1 Samuel 1:10 - Twerɛ Kronkron

¹⁰ Na ne kra werɛ hoe, na ɔbɔɔ AWURADE mpaeɛ, na ɔde yea sui.

Akuapem Twi Nkwa Asɛm

¹⁰ Hana fi awerɛhow a ano yɛ den mu sui, bere a na ɔrebɔ Awurade mpae.

New Revised Asante Twi Bible

¹⁰ Na ne kra werɛ hoe, na ɔbɔɔ AWURADE mpaeɛ, na ɔde yea sui.

Asante Twi Nkwa Asɛm

¹⁰ Hana firi awerɛhoɔ a ano yɛ den mu suiɛ, ɛberɛ a na ɔrebɔ Awurade mpaeɛ.

KYERƐW KRONKRON

¹⁰ Na Hana kra werɛ howee, na ɔbɔɔ AWURADE mpae, na ɔde yaw sui.

1 Samuel 1:10 Iomraidhean Croise

1 Mose 30:1

Na Rahel hunuu sɛ ɔnwo mma Yakob no, ɔtwee ne nuabaa no ho kora, na ɔka kyerɛɛ Yakob sɛ: Ma me mma, na anyɛ saa a, mɛwu.

1 Mose 50:10

Na wɔduruu Atad ayuporebea a ɛwɔ Yordan agya nohoa no, wɔtwaa kwadwom kɛseɛ a emu yɛ den wɔ hɔ, na ɔgyam n’agya nnanson.

2 Samuel 13:36

Na ɔwiee kasa no ara pɛ na hwɛ, ɔhene mma no baeɛ, na wɔmemaa wɔn nne so sui, na ɔhene nso ne ne nkoa nyinaa nso suu kɛseɛ pa ara.

2 Samuel 17:8

Na Husai kaa sɛ: Wo ara wonim w’agya ne ne mmarima sɛ wɔyɛ ahoɔdenfoɔ, na wɔn bo ahuri sɛ sisire a wɔafa ne mma wiram, na w’agya nso yɛ dɔmmarima, na ɔne nkurɔfoɔ no renna anadwo yi.

2 Ahene 20:3

Ao, AWURADE, kae sɛdeɛ manante w’anim nokorɛ ne akoma a ɛyɛ pɛ mu, na mayɛ deɛ ɛyɛ wɔ w’ani soɔ. Na Hesekia suu esu kɛseɛ.

Hiob 10:1

Me nkwa yɛ me kra nwunu, mɛgyaa m’apinisie mu wɔ me mu, mɛkasa m’awerɛhoɔ mu.

Hiob 7:11

Enti me nso meremmua m’ano, mɛkasa me honhom ahohiahia mu, mɛsi apini m’awerɛhoɔ mu.

Hiob 9:18

ɔmmma mennya ahomegyeɛ, na ɔde awerɛhoɔ hyɛ me ma tɔ.

Nnwom 50:15

na frɛ me hiada mu, na mɛgye wo na woahyɛ me animuonyam.

Nnwom 91:15

Ɔsu frɛ me, na mɛgye no so, me ne no bɛtena ahohia mu, mɛyi no na mahyɛ no animuonyam.

Mmebusɛm 14:10

Akoma nim ne kra awerɛhoɔ, na n’anigyeɛ nso, ɔhɔhoɔ mfa ne ho mfra mu.

Yesaia 38:15

Menka sɛn? Waka akyerɛ me na ɔno ara ayɛ. Me nna nyinaa afiri m’ani so, me kra awerɛhoɔ no nti.

Yesaia 54:6

Na AWURADE afrɛ wo sɛ ɔbaa a wɔagyaa no na ɔredi honhom mu yea, sɛ mmeranteberɛ mu yerɛ a wɔapa no, wo Nyankopɔn na ɔseɛ.

Yeremia 13:17

Na sɛ moantie a, me kra bɛsu kokoam, mo ahantan nti, na m’ani afiri nisuo ara, na nisuo aporepore me, sɛ wɔafa AWURADE nnwankuo no nnommum mu.

Yeremia 22:10

Monnsu owufoɔ na monnnyam no. Esu mmom na monsu deɛ ɔrekorɔ no, na ɔrensane mma bio mmɛhunu n’awoɔ asase.

Kwadwom 3:15

Wama ade nwononwono ara nko amee me, wama ɔnwono abo me.

Luka 22:44

Na ɔwɔ owuo yea mu no, ɔmaa ne mpaebɔ mu yɛɛ den. Na ne ho fifire yɛɛ sɛ mogya ntowantowa a ɛsosɔ fam.

Hebrifo 5:7

Ɔno a ne honam nna no mu ɔde mpaebɔ ne nkotosrɛ brɛɛ deɛ ɔbɛtumi agye no afiri owuo mu wɔ nteamu a emu yɛ den ne nisuo mu, na ahobrɛaseɛ suro nti wɔtiee no.

Atemmufo 21:2

Na ɔman no baa Betel bɛtenaa Nyankopɔn anim kɔduruu anwummerɛ, na wɔmemaa wɔn nne so suu su kɛseɛ.

Rut Nwoma 1:20

Na ɔka kyerɛɛ wɔn sɛ: Mommfrɛ me Naomi, na momfrɛ me Mara, ɛfiri sɛ Tweaduampɔn ne me adi no nwononwono so sɛ!

1 Samuel 1:11

Na ɔhyɛɛ bɔ sɛ: Asafo AWURADE, sɛ wohwɛ w’afenaa amanehunu na wokae me, na wo werɛ amfiri w’afenaa, na woma w’afenaa ɔbabanin a, ɛnneɛ mede no bɛma AWURADE ne nkwa nna nyinaa, na oyiwan biara renka ne ti.

1 Samuel 1:9

Na wɔdidiiɛ na wɔnom wieeɛ wɔ Silo no, Hana sɔreeɛ; nanso na Ɔsɔfoɔ Eli te adwa so AWURADE asɔredan ano aponnwa ho.