Yesaia 13:2 - Twerɛ Kronkron

² Monsi frankaa bepɔ petee so, momma mo nne so mma wɔn; monhinhim mo nsa, na wɔnhyɛne mmapɔmma apono mu.

Akuapem Twi Nkwa Asɛm

² Ma frankaa so wɔ bepɔw a hwee nni so no atifi, teɛ mu frɛ wɔn: nyama wɔn ma wɔnhyɛn atitiriw no apon mu.

New Revised Asante Twi Bible

² Monsi frankaa bepɔ petee so, momma mo nne so mma wɔn; monhinhim mo nsa, na wɔnhyɛne mmapɔmma apono mu.

Asante Twi Nkwa Asɛm

² Pagya frankaa wɔ bepɔ a hwee nni soɔ no atifi, teaam frɛ wɔn: nyama wɔn ma wɔn nhyɛne atitire no apono mu.

KYERƐW KRONKRON

² Munsi frankaa bepɔw petee so, momma mo nne so mma wɔn, munhinhim mo nsa, na wɔnhyɛn mmapɔmma abobow mu.

Yesaia 13:2 Iomraidhean Croise

Nnwom 60:4

Wode frankaa ama w’afɛrefoɔ sɛ wɔmfa mma wɔn ho so, nokorɛ nti.

Yesaia 10:32

Ɛnnɛ ara wɔbɛgyina Nob, ɔbɛwoso ne nsa agu Sion babaa bepɔ, Yerusalem kokoɔ no, so.

Yesaia 11:12

Na wama frankaa so ama amanaman, na wapɔn Israel asesabɔfoɔ aboa ano, na wama Yuda nnipa a wɔahweteɛ no afiri asase ntwea nnan so abɛhyia.

Yesaia 11:15

Na AWURADE bɛwe Misraim po mu nsuo korakora, na ɔde ne mframa a ɛhyehyeɛ bɛwoso ne nsa akyerɛ Asuo Eufrate so, na wabɔ no ama no adane nsuwansuwa nson a wɔde mpaboa mpo bɛfa mu.

Yesaia 18:3

Mo wiasefoɔ nyinaa ne mo a mote asase so nyinaa, sɛ wɔsi mmepɔ so frankaa a, monhwɛ, na sɛ wɔhyɛne totorobɛnto a, montie.

Yesaia 19:16

Ɛda no, Misraim bɛyɛ sɛ mmaa, na wɔbɛsuro na wɔn ho apopo, asafo AWURADE nsa wosoɔ a ɔbɛwoso wɔ wɔn soɔ no nti.

Yesaia 31:9

Na ne botan de ehu bɛsene akɔ, na n’asafohene de ahopopoɔ afiri frankaa no ho. AWURADE a ne gya wɔ Sion, na ne fononoo wɔ Yerusalem no na ɔseɛ.

Yesaia 5:26

Na ɔbɛsi frankaa ama amanaman a ɛwɔ akyirikyirie, na wabɔ hwerɛma afrɛ ɔman bi afiri asase ano, na hwɛ, wɔreba ɛherɛ so, ntɛm so.

Yeremia 50:2

Monka no amanaman mu, momma wɔnte na monsi frankaa, momma wɔnte, na mommfa nsuma, monka sɛ: Wɔafa Babel, wɔakum Bel aniwuo, wɔayɛ Merodak pasaa, wɔahyɛ n’ahoni aniwuo, wɔayɛ n’abosom pasaa.

Yeremia 50:41

Hwɛ, ɔman bi firi atifi fam reba na ɔman kɛseɛ bi ne ahemfo bebree wɔkanyan wɔn ho firi asase ano tɔnn.

Yeremia 51:12

Monsi frankaa ntia Babel afasuo, momma ɔwɛn mu nyɛ den, momfa awɛmfoɔ nsisi hɔ, monsiesie atɛfoɔ, na AWURADE dwene ne tirim, nso ɔreyɛ deɛ waka no Babelfoɔ ho no.

Yeremia 51:25

Hwɛ, me ne wo anya, bepɔ sɛefoɔ, AWURADE asɛm nie, wo a wosɛe asase nyinaa, wo so na matene me nsa, na mamunimuni wo afiri ɔbotan so, na mayɛ wo bepɔ a ahyeɛ.

Yeremia 51:58

Sɛ asafo AWURADE seɛ nie: Babel afasuo a atrɛ tɛtrɛɛ no, wɔbɛdwiridwiri ama aseɛ ada hɔ petee, na kuro ano apono a ɛkorɔn no, wɔde ogya bɛhye, na aman adwuma a wɔyɛeɛ no ayɛ hunu, na ogya ahye deɛ nkurɔfoɔ dodoɔ abrɛ ho no.