Dt 14:1 - A Txꞌan Biblia Yin Kꞌanjobal 1989

¹ Ayon ti' yuninal on Jehová co Diosal. Manchak jak' yasjok co mimanil, tamwal co tzukon el xil co jolom bay co satak yet chi cam junok anima,

Dt 14:1 Iomraidhean Croise

Gn 6:2

axa eb nak yuninal Dios,*fn* max yilon oc eb nak eb ix cutz'in eb anima tol caw wal watx' yili eb ix, max c'oli sic'len eb nak yetbi chi yi' xol eb ix.

Gn 6:4

A yet jun tiempoal tu' yetokc'al yet yajtok tu' yet max yilen ba eb nak yuninal Dios yetok eb ix cutz'in eb anima tu', cax max el yuninal eb, a ton eb chi yik Nefilim.*fn* A eb tu' caw tec'an eb, caw wal mimanbil eb yet payxa tu'.

Babel Libroal Yabixal Eb Rey 18:28

Max occ'al ijan eb yelc'al yaw, max c'oli c'upontok ba eb yetok cuchillo c'al yetok ch'en tekbal el chic', axcata is beybal eb, bacan chic'xac'al max yuttok ba eb,

Is 63:16

Ach ti', co Mam ach. Caxc'al man ojtakbilok on el yuj Abraham, tamwal yuj Israel, toc'alta' co Mam ach cax chon a colc'alta'a.

Jeremías 16:6

Ok cam eb icham anima c'al eb unin bay jun conob ti'; c'am mactxel ok mukon eb, c'am mactxel ok ok' yuj eb, tamwal ay mac ok tx'oxil is cusc'ulal yin yak'on yasjok is mimanil, c'al tzuklen el xil jolom.

Jeremías 3:19

Ex aj conob Israel, max in nabalnej el ex in chaon axca wal wuninal, cax chi wak'on jun tx'otx' caw wal ochebil ayex. Asannej oc jun tx'otx' tu' caw wal watx' yili bay yulyibank'inal ti'. Max in na' tol ok in e yaloc e mamok yin junelnej, tol manxa ok ex el in c'atan waloni.

Jeremías 31:9

Lanan txajli eb, c'al yok' eb yet ok jay eb. Cax ok wiontek eb bay a' aej chi el yakan, yul jun be caw wal ac'al, c'amxa bay ok telc'oj eb. Yujtol mamej wayji bay conob Israel; axa conob Efraín xin, in babel c'ajol yayji ocok, ẍi Cham.

Jeremías 41:5

max apni oc 80 eb winak petoj bay Siquem, bay Silo, c'al bay Samaria. Mayal tzukil eb xil is ti', cax tzilquiẍtakxac'al pichil eb ayocok, yasquiltakxac'al is mimanil eb; ac'al oc eb max uten axca tu'. Ibil c'apax oc ixim trigo yuj eb, c'al incienso yet chi yak' eb yin xajanbalil bay Jehová bay templo.

Jeremías 47:5

A masanil eb anima bay Gaza ok tzukil eb xil jolom yuj cusc'ulal; toxac'al ok tz'injokcan el eb anima bay Ascalón. Ayex cajyom ex bay yac'alil ti a' mar, ¿bak'in ok e bek e yak'on yasjok e mimanil yuj e tx'oxon el e cusc'ulal?

Os 1:10

Palta ay wal jun c'ual, lajanxac'al ok yun bisil eb israel ti', axca wal yarenail a' mar, c'am mactxel chi je' bisoni. A bay max wal bay eb axca ti': Man in conobok ex, quin chi, a bay tu' ok al-lay yin eb: Yuninal ex Cham Dios iquis, ẍi.

Lv 21:5

C'amokab chi tzukil eb xil is jolom, c'am c'apax chi tzukil eb xil is ti', tamwal yak'on yasjok eb is mimanil yuj camichal junok anima.

Jn 1:12

Palta tzanc'al mac max chaoni, a ton eb max yaoc c'ul yin, a' chi aloni tol ay yalon yet eb yoc yuninalok Dios.

Jn 11:52

Man asannejok yuj eb israel tu', xan max cami. Max cam c'apax yuj wajban oc jantak eb yuninal Dios sakleminak yayji bay yulyibank'inal ti', yet watx' junxanej chi yuncan eb.

Ro 8:16

Jojtak junjun on yin janimail, tol yel yuninal onxa Dios. Yetok c'apaxok, acaw Espíritu chi ak'on jojtaknej elok.

Ro 9:26

A bay max wal bay eb axca ti': Man in conobok ex, quin chi, a bay tu' ok al-lay e yin: Tol yuninal ex Cham Dios iquis, ẍi, ẍi tx'an Un tu'.

Ro 9:4

Yinatil israel eb wetok. A Dios max on ion oc yuninalok on. Max tx'ox is tzekekial ayon on. Ay juntzan is trato max yak' jetok on. Max yak' c'apax is ley ayon. Yalnak c'apax ayon tzet chi jut jion ay co ba bay. Ay juntzan tzet yetal max yak' Dios is ti' yak'on ayon.

Ro 9:8

A jun ti', chi yal elapnok tol c'am junok mac tol yujc'al yichmam chi je' yoc yuninalok Dios. Ayon yinatil on Abraham ti', pitzc'ojnak on el yuj yak'oncan Dios ti' bay, asan on tu' caw yel yinatil Abraham on tu' yul sat Dios.

2 Co 6:18

Ok in oc e Mamok, cax ok ex oc in c'ajolok c'al in cutz'inok, ẍi Cham Jajawil, Cham tol chi je' yuj masanil, ẍi tx'an Un.

Gl 3:26

Yujtol chi jaoc Cham yin co c'ul, yuj tu' xan yuninal onxa Dios, junxanej jayji yetok Cristo Jesús co masanil.

Dt 13:18

ta che yikej masanil juntzan is chekbanil chi walcan ayex ti' tinani'. Asan tzet yetal tojol che yun satak Cham.

Dt 32:6

¿Tom cay wal ti' chi yun e q'uexpaknen bay Jehová? Ayex ti' c'am e nabal, c'am jabok e jelanil. ¿Tom manak Jehová co Mam xin? ¿Tom manak Cham max con watx'neni? A Cham max con watx'neni, c'al con yaon oc yin conobal.

1 Ts 4:13

Ex wuẍtak, ex wanab, chi jochej tol caw wal che yojtaknej elok tzetbil yayji eb creyente chi wayi, a ton eb camnakxa, yet watx' man mimanok chex cus yuj eb, axca wal chi yun cus eb c'am jabok tzet chi yaoc yipok c'ul.

Hebreos 2:10

Watx'nebil masanil tzetak yetal yuj Dios, yet watx' chi txecloj elok tol miman yelapnok Cham. Max cha' c'ul Cham tol a eb is yuninal, ay yalon yet eb bay is tzekekial. Yuj tu' xan moj tol chi tz'aknaj el Jesús yuj yaben yail, yujtol a Cham max tz'unon yich co colbanil.

1 Jn 3:10

Axca ton ti' chi yun txecloj elok, mactak txel eb yuninalxa Dios, mactak txel eb yuninal c'apax nak diablo. Ta man watx'ok co beybal, ta c'am chi co camc'ulnej eb juẍtak eb janab, wal yel mayon yetok Dios chi yal tu'.

1 Jn 5:2

Yuj tu' xan jojtak, ta lanan co camc'ulnen Dios, ta lanan jiken tzet chi yala', lanan ton co camc'ulnelen co ba ayon yuninal onxa ti xin.