Dt 13:3 - A Txꞌan Biblia Yin Kꞌanjobal 1989

³ Manchak e yaoc yin e c'ul caxc'al chi eloc axca wal yalon tu', yujtol a Jehová co Diosal chi ilon oc e nabal yet chi yila' ta yel ay e camc'ulalil yin, yetok masanil e c'ul, c'al yetok masanil e yanimail.

Dt 13:3 Iomraidhean Croise

Babel Libroal Yabixal Eb Rey 13:19

Caytu' max yun toj jun chekbej Dios aj Judá tu' yetok bay yatut, max lowi c'al yuq'uena'.

Salmos 119:2

Tzalojc'ulal yet eb chi yikej is tenchebal Cham, cax yin masanil is c'ul chi tzakloj eb yintak.

Salmos 66:10

Ach Dios, ti' wal max el co nabal on. Axca sakbanelay plata, axca tu' max yun on a sakbaneni.

Salmos 81:7

Max in e yawtej yet ayextok xol e yailal, cax max ex in coloni. Max in tak'wi ayex xol asun bay chi bil c'u. Max ex wak' porobal bay a' aej yet Meriba.

Ex 20:20

Max tak'wi cham Moisés: —C'am chex xiwi, toc'al chi ulic' Cham yet chex yak' porobal, yet watx' ayc'al e xiwc'ulal bay, cax c'amc'al chi oc e mul, ẍi Moisés.

Is 8:20

Ilek tzet ẍi ley, c'al cuybej yet Dios. Ta man lajanok chi yun yalon juntzan anima ti', ti tol ayto oc eb xol k'ekk'inal chi yal tu'.

Mt 24:24

Yujtol ay juntzan eb ok tz'ak yaloc ba Cristoal ok tx'oxaj ba, c'al juntzan eb ok tz'ak yaloc ba chekbejok Dios. Ok tz'ak tx'ox eb yechelej, c'al milagro, yuj yion aytek sat eb anima. Toltax a eb sic'bilxa el yuj Dios ijanxac'al ok ayc'ay eb yuj eb.

Tzetak Yetal Max El Yunen Eb Chekbej Jesús 17:11

Yel watx' nabal eb israel aj Berea tu' yintak pax eb aj Tesalónica. Ilab tol max cam wal yaben eb yabixal Dios, cax junjunc'al c'u cac'al ti' cuyon eb tx'an Un bay tz'ib yayjican k'anej Dios, yuj yilon eb, ta yel chi yal Pablo yetok Silas tu'.

1 Co 11:19

(¡Tekan yowalil ok ex pojchajc'alta'a, yet watx' chi txecloj elok, mac caw yel creyente!)

2 Co 8:8

A jun chi waltok ayex ti', man chekbanilok yayji. Toc'al chi wochej che yabej, tzet chi yut yak'on eb yofrenda cayti', yet watx' chi txecloj elok, ta yel ay e camc'ulal bay tu'.

Ef 4:14

Yujtol chi yochej tol manxaokab lajanok on axca eb unin c'un somchaj el is nabal. A tinani', ay eb chi somchaj el nabal yuj juntzanokxa tx'ok cuybanilej chi al-lay bay eb. Lajan eb axca junok barco toc'al chi tz'eytz'on ec' yuj cak'ek'. Chi ilay aytek sat eb yuj juntzan eb jelan yin lek'tial. A eb tu', chi yochej eb chon yitok yin junokxa comon beybalej.

Dt 6:5

Camc'ulnejek Jehová co Diosal yin masanil e c'ul, yin e yanimail, c'al yetok masanil e yip.

Dt 8:16

Max yak'on maná co lo' bay takin tx'otx', jun loj tol maj yojtaknej el eb jichmam. Max oc yailal jiban c'al yak'lay porobal co nabal, yet watx' watx'xac'al chon eloc yuj.

Dt 8:2

A tinani' naektek jantak yatakil max tx'ox Jehová co Diosal ayon bay takin tx'otx' yin cawinak abil, yet chi yil Cham, c'al yak'on porobal co nabal yin tzet chi co na', ta yel chi jikej is chekbanil ma c'amak.

2 Ts 2:11

Yuj tu xin, ok yak' Dios yilay aytek sat eb yuj yajnabalil nak man yelok chi yala', cax ok yaon oc eb lek'tial yin is c'ul.

1 Jn 2:19

A co xol max el eb ajc'ul yin Cristo, yujtol manc'alta' jetbiok eb. K'inalok ta caw wal jetbi eb, toc'alta' max ayjic'al ec' eb jetok, palta max el eb, yet watx' chi txecloj elok tol manc'alta' jetbiok eb.

1 Jn 4:1

Ex in camc'ulnebil, ta ay eb chi aloni tol yet Dios tzetak yetal chi ec' yala', man comonok che cha' e yab bay eb yin ayman. Yowalil che yak' porobal eb babelal, ta yel a Dios ayoc yetok eb. Yujtol xiwil eb lek'ti' bay yulyibank'inal ti', tol chi tz'ak yaloc ba eb chekbejok Dios.

1 Jn 4:4

Ex camc'ulnebil wuj, yet onxa Dios tinani'. Cannakxacan eb lek'ti' tu' yalan juj. Yujtol a Cham ayoc jin, ec'ban is yipal yintak jun ayoc yin eb yet yulyibank'inal ti'.

Ap 13:14

Max chalay tx'ox juntzan milagro tu' satak jun babel chi yik No' tu'. Caytu' max yun yion aytek sat anima bay sat tx'otx'. Max yalon c'apax bay eb, tol yowalil chi watx'nej eb junok yechel jun babel chi yik No' tu', jun tol caxc'al yasjinak yuj espada, palta iquisc'al.

Eb Juez 2:22

Ok canc'al can eb, yuj wak'on porobal is nabal eb israel ti', ta chi tzakloj eb wintak, axca max yun eb yichmam eb, ma c'amak, ẍi Cham.

Babel Libroal Cham Samuel 26:19

Chin tewi ayach mamin rey, tol cha cha ab tzet ok wal ayin, a chekbej in ti': Ta a Jehová max ach aon oc ajc'ulal win, matawal chi el yin c'ul Cham chaon junok ofrenda. Palta tatol yetc'al anima jun ti' xin, aokab Cham chi yak' catab yiban. Yujtol max in uktelay el yuj eb bay in satak bay jun tx'otx' tol yet Jehová yayji, axcaxac'al tol chin tenlaycantek yuj eb yin wak'on serbil juntzan comon dios.