2 Samuel 13:2 - Twerɛ Kronkron

² Na Amnon nuabaa Tamar nti ne ho hiahiaa no maa no patu yaree. Na ɔyɛ ɔbaabunu, saa nti ɛyɛɛ Amnon den sɛ ɔbɛyɛ no biribie.

Akuapem Twi Nkwa Asɛm

² Amnon tuu nʼani sii Tamar so ara kosii sɛ ɛbɔɔ no yare. Na ɔyɛ ɔbabun nti, na na ɛyɛ sɛ Amnon rentumi nyɛ no hwee.

New Revised Asante Twi Bible

² Na Amnon nuabaa Tamar nti ne ho hiahiaa no maa no patu yaree. Na ɔyɛ ɔbaabunu, saa nti ɛyɛɛ Amnon den sɛ ɔbɛyɛ no biribie.

Asante Twi Nkwa Asɛm

² Amnon tuu nʼani sii Tamar so ara kɔsii sɛ ɛbɔɔ no yadeɛ. Na ɔyɛ ɔbaabunu enti, na Amnon susu sɛ ne dɔ no nkɔsi hwee.

KYERƐW KRONKRON

² Na Amnon ne nuabea Tamar nti ne ho hiaa no ma ɔyaree, na ɔyɛ ɔbaabun na ɛyɛɛ Amnon den sɛ ɔbɛyɛ no biribi.

2 Samuel 13:2 Iomraidhean Croise

2 Samuel 13:1

Na Dawid ba Absalom wɔ nuabaa fɛfɛ bi a ne din de Tamar. Na nna bi akyi no, Dawid ba Amnon pɛɛ no.

2 Samuel 13:3

Na Amnon wɔ adamfo bi a wɔfrɛ no Yonadab, Dawid nua Simea ba. Na Yonadab yɛ onitefoɔ yie.

1 Ahene 21:4

Ɛnna Ahab kɔɔ ne fie a wakum n’anim na waboto, Yesreelni Nabot asɛm a ɔka kyerɛɛ no no nti; sɛ waka akyerɛ no sɛ: Meremfa m’agyanom awunnyadeɛ memma wo. Na ɔdaa ne mpa so danee n’ani, na wannidi.

Nnwom mu dwom 5:8

Meka mo ntam, Yerusalem mmammaa, sɛ mohunu me dɔfoɔ a, monka nkyerɛ no sɛ meyare ɔdɔ.

2 Korintofo 7:10

Na Nyankopɔn kwan so awerɛhoɔ yɛ adwensakyera a ɛde kɔ nkwagyeɛ mu, a wɔnnu wɔn ho wɔ ho; na ewiase awerɛhoɔ deɛ, ɛma owuo.