Dt 15:1 - A Txꞌan Biblia Yin Kꞌanjobal 1989

¹ Yin uk uktak abil, cax che bek e k'anon meltzoj tzet max e yak' majanil.

Dt 15:1 Iomraidhean Croise

Nehemías 10:31

Ta chi jayoc eb tx'ok conobal ul txonon masanil pojanil sat yawoj yet c'ual xewilal, man ok co man bay eb jabok, a ton yet c'ual xewilal c'al yet juntzanxa c'ual k'in. Yet is suk abil ok cancan tx'otx' tx'otx' xewok, cax ok jak'on tan jec eb jequelwom ayon.

Ex 21:2

Ta ay junok nak e yet conob che mana' yet chi oc e chekbejok, asan wakeb abil chi mulnaj nak e yetok, axa yet is suk abil xin, cax che bekon elok, cax yet-xa ba. C'amc'al tumin chi yak' nak yuj is bekbanil.

Jeremías 34:14

tol yin ukuktak abil cax chi bekon el eb is moso, a ton eb yet israelal, eb max txon ba bay eb, tol mayal ak'lay serbil eb yuj eb yin wakebok abil. Palta a eb e yichmam tu', maj cha' yab eb tzet max wala', tamwal max yikej eb.

Dt 15:2

A jun k'anej ti', tix wal yayji oc ti': Masanil mac tol ay tzet max yak' majanil bay junok jet conob, c'amxa chi k'ana', yujtol a jun abil tu' max yal Jehová, tol c'amxa chi k'anlay ec' tzet yetal aytok majanil.

Dt 15:9

Manchak e chaoc junok yobal nabalej yin e nabal axca ti': Ilab tol cawilxa chi jayoc yet is suk abil, a ton jun abil yet c'amxa chi k'anlay ec' tzet yetal majanebil, man quex chiok. Maj je' yob ok e yut e c'ul yin eb meba' ay xol eb jet conob ti', axa chi yunajok, c'amxac'al che yak' majanej eb janic'ok tzet chi k'an eb, talaj chi aj yaw eb bay Jehová yuj e yobc'ulal tu', cax chi oc e mulok satak Cham.

Dt 31:10

Max yalon cham axca ti': A yet chi tz'aknaj uk uktak abil, yul abil yet chi jolay c'ay jequej, a yet wajan ec' masanil conob satak Jehová yul juntzan c'ual k'inal chinama, a yet tu' ok awtelay aj yunal ley yab masanil conob.