Hosea 2:8 - Twerɛ Kronkron

⁸ Na ɔno deɛ, na ɔnnim sɛ me na memaa no ayuo ne nsa ne ngo, na memaa ne dwetɛ dɔreeɛ, ne ne sika a wɔhwere maa Baal no.

Akuapem Twi Nkwa Asɛm

⁸ Ɔnkae sɛ me na memaa no aduan, nsa foforo ne ngo, nea ɔmaa sikakɔkɔɔ ne dwetɛ buu no so ma wɔde kɔsom Baal no.

New Revised Asante Twi Bible

⁸ Na ɔno deɛ, na ɔnnim sɛ me na memaa no ayuo ne nsa ne ngo, na memaa ne dwetɛ dɔreeɛ, ne ne sika a wɔhwere maa Baal no.

Asante Twi Nkwa Asɛm

⁸ Ɔnnkae sɛ me na memaa no aduane, nsã foforɔ ne ngo, deɛ ɔmaa sikakɔkɔɔ ne dwetɛ buu no so ma wɔde kɔsom Baal no.

KYERƐW KRONKRON

⁸ Na ɔno de, onnim sɛ me na memaa no awi ne nsa ne ngo, na memaa ne dwetɛ dɔe, ne ne sika a wɔhwere maa Baal no.

Hosea 2:8 Iomraidhean Croise

1 Berɛsosɛm 29:16

AWURADE yɛn Nyankopɔn, ade kuo yi a yɛasiesie sɛ yɛde rebɛsi efie ama wo din kronkron yi nyinaa, wo nsam na ɛfire, na wo na ne nyinaa wɔ woɔ.

Hiob 19:8

Ɔde ban atwa me kwan mu, na mentumi mensene, na me kwan so aduru sum.

Yesaia 1:3

Nantwie nim ne wura, na afunumu nim ne wura adididaka, na Israel deɛ, ɔnnim, me man nni nteaseɛ.

Yesaia 46:6

Wɔn deɛ, wɔhwie sika firi fotoɔ mu, na wɔde nsania kari dwetɛ; wɔbɔ sikadwumfoɔ paa na ɔnyɛ no onyame; wɔkoto, na wɔsɔre no.

Yeremia 7:18

Mma tase nnyina, na agyanom sɔ ogya, na mmaa fete mmɔre sɛ wɔreyɛ taterɛ ama ɔsoro hemmaa no, na wɔagu anyame foforɔ ahwiesa, de yi me abufuo.

Hesekiel 23:41

na wɔtenaa nnaeɛ a anim yɛ duro so, na ɛpono a wɔatoɔ si w’anim, na wode m’aduhwan ne me ngo sisii so.

Hosea 10:1

Israel yɛ obobe pa a ɛso n’aba nsɔ; dodoɔ ara a n’aba dɔɔso no, dodoɔ a wama afɔrebukyia nso adɔɔso. N’asase yie a ɛyɛ nti no, wɔanya ahoni adum asiyɛ nso.

Hosea 13:1

Efraim rekasa a, ɛyɛ hu; ɔmaa ne ho so Israel mu, ɛnna Baal nti ɔdii so, na ɔwui.

Hosea 13:2

Na afei wɔkɔ so yɛ bɔne, na wɔde wɔn dwetɛ yɛ guo ahoni ne wɔn nhunumu ano adwinhoni; ɛyɛ adwumfoɔ adwuma ara nko; wɔka no wɔ wɔn ho sɛ, nnipa a wɔbɔ afɔdeɛ no ma wɔmfe anantwie mma ano.

Hosea 2:5

Na adwaman na wɔn na bɔeɛ, na deɛ ɔnyinsɛnee wɔn no yɛɛ aniwudeɛ; na ɔkaa sɛ: Mɛdi m’adɔfo akyi; wɔn na wɔma me m’aduane ne me nsuo, me dwannwi ne m’asaawa, me ngo ne me nsa.

Hosea 4:11

Adwamammɔ ne nsa ne nsa mono sɛe nteaseɛ.

Hosea 8:4

Wɔn deɛ, wɔasisi ahene, na ɛmfiri me, wɔasisi mmapɔmma, nso mennim. Wɔn dwetɛ ne wɔn sika, wɔde ayeyɛ ahoni a ɛbɛsɛe wɔn.

Habakuk 1:16

Ne saa nti, abɔnefoɔ bɔ n’asau no afɔdeɛ na ɔhye aduhwam ma wɔn twiɛ no, ɛfiri sɛ ɛno na ɛma ne kyɛfa dɔre sradeɛ, na n’aduane yɛ sɔɔsɔɔ.

Luka 15:13

Na anni da bi na ɔba kumaa no boaboaa ne nyinaa ano, na ɔtuu kwan kɔɔ akyirikyiri asase bi soɔ; ɛhɔ na ɔkɔbɔɔ ahohwie sɛee n’ahodeɛ nyinaa.

Romafo 1:28

Na sɛdeɛ wɔammu sɛ wɔbɛkura Onyankopɔn wɔn nimdeɛ mu nti, Onyankopɔn yii wɔn maa adwene a ɛmfra, sɛ wɔnyɛ deɛ ɛmfata,

5 Mose 8:18

na mmom kae AWURADE wo Nyankopɔn, na ɔno na ɔma wo ahoɔden a wode nya wo ho, na wama n’apam a ɔkaa ho ntam kyerɛɛ wo nananom no atim sɛdeɛ ɛteɛ nnɛ yi.

Atemmufo 9:27

Na wɔfirii adi kɔɔ mfuo mu kɔtetee wɔn bobe nturo mu aba na wɔkyikyii nsa, na wɔtoo anigyeɛ nnwom, na wɔkɔɔ wɔn nyame fie, na wɔdidi nomee, na wɔdomee Abimelek.