Ap 10:3 - A Txꞌan Biblia Yin Kꞌanjobal 1989

³ Max lajwi tu', max awji. Caw yip yawji axca no coj yet chi el yaw no'. A yet max lajwi yawji tu', ukel max bil c'u k'anjabi.

Ap 10:3 Iomraidhean Croise

Salmos 29:3

Chi ablay yul nuk' Jehová yiban a' mar. A Dios mimanbil chi ak'on bil yiban a' marlak.

Pr 19:12

A yowal c'ul junok cham rey, ay is may axca yel yaw no coj, a pax is watx'c'ulal xin, chi yitek watx'ilal axca yal ak'bal chi ay yiban an ac'un.

Is 31:4

Yujtol a Jehová Cham Yajaw yin Masanil max alon ayin axca wal ti': Axca wal yel yaw no coj yin junok calnel mayal yi', caxc'al xiwil eb ilom calnel chi oymoj yin no', tokwal ok el no' yet chi el yaw eb yin xibteni. Cayin wal tu', c'am mactxel chi je' in is tenon oc wanaj yet chin ayol ul wak'on owal bay tzalan Sión.

Is 42:13

A Cham ok yak' yip axca junok ak'om owal, ok aj yaw yak'on owal, axca junok soldado, axa yayc'ay eb ajc'ul tu' yuj.

Is 5:29

A yul nuk' eb, axca wal yet no coj, ok el yaw eb axca wal tz'ibcoj tol chi moc' aj is chibej; watx' wal ok yun yiontok, cax c'am mactxel ok je' tok'on ec' bay.

Jeremías 25:30

Ach Jeremías, al masanil juntzan k'anej ti' bay eb: A Jehová ok bil wal yaj yaw yin eb, atac'al bay is cajlobal bay satcan tol asan ay yet. Ok el yaw yin masanil eb cajyom bay sat tx'otx' tx'otx' ti', axca yel yaw eb chi tec'wi uva.

Ez 10:5

Chitac'al ablay bil is xic' eb querubín tu' tac'al bay junxa amak' bay yina. Lajanxac'al axca wal yoc yul is nuk' Dios, Cham chi je' yuj masanil, yet chi jaben bil c'u.

Os 11:10

Ok tzaklojc'al eb wuninal wintak, ok el waw axca junok no coj. A yuj ok el waw tu', xan ok tit eb wuninal bay yayubc'u, caw wal ok bil eb yuj xiwilal.

Jl 3:16

Axca wal bil c'u, caywal tu' ok yun jakon Jehová yul is nuk', tac'al bay jolom witz Sión bay Jerusalén. Axa satcan c'al tx'otx' tx'otx' ok bilajok. Axa Cham ok colon is conob, a ton conob Israel.

Am 1:2

Max yalon Amós: Axca bil mak'waj c'u, caytu' chi yun yoc nuk' Jehová tac'al bay jolom witz Sión bay Jerusalén. Masanil is lobal no no' chi etaxtok, cax chi takaj an ac'un bay jolom witz Carmelo.

Am 3:8

¿Mac wal junok c'am chi bilaj yuj xiwilal, ta a no coj chi el yaw? ¿Mactxel junok man ok k'anjab elok, tatol chi yal Jehová Cham Yajaw?

Ap 14:2

Axa max wabeni, max oc jun nuk'ej bay satcan. Caw chi nilili axca bil mimek aej, ma axca nilili bil c'u. Axca wal tol ay xiwilok anima chi txalon xiwilok arpa.

Ap 15:1

Max lajwi tu', max wilon junxa tx'oxbanil bay satcan tol caw miman yelapnok. Caw wal max c'ayaj in c'ul yet max wiloni: Ay ukwan ángel yetok ukeb lajub yailal. A yin ukeb yailal tu' ok tz'aknaj yunen yowal c'ul Dios.

Ap 15:7

Ay jun xol eb canwan querubín max ak'on junjun oro sec' bay junjun eb ángel tu'. A junjun sec' eb max ak'lay tu', nojnak yetok yowal c'ul Dios, Cham Dios iquisc'al yin tojbalk'inal.

Ap 4:5

Chi el joplajbok rayo yin jun trono tu'. Caw chi nilili axca yet chi nilili bil c'u. Ay ukeb mimek tzektebal chi chaw k'ak'al satak, a ton Yespíritu Dios yukwanil.

Ap 8:5

Lajwi tu' max yak'on noj jun ángel tu' is txayib yetok tzak'ak' max yi aytek yiban jun altar tu'. Lajwi tu', cax max k'okon aytok sat tx'otx'. Max lajwi tu xin, max c'oli nilili bil c'u, c'al juntzanxa tzet chi nilili. Chi aj jopnaj rayo, cax chi ec' jun quixcab.