Matthew 2:13 - Anglo-Saxon Wessex Gospels c1000 AD

¹³ Þa þa ferden þa atewede drihtnes engel iosepe on swefne ⁊þus cwæð. Aris ⁊nym þæt child ⁊hys moder ⁊fleog on egypteland ⁊beo þær oð þæt ic þe segge. Toward is þæt herodes secð þæt child to forspillene.

Matthew 2:13 Iomraidhean Croise

Matthew 1:20

Him þa soðliche þas þing þenchendum. drihtnes ængel on swefnum ateowede ⁊hym to cwæð. Ioseph dauiðes suna. nyle þu ondræden. marian þine gemæcchen to onfonne. þæt on hyre gekenned ys. hyt is of þan halgen gaste.

Matthew 10:23

Þonne hyo eow ehtað on þisse berig. fleoð on oðre. Ænd þanne hyo eow on þare ehtniað fleoð on þa þridden. Soðlice ic eow segge ne befare ge israele burgan ær þan þe mannes sune cume.

Matthew 2:12

And hyo onfengen andswere on swefnum þæt hyo eft to herode ne hwyrfden. ac hyo on oþerne weig on hire riche ferden.

Matthew 2:14

He aras þa ⁊nam þæt chyld ⁊his moder on niht ⁊ferde into egypte.

Matthew 2:16

Ða wæs herodes swiðe gebolgen for þam þe he befæht wæs fram þam tungelwitegan ⁊he asende þa ⁊ofsloh ealle þa chyld þe on bethleem wæron ⁊on eallen hire gemæren fram twiwintren elde ⁊binnæn þan æfter þare tyde þe he geaxode fram þam tungelwitegen.

Matthew 2:22

Þa he gehyrde þæt archelaus rixede on iudeaþeode for þane heroden. he ondredde þider to farene ⁊on swefnen gemineged he ferde on galileisse dales.