Dt 13:1 - A Txꞌan Biblia Yin Kꞌanjobal 1989

¹ Ta ay junok mactxel chi aj wan e xol tol chekbej Dios yaloni, cax chi c'oli yaloni tol ay ilwal chi yila', ma chi tx'oxon el e xol tzet yetal tol c'ayubtakxac'al yoqui, ma chi yalon yin ayoktoc'al yuj junok tzet yetal ok ujok,

Dt 13:1 Iomraidhean Croise

Babel Libroal Yabixal Eb Rey 13:18

Palta max occ'al tean cham icham winak tu' yin: —Ayin ti' chekbej in c'apax Dios, axca ach ti'. A jun ángel yet Jehová max alon ayin tol chach witok lowok c'al oq'uena' bay watut, ẍi bay. Palta lek'tial max yal cham icham winak tu' bay.

Babel Libroal Yabixal Eb Rey 13:19

Caytu' max yun toj jun chekbej Dios aj Judá tu' yetok bay yatut, max lowi c'al yuq'uena'.

Pr 30:6

Manchak aoc tz'akil tzet yetal max yal Cham, axa talaj chi yunajok, chach tzulay yuj, cax yinxa lek'tial chi yun a cani.

Is 9:15

(A jun jolomej tu', a ton eb yicham winakil conob, c'al eb ayoc yin yajawilal chi yala'; axa neej tu', a ton eb chekbej Dios chi yala', a ton eb chi cuywaj yin lek'tial.)

Jeremías 23:11

A wal caw Jehová chi aloni: A wal eb chi yaloc ba in chekbejok ti', c'al eb sacerdote c'am welapnok yul sat eb, a wal bay yul in templo max ilchaj el eb wuj yin yunen yobtakil.

Jeremías 23:32

Ayin wal caw Jehová in chi wala', tol caw wal ow in c'apax yin juntzan chekbej chi tz'ak yal is wayich. A wal yuj juntzan mimek lek'tial chi yal eb tu' xan chi ikbelay c'aytok in conob yuj eb. May in nak max in chektok eb, tamwal max wak' in chekbanil bay eb, yuj tu' xan c'am tzet watx' chi yi' in conob yin eb.

Jeremías 27:9

Yuj wal tu', manchak e cha e yab tzet yetal chi yal juntzan eb chi ak'on e yunej tol c'am che yaoc e ba yalan yikbej Nabucodonosor, reyal Babilonia, a ton eb chekbej tol chi je' naon el k'anej, c'al tol chi je' watx' alnen el eb wayichej yaloni, c'al eb tz'akan ay c'ul tol chi yalil eb tzet yetal ok uj yet yajtok tu' yaloni.

Jeremías 29:24

Ay jun winak aj Jerusalén ayic' bay Babilonia, a ton jun chi yik Semaías aj Nehelam. A jun tu', yulc'al yet max yaontek jun carta bay masanil eb anima cajan bay Jerusalén, c'al bay cham sacerdote Sofonías c'ajol Maasías, yetokc'al bay juntzanxa eb sacerdote. A bay yul jun carta tu' max yaltek bay Sofonías axca ti': A Jehová max ach aon oc yin sacerdoteal yin is q'uexelok Joiada, yet watx' tol sat ikbajwom ach bay templo. Tatol ay mac chi jayocok axca tol chabil oybinak sat yuj, cax chi c'oli k'anjab elok axca tol chekbej Dios yaloni, ach ti' yowalil chaoctok yul cepo, cax cha c'alban yetok cadena. ¿Tzet yuj xan tol maj a tenchanej Jeremías aj Anatot, tol max tec'baj ba k'anjab a satak axca wal tol chekbej Dios? Toltax max yatek jun carta ayon bay Babilonia ti'. Chi yalon yul tx'an axca ti': Mimantoc'al tiempoal ok ex ayjok bay tu'; watx'nejek e yatut, watx'nejek ay e ba, awek te awbejal te' cax che loon sat te', ẍitek Jeremías tu' ayon, ẍi is carta Semaías. A cham sacerdote Sofonías max awten aj tx'an carta tu' bay Jeremías. Lajwi tu xin, max k'anjab Jehová, Cham Yajaw yin Masanil, Cham Diosal Israel, bay Jeremías, max yalon axca ti': Altok bay Semaías aj Nehelam c'al bay masanil eb aytok yin presoal, tol ayin chi wala': A Semaías aj Nehelam max alon ayex, tol ayin max in chek yala', palta mayinnak max in cheka', max yaon oc nak jun lek'tial k'anej yipok e c'ul. Ayin wal caw Jehová in chi wala', tol ok wak' yailal Semaías tu', c'al yetok is yinatil. C'am junok yinatil ok ayjok ec' xol in conob. Ayin wal caw Jehová in chi wala', tol man ok yak' tzalojbok c'ul yin in watx'c'ulalil ok wak' ayex, yujtol a yuj is k'anej tu', xan a' max ex iptzen yin e pitnen e ba ayin, quin chi, cachitok, ẍi Jehová bay Jeremías.

Jeremías 29:8

Yujtol ayin Jehová, Yajaw in yin Masanil, e Diosal in, chi wal juntzan ti': Manchak e yak' e ba etnelay yuj juntzan eb lek'ti chekbej, c'al eb naom el k'anej yaloni. Manchak e cha e yab is wayich eb chi yala'.

