Dt 12:3 - A Txꞌan Biblia Yin Kꞌanjobal 1989

³ Mak'ek poj masanil is yaltar eb, ch'en ch'en c'al te te' bay chi oc eb yin ayilal bay Asera. Che yak'on tz'a te te' tu', c'al e mak'on poj is diosal eb, yet watx' c'amxa bak'in chi oc ayilal bay comon dios bay juntzan lugar tu'.

Dt 12:3 Iomraidhean Croise

Babel Libroal Yabixal Eb Rey 14:15

Ok on tzicobtanelay ayon israel on ti' yuj Jehová axca chi yun tzicobtanelay te aj yuj a' aej. Ok on ilay el bay jun tx'otx' manxa watx'ilok max ak'lay bay eb jichmam, ok on k'oklaycantok bay sataktok a' Éufrates, yujtol max co watx'nej yechel Astarté. A ton yuj juntzan tu' max co tx'emontek yowal c'ul Jehová jiban.

Babel Libroal Yabixal Eb Rey 15:13

Max yion c'apax el is mimanbilal xal Maaca is txutx ixnam yujtol max yak' watx'jok xal jun yechelej Asera yajbejtak. Max yuchaj cham jun yechelej tu', max yak'on tz'a bay ti a' aej chi yik Cedrón.

Yet Is Cab Libroal Yabixal Eb Rey 11:18

Lajwi tu xin, max toj eb bay templo Baal, max yuchon ay eb, max mak'on poj eb juntzan altar c'al juntzan yechelej. Axa Matán, sat sacerdote yayji bay Baal tu', max mak'lay cam yuj eb satak juntzan altar tu'. Max yaon oc cham sacerdote taynemal templo yet Jehová.

Yet Is Cab Libroal Yabixal Eb Rey 18:4

A ton max ion el masanil juntzan lugar can ay ajok bay chi oc eb comon anima yin ayilal. Max mak'on poj juntzan ch'en ch'en tol ya' yili yuj eb. Max tzoc'on aj juntzan yechel Asera. Max mak'on c'apax poj ch'en bronce labaj watx'nebil yuj cham Moisés, a ton bay tu' max yak' tz'a eb israel incienso, cax chi yak'on eb yik Nehustán.*fn*

Yet Is Cab Libroal Yabixal Eb Rey 23:14

Max mak'can poj ch'en ch'en ya' yili yuj eb, c'al k'akon aj is teal Asera, max saklemnentok bakil camnak bay tu'.

2 Cr 14:2

A masanil tzet max yun Asa tu', watx'c'al, tojolc'al satak Jehová is Diosal.

2 Cr 14:3

Max yiel masanil altar yet comon dios eb tx'ok conobal, yetokc'al juntzan lugar yet ayilal bay can ay ajok. Max mak' poj juntzan ch'en ch'en ya' yili yuj eb, max tzoc'on aj te' yechel Asera.

2 Cr 19:3

Palta xin, ayto wal juntzanxa tzet yetal watx'to yoc a watx'ilok, yujtol max ak' lajwok yechel Asera ay bay yul a nación ti', yuj c'apax tol max aoc a nabal yin ak'on serbil Dios, ẍi Jehú bay.

2 Cr 31:1

A yet mayal lajwi jun k'in tu', masanil eb israel wajan ec' bay tu' max toj eb bay conoblak yul yet Judá. Max mak'on poj eb masanil juntzan ch'en ya' yili yalon eb, c'al yetok juntzan yechel Asera. Max yuchon ay eb masanil juntzan lugar yet ayilal bay can ayajok. Masanil juntzan tu' max yak' lajwok eb bay Judá, c'al bay yul yet Benjamín, yetokc'al bay yul yet Efraín, c'al yul yet Manasés. Max lajwi tu' max meltzoj masanil eb israel tu' bay is conobal, junjunc'al max tojcan bay is tx'otx'al.

2 Cr 34:3

A yet waxakebxa abil yoc yin reyal, yet ach'ej winak wali, a wal yet tu' max yaoc ba yul k'ab Dios, a ton is Diosal yetok David is yichmam. Axa yet 12 abilxa yoc yin reyal, cax max chaon el yich c'ayon el beybalej yob bay conob Judá, c'al bay Jerusalén. Max yuchontok masanil lugarlak yet ayilal bay can ayajok, c'al yechel yet Asera, c'al juntzanxa yechelej josbil, c'al juntzan yechelej watx'nebil yul molde.

