Dt 11:2 - A Txꞌan Biblia Yin Kꞌanjobal 1989

² Naek tinani' yin tzet max e cuycan yin masanil tzet max yun Jehová e yuj. Ayex ti' max e yila', manak eb e yuninal max ilon tzet max yun Cham. Ayex ti' max e yil is mayk'ak'al c'al is yipalil c'al milagro max yunej.

Dt 11:2 Iomraidhean Croise

Salmos 136:12

Max yion eltek eb yetok is miman yipalil, yujtol ayc'al is camc'ulal Cham yin tojbalk'inal.

Ex 6:6

A tinani' xin chi toj al bay eb et israelal tu', tol tix wal max yut yalon Jehová ti': Ayin Jehová in, ok ex in colilok bay ayex oc yin mosejal ti', bay ok'bal ex c'ul yin mulnajil bay Egipto ti'; tol ok in tx'ox wal wipalil, cax ok waon oc mimek uchlejbail yiban jun conob ti'. Axca wal tu' ok yun ex in colon el yul is k'ab eb,

Pr 22:19

A wal tinani' chi wak' wal ojtaknej elok, yet watx' chawal oc a nabal yin Jehová.

Is 53:5

Max yasjitok yuj co tenomtakil, max yaben c'apax yail yuj co yobtakilal. A wal yailal max yab tu', a' max ion jay co junc'ulal. Yuj wal is yas Cham tu', xan ay co cawil ayon ti'.

Tzetak Yetal Max El Yunen Eb Chekbej Jesús 26:22

Palta yuj wal colwal Dios wetok, yuj tu' xan tec'anc'al chi wut in ba. Ac'ala' in pax tinani', tec'anc'al chi wut in ba walon el k'anej Dios bay masanil anima. Chic'al wal bay eb mimek winak, c'al bay eb yaynakil. Asan yabixal tzet t'inan jayi, tol yin ayokto max tz'ibencan eb chekbej Dios payxa yetok Moisés, asan chi walilok.

Dt 29:10

A wal tinani', ti wal wajan ex ec' satak Jehová co Diosal. Masanil eb yajaw yin e tribual, eb yicham winakil conob, yetok eb ay yopiso, yetok masanil eb jet israelal:

Dt 3:24

Mamin Jehová, ach max a chail yich a tx'oxon a mimanbilal c'al epalil ayin a chekbej in ti'. Tokwal ay junokxa Dios bay satcan, tamwal bay sat tx'otx' ti' chi je' yunen tzet yetal c'ayubtak yoc axca chon ti'.

Dt 4:34

Tok ay junokxa dios tol max siq'uiltek junok conob bay xol junokxa conob axca wal max con yut yion eltek Jehová bay Egipto yuj co watx'ilok. Max cam e yiloni, tol yetok mimek uchlejbail c'al xiwc'ulal, yetok milagro c'al owal, yetok wal yipal is k'ab max con yion eltek bay Egipto tu'.

Dt 5:24

Max e yalon ayin axca ti': Wal yel, a Jehová co Diosal max tx'ox wal is tzekekial, c'al is yipalil ayon, max jab wal yoc is nuk' Cham bay xol k'ak'ej. A tinani', mayal wal nachaj el juj tol chi je' k'anjab Dios yetok eb anima, cax c'am chi cam eb yuj.

Dt 7:19

Naektek masanil juntzan yailal, c'al juntzan tzet c'ayubtak, c'al milagro, c'al is yipalil Jehová max tx'ox bay Egipto yet max con yion eltek bay tu'. Axca tu' ok yut Cham juntzan conob bay chex xiw tu'.

Dt 8:19

Palta tatol ok tok Jehová co Diosal c'ayc'ulal e yuj xin, cax ok ex tzakloj yintak juntzan chi al-lay oc diosal, ok e yak'on serbil, c'al e yay nojan yin ayilal bay, ta axca tu' ok e yunej, ayin chi walcan ayex tinani', ok ex c'aylay el yuj Cham.

Dt 9:26

Max in k'anon bay Cham max waloni: Mamin Jehová, c'am cha c'ayil jun a conob ti'. Ach max a colil yetok epalil, max eon eltek bay Egipto yetok a mayk'ak'al.

Josué 24:31

Manxa watx'ilok max yun yiken eb conob israel is ley Jehová yak'ban iquisto cham Josué, maxtoc'al yikej eb, yak'ban ayto ec' eb yicham winakil conob, eb max ilon masanil tzet max yun Jehová yetok eb.