Ap 8:3 - A Txꞌan Biblia Yin Kꞌanjobal 1989

³ Lajwic'al tu', max jay junxa ángel, yetbi oc jun oro txayib bay chi tz'a sumumi jab. Max jayoc lecan yetok satak jun altar naba oro. Caw miman suk'uk'i jab max ak'lay bay, yet chi yak' tz'a yiban jun altar tu'. A tu' ayic' satak jun trono. A yet max toj woyoyok mubal jun suk'uk'i jab tu', max toj c'apax txaj eb yuninalxa Dios yetok.

Ap 8:3 Iomraidhean Croise

Babel Libroal Yabixal Eb Rey 7:50

juntzan copa, juntzan ch'en ibal el tza k'ak'il mecha yet candil, juntzan mimek sec', juntzan mimek cucharón, c'al juntzan txayib yet incienso. A masanil juntzan tu' naba oroc'al elok. Oro c'apax bisagra ayoc yin puertail jun lugar asan Dios ay yet, a ton bay yul templo, yetokc'al yet is puertail templo tu'.

Salmos 141:2

Watx'okab toj in txaj axca toj mubal incienso a satak Mamin, axa in k'ab mojan ajtok ayach, lajanokab axca wal ofrenda yet yayc'ualil yul a sat.

Ex 40:26

Max alay octok altar naba oro bay satak eltek an cortina.

Is 6:6

Axa tit jupupok jun ángel xol eb tu' ayin, ibil aj jun tzak'ak' cak xayinak max yiaj bay altar yetok tenaza.

Ez 41:22

axca junok te altar, jun metro yayji elok, nan is cab metro yayji aj is tel. Ay is tzeyil-lak, ay c'apax yich. Axa yinlak xin, te'c'al elok. Max yalon jun winak tu' ayin: A ton jun meẍa ayoc satak Jehová ti', ẍi.

Am 9:1

Axa max yun xin, max wil Cham Yajaw, tol ayic' bay altar, cax max yalon ayin axca ti': Mak' is yoyal templo ti', masantac'al chi yal bilaj jolom yoyal tu', cax chi ayc'ay weklabok yiban eb anima. Ta ayto mactxel c'am chi cami, axa yetok espada ok wak' ak'layxac'al camok. Caxc'al ok elaj eb yaloni, palta c'amxac'alta' junok okto colchajcan elok.

Malaquías 1:11

Ayin caw chi wala' tol miman welapnok yul sat masanil nacionlak bay yulyibank'inal, cax chi yak'on tz'a eb xajanbal, c'al yak'on eb is yofrenda ayin yin is mojalil, yujtol miman welapnok yul sat eb.

Nm 4:11

Cax ok e yaon c'apaxtok junxa an yax k'ap yiban altar oro. Ok e pichon el yetok juntzan no tz'um lababixac'al, cax ok e yaon c'apax oc teal yet chi batxlayi.

Lc 1:10

A yet lanan yak'on tz'a tu', aycan eb anima txajlok yina masanil.

Ro 8:34

Yuj tu' ¿xin ta ay junok mac ok je' yaon oc jiban? Yujtol a Cristo max cami, max ak'lay ictzoj pax ajok. Axa tinani' ayic' bay is watx' k'ab Dios, lanan tewi juj.

Hebreos 7:25

Yuj tu', a mac chi alay oc yul k'ab Dios yuj, chi je' chaon is colbanil tol ayc'al yin tojbalk'inal yuj, yujtol iquisc'al Cham yin tojbalk'inal, cax chi tewi bay Dios juj.

Hebreos 9:4

Ay jun net bay tu', oroc'al elok. A tu' chi tz'a tzet suk'uk'i jab. A tu' ay c'apax octok caẍail is trato Dios, ayoc oro yinlak masanil. Yul caẍa tu' ayaytok jun xij oro bay ayaytok maná. Ayaytok te' is k'okoch cham Aarón max wolji. Ay c'apax aytok ch'en chemte' ch'en bay tz'ibbilcan oc is trato Dios.

Ap 10:1

Max wilon yaytek jun ángel bay satcan, tol xiwil is yipalil, cax max ayol sat tx'otx'. Boc'an oc asun yin axca tol is pichil yayji. Ayaj jun mak'bal nabich yin is jolom. Caw wal chi tzekeki sat axca chaw yakan c'u. Axa yakan, axca xak k'ak'ej chi aj tobobok.

Ap 14:18

Max eltek junxa ángel bay ayoctok jun altar. A jun tu' ay yikbej yiban k'ak' k'ak'ej. Caw yip yalontok bay junxa ángel mitx'bil aj is polbal tu': Poloc a polbal caw el ye tu', yujtol a an uva bay sat tx'otx', caw k'inxa an, ẍi bay.

Ap 5:8

Max chaon ec' jun un tu', axa yay jajan eb querubín tu' canwanil, yetok eb 24 icham winak tu' satak Cham chi yik Calnel tu'. Ay yarpa eb junjun, c'al junjun is oro sec' eb, nojnak yuj suk'uk'i jab chi tz'a'i. A juntzan suk'uk'i jab tu', a ton yechel is txaj eb yet-xa Dios.

Ap 6:9

Axa yet max nic'on el Cham chi yik Calnel tu' jun yet so' sello, cax max wilon jun altar. A yalan, a tu' ayoctok pixan eb mak'bil cam yujc'al k'anej Dios, yujtol yak'nak ba eb testigoal yin.

Ap 7:2

Cax max wilon yajol junxa ángel bay chi ajol c'u. Ibil oc is sello Cham Dios iquis yuj. Caw wal yip max yun yawji bay eb ángel canwanil, a ton eb ak'bil yikbej yetnentok tzetak yetal sat tx'otx', c'al yetok tzetak yetal yulak a' mar. Max yalon bay eb axca ti':

Ap 8:4

A yul k'ab jun ángel tu' max aj woyoyok mubal suk'uk'i jab tu' yetok txaj eb yet-xa Dios tu', satak Cham.

Ap 8:5

Lajwi tu' max yak'on noj jun ángel tu' is txayib yetok tzak'ak' max yi aytek yiban jun altar tu'. Lajwi tu', cax max k'okon aytok sat tx'otx'. Max lajwi tu xin, max c'oli nilili bil c'u, c'al juntzanxa tzet chi nilili. Chi aj jopnaj rayo, cax chi ec' jun quixcab.

Ap 9:13

A yet max xuon jun yet is wak ángel is trompeta, max wab yoc jun aw nan xol caneb is txiquin jun altar oro ayic' satak Dios.