chi toj c'ayc'ulal e yuj, c'amxa chex meltzoj toj e sayoni, canokabxac'al. Axa eb tx'ok conobal ayic' e xol, c'al eb c'amxa mam, c'amxa txutx, ma eb xal ix camnakxa yichamil, axa eb ok ec' sic'on ajok, yet watx' ok yak' Jehová co Diosal yaxilal e yiban yin masanil tzet che yunej.

Dt 28:8

A Jehová co Diosal ok yak' watx'c'ulalil yiban e c'una', c'al yiban masanil tzet ok e yunej. Caywal tu' ok yun e yayji ec' yin tzalojc'ulal bay tx'otx' tx'otx' ok yak' Cham ayex.

Hebreos 13:16

Manchak toj c'ayc'ulal juj junen watx'il, c'al co colwaj bay eb jet animail. Yujtol a juntzan ti', co xajanbal c'apax bay Dios, cax caw chi tzaloj Cham yetok.

Is Babel Carta San Pedro 4:11

Tatol ayon chi je' co k'anjab elok, aokab is k'anej Dios chi jalilok. Tatol ayon chi je' jak'wi serbil, ak'wok on serbil yetok jip chi yak' Dios. Watx'c'al chi jut co watx'nen masanil tzet yetal, yet watx' chi al-lay watx' k'anej bay Dios yuj Jesucristo. Al-layokabi tol miman yelapnok Cham, caw ay is mayk'ak'al Cham yin tojbalk'inal. Yunokabi.