Dt 13:4 - A Txꞌan Biblia Yin Kꞌanjobal 1989

⁴ Tzaklojanek yintak Cham cax ayokab yelapnok yul e sat. Ikejek is chekbanil. Abek tzet chi yala', ocanek yin ayilal bay, cax junejokabc'al e yayji yetok Cham.

Dt 13:4 Iomraidhean Croise

Yet Is Cab Libroal Yabixal Eb Rey 23:3

Max aj wan cham rey, max oc lecan c'atan jun miman oy bronce, max yak'on is ti' satak Jehová tol ok yikej, c'al beybalnen yin masanil is c'ul jun chekbanilej tu', yetokc'al is leyalil, c'al yiken masanil jantak yayji oc jun trato tz'ibbilcan yul tx'an un tu'. Ac'ala' masanil conob max yak' eb is ti' yin yikeni.

2 Cr 34:31

Lajwi tu' max oc lecan cham rey c'atan jun miman oy bay tu'. A bay tu' max yak' is ti' bay satak Jehová, tol yin masanil c'ul ok yikej beybalnen wal yin watx' masanil chekbanilej c'al ley, cax ok yiken c'apax axca yayjican trato tz'ibbil bay yul tx'an un.

Jeremías 7:23

A tzet max wal bay eb yin babelal, tol yikem eb ayin. Catatu xin, ayin ton is Diosal in eb, axa eb ok occan in conobok. Cax max waloni tol chi yikej eb axca wal tzet max wala', yet watx'c'al chi eloc eb.

Miqueas 6:8

Chi paktzej is chekbej Dios: Ex wet conob, mayal yal Jehová tzet yetal tol watx' yul is sat, c'al tzet yetal tol chi yochej Cham ayon, a ton juntzan ti': Tojol chi jut co ba, ayokab co camc'ulal yin eb jet animail. Yin yaynakilal yikem chi jut co ba bay Cham co Diosal, ẍi is chekbej Dios.

Lc 1:6

Watx' beybal eb cawanil yul sat Dios. Yikem eb bay is chekbanil c'al bay is ley Cham Jajawil; yuj tu' xan c'am wal junok mac chi je' yaloni tol ay yobtakil eb.

Ro 6:13

Manchakxa co bek co mimanil yul k'ab tzet man watx'ok, cax chi junen yobtakil. Yowalil asan yul k'ab Dios chi jaoc co ba, yujtol camnak onxa yul sat, cax max on ictzonelay pax ajok. Yuj tu', jak'ek co mimanil bay Dios, yet watx' asan tzet watx' chi el junen yetok.

1 Co 6:17

Palta ta chi co junanej co ba yetok Cham Jajawil, junxanej espiritual chi juncan el yetok Cham.

Dt 10:20

Asanokab Jehová co Dios miman yelapnok yul co sat. Asan bay Cham chon oc ayilal, cax yikemc'al chi jut co ba bay. Ta ay bay chi jak' co ti' yin junok tzet yetal asannejokab yin bi Cham chi jak'a'.

Dt 11:1

Camc'ulnejek Jehová co Diosal, ikejek masanil tiempo tzet chi chek e yunej, is cuybanil c'al is chekbanil c'al is ley.

Dt 30:20

Camc'ulnejek Jehová co Diosal. Yikemc'al che yut e ba bay, yujtol a yuj e yikemal tu', ok e yi' e cawil. Yuj tu' xan ok ex ayjok ec' yin mimantak tiempoal bay sat tx'otx' tx'otx' max yak' Cham is ti' yak'on bay eb jichmam, a ton bay Abraham, bay Isaac, c'al bay Jacob, ẍi cham Moisés.

Dt 6:13

Axa Jehová co Diosal ayokab yelapnok yul e sat. Asannej Cham che yak' serbil, cax asan is bi Cham che yak' binaj yin tzet bay che yak' e ti' e yuneni.

Dt 6:5

Camc'ulnejek Jehová co Diosal yin masanil e c'ul, yin e yanimail, c'al yetok masanil e yip.

A Tx'an Is Carta San Pablo Bay Eb Aj Colosas 1:10

Ta chex eloc axca co k'anon tu', watx' ok e yut e beybal, yet watx' chi tzaloj wal Cham Jajawil e yetok, yujtol moj wali tol axca tu' che yut e ba. Caw watx' ok el e yuten e beybal, axca junok te te' watx' satni, cax ok e yojtaknej el wal Dios sic'libil.

2 Jn 1:6

Ta lanan co beybalnen tzet chi yal chekbanil Dios, ay co camc'ulal chi yal tu'. A jun chekbanil max jab yettax max on oc yetok Dios, a' chi aloni tol chi co camc'ulnelejek co ba.

Babel Libroal Cham Samuel 7:3

Yuj tu' xan max yal Samuel bay masanil eb yet israelal: Ta wal yetok masanil e c'ul, cax che yaon oc e ba yul k'ab Jehová, yowalil che yieltek e comon dios ayoctok yul e yatut, c'al yechel Astarté, cax chex oc e yiken bay Jehová, asanxanej bay Cham ok ex oc ayilal. Ta axca tu' ok e yutej, ok ex col-lay yuj Cham bay eb filisteo, ẍi cham Samuel.