Dt 1:8 - A Txꞌan Biblia Yin Kꞌanjobal 1989

⁸ Yujtol mayal wak' tx'otx' tx'otx' tu' yul e k'ab. Ocanek, cajayanek bay tx'otx' tol max wak' in ti' wak'on bay eb e yichmam, a ton Abraham, Isaac c'al Jacob, c'al bay is yinatil eb, ẍi Jehová.

Dt 1:8 Iomraidhean Croise

Gn 12:7

A tu' max tx'ox ba Jehová bay cham Abram, cax max yalon bay axca ti': A jun tx'otx' ti' ok wak' masanil bay eb enatil, ẍi Cham bay. Axa watx'nen aj Abram tu' jun altar satak Jehová, yujtol a bay tu' max tx'ox ba Cham bay.

Gn 15:16

Can makanxa inatilej mayal eq'uelok, catatu' ok meltzoj paxtek eb junelxa cayti', yujtol c'amto chi tz'aknaj ajapnok is yobtakil eb amorreo cayti', ẍi Jehová.

Gn 15:18

A ton yet jun c'ual tu' max yak' Jehová is trato yetok Abram, max yalon axca ti': —A jun tx'otx' ti' ok wak' bay enatil, chita tit tx'otx' bay a' elom aej bay Egipto,*fn* masantac'al bay a' miman Éufrates.

Nehemías 9:15

Max ak'on loj yet satcan bay eb yet ay wajil eb, c'al aej max eltek sat ch'en yet max ec' takintial eb yuj. Lajwi tu' max alon bay eb tol chi octok cajan eb bay tx'otx' tx'otx' max ak' a ti' ak'on bay eb.

Ex 23:31

Mayal wacan ay is mojonal bay ok ec' e tx'otx' tu'. Chi chail yich bay a' Cakyin Mar masantac'al chi apni oc bay a' Éufrates, cax chi tojtac'al bay a' Mar Mediterráneo bay ayic' eb filisteo, masantac'al bay takin tx'otx'. Cax ok waon oc eb cajan bay sat tx'otx' tu' yul e k'ab; ayexxa ok e yuktej el eb bay sat tx'otx' tu'.

Ex 33:1

Max yalon Jehová bay cham Moisés: —A tinani' elan cayti', cax cheontok jun conob max eiltek bay Egipto, bay sat tx'otx' tx'otx' max wal bay Abraham, bay Isaac c'al bay Jacob, tol ok wak' bay is yinatil eb.

Jeremías 32:22

Lajwi tu' max ak'on jun tx'otx' caw wal yax sat ti' ayon Israel on ti', atac'ala' max yun ak'on a ti' bay eb jichmam on.

Ez 47:14

Ayin max wak' in ti' wak'on jun tx'otx' ti' bay eb e yichmam. Lajanc'al chi yun e pojon ay xol e lajcaweb tribual. A ton jun tx'otx' ti' ok oc e satakok.)

Nm 14:23

Yuj tu', man ok yil eb tx'otx' max wak' in ti' wak'on bay is yichmam eb. Tamwal junok eb tol chin intaknen elok, ok ilon tx'otx'.

Nm 32:11

a eb anima 20 abil is k'inal chi beyc'altok yet max el eb bay Egipto, man ok yil eb tx'otx' max yak' Cham is ti' yak'on bay yinatil Abraham, Isaac c'al Jacob, yujtol man yinok masanil c'ul eb max tzakloj eb yintak tzet max yal Cham.

Dt 1:11

A Jehová co Diosal, yetok eb jichmam, yinxaokab milal ok yut co bisil yintak tinani'. Yak'okab wal watx'c'ulal, axca wal max yun yak'on is ti'.

Dt 1:35

C'am wal junok juntzan winak caw wal yob is nabal ti', ok ilon tx'otx' tx'otx' max wak' in ti' wak'on bay e yichmam.

Dt 10:11

Max yalon Cham ayin axca ti': Asi', cax cheontok jun conob tu', yet chi toj cha eb tx'otx' tx'otx' tol ok oc yetok eb, a ton tx'otx' max wak' in ti' wak'on bay eb e yichmam, ẍi Jehová.

Dt 11:24

Masanil lugar bay ok ex ec'ok, e yet ok yuncanok; chi tojtac'al tx'otx' bay takin tx'otx' masantac'al chi apni oc bay Líbano, cax chi tojtac'al bay a' miman aej Éufrates masantac'al chi apni oc bay a' mar Mediterráneo.

Dt 11:9

Yetok c'apaxok yet watx' najatil ok ex ec' cajan bay tx'otx' tx'otx' caw wal yax sat tu', a ton tx'otx' max yak' Jehová is ti' yak'on bay eb jichmam c'al bay yinatil eb.

Dt 2:29

masantac'al ok yal co k'axpoj bay a' Jordán, axa japni oc bay tx'otx' ok yak' Jehová co Diosal ayon, axca max con yut chaon ec'tek eb yinatil Esaú cajan bay Seir, c'al yetok eb moabita cajan c'apax bay Ar, quin chitok bay.

Dt 26:15

Ilon aytek bay satcan, bay lugar tol et yayji ocok, ak' a watx'c'ulal jiban ayon a conob Israel on ti', c'al yiban bay sat tx'otx' tx'otx' tol caw wal yax sat bay cajan on, axca wal max yun ak'on a ti' bay eb jichmam on, quex chi.

