Dt 1:6 - A Txꞌan Biblia Yin Kꞌanjobal 1989

⁶ A Jehová, Cham co Diosal max k'anjab ayon bay Horeb, max yalon axca ti': Mimanxa tiempo ayex ec' bay jun tzalan ti'.

Dt 1:6 Iomraidhean Croise

Ex 17:6

Ayin ok in babjok a satak bay ch'en ch'en bay Horeb, axa yet chach apni oc xin, cax cha mak'on sat ch'en yetok a k'okoch, cax ok elol aej bay sat ch'en, axa yuq'uen a' eb anima tu', ẍi Jehová. Caytu' max yut cham Moisés satak eb yicham winakil conob Israel.

Ex 3:1

Axa Moisés max ilonc'al no' is calnel cham Jetro*fn* is ni', sacerdote yayji bay tx'otx' Madián. Axa yet jun c'ual xin, yet max toj iloj calnel, max ec'c'altok bay takin tx'otx' masantac'al max apni oc bay yich witz Horeb,*fn* a jun witz tu' a ton bay max tx'ox ba Dios bay.

Nm 9:22

Tatol chi canc'al can waan jun asun tu' yiban cajlobal Jehová yin cabok c'ual, ma junok xajaw, ma junok abil, ac'al bay tu' chi canc'al can eb israel tu', c'am chi toj eb. Tatol chi toj pax jun asun tu xin, catatu' chi toj pax eb.

Dt 1:5

A bay k'axepal ec'tok a' Jordán, bay tx'otx' tx'otx' yet eb Moab, a bay tu' max oc ijan cham Moisés yak'on cuybanil eb israel, max yalon axca ti':

Dt 18:16

Wal caw yel a ton jun tu' max e k'an bay Jehová co Diosal yet ayex ec' bay witz Horeb, yet jun c'ual wajan on ec' bay tu', max e yalon axca ti': C'amxa chi yochej co c'ul chi jab yoc is nuk' Jehová co Diosal tu', tamwal jilon jun miman k'ak' tu', yet watx' c'am chon cami, quex chi.

Dt 5:2

A Jehová co Diosal max yak' jun is trato jetok bay tx'otx' witz Horeb.

Dt 9:8

A bay witz Horeb caw wal max e tx'emtek yowal Cham, xan max yochej max ex c'aylay el yuj.