Luke 9:16 - Anglo-Saxon Wessex Gospels c1000 AD

¹⁶ Ða nam he þa fif hlafes ⁊þa twegen fixas ⁊on þanne heofen beseah ⁊bletsode hyo ⁊bræc ⁊dælde his leorningcnihten. þæt hyo asetten hyo beforan þam manigeo.

Luke 9:16 Iomraidhean Croise

Matthew 14:19

Ænd þa he het þa mænigeo ofer þt gærs sitton ⁊he nam þa fif hlafes ⁊twegen fixas ⁊beseah on þonne heofene ⁊bletsode. Bræc þa þa hlafes ⁊sealde hys leorningcnihten ⁊hyo þam folce.

Matthew 15:36

Ænd he nam þa. þa seofe hlafes ⁊þa fixsas ⁊bræc ⁊sealde his leorningcnihten ⁊hyo sealden þam folke.

Mark 7:34

⁊on þanne heofen behealdende. gemorede ⁊cwæð. Effeta. þt is on ure geþeode syo þu untyned.

Luke 22:19

And he onfeng hlaf ⁊þancode ⁊heom sealde ⁊cwæð. Þis ys myn lichame se is for eow geseald. doð þis on minen gemynde.

Luke 24:30

⁊þa he mid heom sett he onfeng hlaf ⁊hine bletsede ⁊bræc ⁊heom rahte.

Luke 9:15

⁊hyo swa dydon ⁊hyo ealle sæten.

Luke 9:17

Ða æten hyo ealle ⁊wurðen gefylde ⁊man nam þa gebrute þe þær wære ⁊fylde twelf kypan fulle.

John 6:11

Se hælend nam þa hlafes ⁊þanc wurðlice dyde ⁊hyo todælde þam sittenden ⁊eallswa of þam fixum; swa mycel swa hyo woldan.

John 6:23

oðre scype coman fram tyberiade wið þa stowe þær hyo þonne hlaf æten drihtan þankiende.