Dt 26:3

A tu' chex apni oc bay satak eb cham ayoc yin sacerdoteal yet jun tiempoal tu', che yalon axca ti': Chi wal satak Jehová co Diosal tinani', tol mayal on apni oc sat tx'otx' tx'otx' max yak' Cham is ti' yak'on bay eb jichmam, quex chi.

Dt 28:11

A Cham ok tx'ox wal is camc'ulal e yin: xiwil ok yun e yuninal, xiwil ok yun yune' e joboj, xiwil ok yun sat e yawoj bay tx'otx' tx'otx' max yak' Cham is ti' bay eb jichmam tol ok yak' ayex.

Dt 29:12

wajan on ec'ok yet watx' chi jak' co ti' yin is trato Jehová co Diosal chi yak' jetok ti' tinani'.

Dt 30:20

Camc'ulnejek Jehová co Diosal. Yikemc'al che yut e ba bay, yujtol a yuj e yikemal tu', ok e yi' e cawil. Yuj tu' xan ok ex ayjok ec' yin mimantak tiempoal bay sat tx'otx' tx'otx' max yak' Cham is ti' yak'on bay eb jichmam, a ton bay Abraham, bay Isaac, c'al bay Jacob, ẍi cham Moisés.

Dt 31:7

Max lajwi tu xin, cax max yawten cham Moisés cham Josué. Satak masanil conob Israel max yalon axca ti': Caw wal cha tec'baj a ba cax c'am chach xiwi. Ach ok etok jun conob ti' bay sat tx'otx' tx'otx' bay max yak' Jehová is ti' yak'on bay eb jichmam. Ach wal ok el yoccan eb conob ti' bay tx'otx'.

Dt 34:4

Max yalon Jehová bay cham Moisés axca ti': A ton jun tx'otx' ti' max wak' in ti' wak'on bay Abraham, bay Isaac, c'al bay Jacob. Max walon bay eb axca ti': A jun tx'otx' ti' ok wak' bay eb e yinatil, quin chi, xan chin tx'oxcantok ayach, caxc'al manxa ok ach octok bay tx'otx', ẍi Jehová.

Dt 4:1

A tinani' xin ex wet conob Israel, abek chekbanilej c'al ley tol ok wal ayex, yet watx' ok e yikej c'al e beybalneni, yet ok ex octok cajan bay tx'otx' tx'otx' ok yak' Jehová is Diosal eb jichmam jetok ayex.

Dt 6:10

A Jehová co Diosal, a' ok ex ion octok bay jun tx'otx' max yak' is ti' yak'on bay eb jichmam, a ton Abraham, Isaac c'al Jacob. Ay wal conoblak manxa watx'ilok bay jun tx'otx' tu' tol mayexnak max e watx'nej ajok.

Dt 7:12

Ta yel wali che taynej e yab masanil juntzan chekbanilej ti', cax che yikeni, a Jehová co Dios ok yunc'al is trato max yak' e yetok, ok tx'oxonc'al is camc'ulal e yin, axca max yun yalon bay eb jichmam.

Dt 7:13

Ok ex camc'ulnej Cham, c'al yak'on watx'c'ulalil e yiban c'al yion aj can e bisil. Ok yak'on watx'c'ulal yiban masanil tzet ay ayex: yiban e yuninal, e trigo, e vino, e yaceite, e wacax, c'al yiban e calnel bay sat tx'otx' tx'otx' bay max yak' is ti' yak'on bay eb jichmam.

Dt 7:8

Palta yujtol ay is camc'ulal Cham e yin yet watx' chi yak' yun axca max yut yalon bay eb jichmam, xan max quex yieltek bay Egipto bay ayex oc yin mosejal, max ex yion eltek bay yul is k'ab cham reyal Egipto yetok wal is yipalil.

Dt 8:1

Chi cam wal e yiken masanil chekbanilej chi walcan el ayex ti' tinani', yet watx' watx' chex elocok c'al yajcan e bisil, cax ok ex octok e sataknen tx'otx' tx'otx' max yak' Jehová is ti' yak'on bay eb jichmam.

Dt 9:5

Man yujok e watx'il, tamwal yuj watx'il e beybal xan ok ex apnok cajan bay sat tx'otx' tu'. Palta yuj is yobtakil juntzan conob tu', xan ok c'aylay el eb e satak, yet watx' chi yuncan el tzet max yal Jehová bay eb jichmam, a ton bay Abraham, Isaac c'al bay Jacob.

Hebreos 6:13

A yet max yak'on Dios is ti' bay Abraham yet payxa, c'am junokxa mac max loctek, ac'al bi Cham max loctek, yujtol c'am junokxa mac ec'ban yintak Cham.

Hebreos 6:14

Max yal bay Abraham tu' axca ti': Wal yel, ok wak' miman in watx'c'ulal eban, ok wiwal aj can enatil, ẍi bay.

Josué 1:6

Tx'ijan chot a ba, cax cha tec'ban a ba, yujtol ach ok a pojic' tx'otx' tx'otx' ti' yin satakejal xol juntzan anima ti', a ton tx'otx' max wak' in ti' wak'on bay eb e yichmam.

Eb Juez 2:1

A bay Boquim max tx'oxaj ba Cham Yángel Jehová, petoj Cham bay Gilgal, max yalon bay eb conob Israel: Ayin max ex wieltek bay Egipto, cax max ex wiontek bay sat tx'otx' tx'otx' bay max wak' in ti' wak'on bay eb e yichmam, cax max waloni, tol c'am bak'in ok c'ayil jun in trato max wak' e yetok ti',