Salmos 16:4

Ok aj can yailal eb chi toj yintak junokxa dios. Maj wal in oc yetok eb yin chiq'uil xajanbal eb tu'. Man ok wal in ba bay is diosal eb tu'.

Ex 23:13

Ikejek masanil tzet max wal ayex ti'; c'am chex tewi, tamwal e yalon e ba bay junok tzet yetal chi al-lay oc diosal, tamwal che yak' binajok.

Ex 23:24

C'am chex ay nojan satak is diosal juntzan conob tu'; tamwal chex ay jajan bay, c'am che beybalnej is beybal eb conob tu' yin yion can eb is diosal. A ti' e yet, tol che mak' poj is diosal eb tu', c'al masanil ch'en ch'en ayoc is txajbalok eb.

Ex 34:13

Axa wal ok e yunej, tol ok e mak'poj is yaltar eb, c'al ch'en ch'en, c'al te' k'oj ya' yili,*fn* a ton yechel is diosal eb chi yik Asera.

Is 27:9

Palta xin, ok ak'lay mimanc'ulal yiban is mul eb yinatil Jacob, asan tatol chi coc'axtok masanil yaltar eb comon dios yuj eb, axca chi yun pojtok ch'en tan yet chi pol-layi, c'amxac'al junok te te' yechel Asera chi cani, tamwal altar yet incienso yuj yilay can is comon diosal eb tu'. Ta axca tu' ok yunej, ok jolayc'ay is yobtakil eb.

Jeremías 17:2

Toltax eb e yuninal chi natek eb juntzan altar, yetok juntzan k'oj ya' yili, junej ay yetok te te' tol pim xak, bay juntzan tzalanlak yel can ayajok,

Os 2:17

Junelnej ok wiel yin is ti' yin yak'on binaj juntzan Baal, c'amxa oxlajon bak'in ok yak' binajok.

Miqueas 5:14

Ok wocaj masanil te te' bay chex oc ayilal, cax ok wak'on lajwok ay e conobal yin junelnej.

Zacarías 13:2

Ayin Jehová in ti' chi wala' tol a bay yul masanil jun nación ti' ok wak' lajwok el masanil tzet chi al-lay oc diosal, yet watx' c'amxa chi nalaytek is bi. Ok wion c'apax el bay yul nación ti' masanil eb chi yaloc ba in chekbejok, c'al masanil eb ayoc nabal yin eb demonio.

Nm 33:52

che yuktej el masanil eb anima cajan bay juntzan nación tu', cax che yuchon lajwok masanil yechelej tol watx'nebil yuj eb, comon ch'en josbil yuj eb, ma ch'en ch'en tol watx'nebil yul molde, cax che yuchon lajwok juntzan lugar tol can ay ajok bay chi oc eb yin ayilal,

Dt 12:4

Man cayok tu' chi yun e yoc yin ayilal bay Jehová co Diosal, axca chi yun yoc eb ayilal bay is diosal tu'.

Dt 7:25

A is diosal eb che yak' tz'aok. Manchak e yochej oc ch'en plata c'al ch'en oro ayoc yin, cax che yiontok, yet watx' c'am chex ayc'ay yuj, tamwal e yetnentok e ba, yujtol a juntzan tu' chi yajlay yuj Jehová co Diosal.

Dt 7:5

Masanil is diosal eb bay chi txajli, c'ayek el yetok is yaltaril, c'al ch'en ch'en c'al te te' bay chi oc eb ayilal, tol ya' yili yuj eb. Masanil che yak' tz'aok.

Ap 13:1

Axa max wiloni, max ajol jun chi yik No' yul a' mar. Ay ukeb jolom, cax ay lajoneb yuc'a'. Ayc'al aj corona junjun yuc'a' tu'. Tz'ibbil oc jun is bi yin junjun jolom tu'. Caw wal yob yoc is bi tu' chi yab Dios.

Eb Juez 2:2

asan tol c'amc'al junok trato che watx'nej yetok eb anima cajan bay sat tx'otx' tx'otx' bay cajan ex ec' ti', tol che c'ayil yaltar eb bay chi txajli, palta ayex ti', c'am che yikej. ¿Tzet yuj xan che yun jun ti'?