Jeremías 6:13

A eb mimek winak, c'al eb c'am yelapnok, asanxanej yion eb tzet yetal yin yobtakilal chi na'. Toltax eb in chekbej c'al eb sacerdote, asanxanej elk'an chi yun eb.

Ez 13:23

Yuj tu xin, c'amxac'al bay ok e yala' tol ay tzet chi ak'i e yila', tamwal okto e tz'ak e nailok tzet ok ujok. Ayin ok in colil in conob yul e k'ab ayex ti'. Caywal tu' ok yun nachaj el e yuj, tol ayin ton Jehová in, ẍi Jehová, cachi, ẍi Cham ayin.

Zacarías 10:2

Man cayok tu' paktzebal chi al-lay bay eb chi k'anlej yab bay yechelej c'al bay eb naom el k'anej yaloni. A juntzan tu' lek'tialc'al, c'am yelapnok. A tzet chi yalil eb wayichwom, toc'al chi ikbelay c'aytok eb chi k'anlej tu' yuj. A is k'anej eb yin mimanc'ulnewi, c'am jabok watx'il; yuj tu' xan toc'al chi c'ayic' jun conob tu' axca no calnel chi yab yail, yujtol c'am yilomal.

Zacarías 13:4

A yet jun c'ual tu', a eb in chekbej yaloni, ok q'uixwok aj eb yuj tzet max tx'oxlay yila'. Majxa yaoc eb el pichilej axca yet eb in chekbej, yuj yion aytek sat anima;

Mt 24:11

Xiwil mac ok yaloc ba chekbejok Dios. Yuj tu' xan xiwil mac ok yetnej eb.

Mt 24:24

Yujtol ay juntzan eb ok tz'ak yaloc ba Cristoal ok tx'oxaj ba, c'al juntzan eb ok tz'ak yaloc ba chekbejok Dios. Ok tz'ak tx'ox eb yechelej, c'al milagro, yuj yion aytek sat eb anima. Toltax a eb sic'bilxa el yuj Dios ijanxac'al ok ayc'ay eb yuj eb.

Mt 7:15

Xe yilc'al e ba bay eb chi yaloc ba chekbejok Dios, yujtol a yet ok jay eb ayex, caw manso ch'an ok yut ba eb axca no calnel, palta ti tol yob tzet chi naoc eb e yin axca wal junok no ok caw ow.

Mc 13:22

Yujtol ay juntzan eb ok tz'ak yaloc ba Cristoal, ok tx'oxaj ba, c'al juntzan eb ok tz'ak yaloc ba chekbejok Dios. Ok tz'ak tx'ox eb yechelej, c'al milagro, yuj yion aytek sat eb anima. Toltax a eb sic'bilxa el yuj Dios, ijanxac'al ok ayc'ay eb yuj eb.

Lc 6:26

A yet watx' exxac'al yalon anima, caw ok'bal ex c'ul, yujtol caytu' max al-lay yin eb chi yaloc ba chekbejok Dios yuj eb jichmam.

Dt 18:20

A pax junok chekbej tol chi alon in k'anej yaloni, palta c'am pax tzet chi wal bay, ma xin yin junokxa comon dios ok k'anjab elok, a jun tu' yowalil chi cami, ẍi Jehová.

Dt 4:1

A tinani' xin ex wet conob Israel, abek chekbanilej c'al ley tol ok wal ayex, yet watx' ok e yikej c'al e beybalneni, yet ok ex octok cajan bay tx'otx' tx'otx' ok yak' Jehová is Diosal eb jichmam jetok ayex.

Dt 4:2

Man ok e yaoc tz'akil juntzan k'anej ok wal ayex ti', tamwal tol ok e yielok, palta tol ok e yikej is chekbanil Jehová co Diosal axca wal chi yun walon ayex ti'.

2 Ts 2:9

A yet ok tx'oxk'abnen aj ba jun winak yajawil yobtakil tu', ok oc Satanás yetok. Ok yak' yipal nak tu'. Yuj tu' xan ay juntzan milagro c'al juntzanxa tzet ok el tx'oxon yuj yetnen anima.

Yet Is Cab Carta San Pedro 2:1

A eb wet israelal yet payxa, ay eb max tz'ak yaloc ba chekbejok Dios. Ac'ala' c'apax co xol, ay eb ok yaloc ba meẍtolal, cax yin ewantakil ok yak'on eb cuylay lek'ti cuybanilej co xol, yet watx' ayon ok on etax el yuj eb. Caw wal c'am yelapnok Cham Jajawil yul sat eb tu', palta ti pax wal a Cham max cam yuj tojolok is yobtakil eb. Yuj tu xin, munilc'al chi yitek eb yiban. Ayman ok c'aycan el eb yin junelnej.

1 Jn 4:1

Ex in camc'ulnebil, ta ay eb chi aloni tol yet Dios tzetak yetal chi ec' yala', man comonok che cha' e yab bay eb yin ayman. Yowalil che yak' porobal eb babelal, ta yel a Dios ayoc yetok eb. Yujtol xiwil eb lek'ti' bay yulyibank'inal ti', tol chi tz'ak yaloc ba eb chekbejok Dios.