Yohane 11:53 - New Revised Asante Twi Bible

⁵³ Ɛnna ɛfiri da no ara wɔtutuu agyina wɔn mu sɛ wɔbɛku no.

Twerɛ Kronkron

⁵³ Ɛnna ɛfiri da no ara wɔtutuu agyina wɔn mu sɛ wɔbɛku no.

Akuapem Twi Nkwa Asɛm

⁵³ Efi saa bere no, Yudafo mpanyin no faa adwene sɛ wobekum Yesu.

Asante Twi Nkwa Asɛm

⁵³ Ɛfiri saa ɛberɛ no, Yudafoɔ mpanin no faa adwene sɛ wɔbɛkum Yesu.

KYERƐW KRONKRON

⁵³ Ɛnna efi da no ara wotutuu agyina wɔn mu sɛ wobekum no.

Yohane 11:53 Iomraidhean Croise

1 Mose 37:18

Na ne nuanom hunuu no akyirikyiri na ɔnnya nnuruu wɔn nkyɛn no, wɔpamm ne tiri so sɛ wɔbɛku no.

Nehemia 13:21

Ɛnna mebɔɔ wɔn kɔkɔ ka kyerɛɛ wɔn sɛ: Adɛn nti na moasoɛsoɛ, deda ɔfasuo no akyire? Sɛ moyɛ saa bio a, mɛkye mo. Ɛfiri saa berɛ no, wɔamma homeda bio.

Nehemia 4:16

Na ɛfiri da no, me mmeranteɛ fa fraa mu yɛɛ adwuma, na wɔn mu fa nso kurakuraa mpea ne akyɛm ne tadua wɔn amiadeɛ mu, na asafohene no gyinaa Yuda fie nyinaa akyi.

Nnwom 113:2

Nhyira nka AWURADE din mfiri nnɛ nkɔsi daa.

Nnwom 2:2

Asase so ahemfo sɔre gyina, na atumfoɔ bom tu agyina tia AWURADE ne deɛ wasra no no sɛ,

Nnwom 31:13

Na mete nnipa bebree nsekudie, ahudeɛ atwa me ho ahyia, sɛdeɛ me ho agyina a wɔakorɔ no mu wɔabɔ wɔn tirim sɛ wɔbɛsɛe me kra.

Nnwom 71:10

Na m’atamfoɔ ka me ho asɛm, na wɔn a wɔtɛ me kra bom tu agyina

Yeremia 38:15

Na Yeremia ka kyerɛɛ Sedekia sɛ: Sɛ meka kyerɛ wo a, ɛnyɛ kum na wobɛku me? Nanso sɛ metu wo fo a, worentie me.

Yeremia 38:4

Ɛnna mmapɔmma no kɔka kyerɛɛ ɔhene sɛ: Ma wɔnkum ɔbarima yi ɛ, ɛfiri sɛ ɔde sei rema akofoɔ a wɔaka kuro yi mu ne ɔman no nyinaa nsam agogo, sɛ ɔka saa nsɛm yi kyerɛ wɔn; na ɔbarima yi nyɛ deɛ ɔhwehwɛ asomdwoeɛ de ma ɔman yi, na mmom bɔne.

Mateo 12:14

Na Farisifoɔ no firi adi kɔtuu ne ho agyina sɛdeɛ wɔbɛkum no.

Mateo 16:21

Na ɛfiri saa berɛ no na Yesu Kristo fitii aseɛ kyerɛɛ n’asuafoɔ no sɛ, ɛsɛ sɛ ɔkɔ Yerusalem na ɔkɔhunu amane pii mpanimfoɔ ne asɔfoɔ mpanimfoɔ ne Atwerɛfoɔ no nsam, na wɔakum no, na ɛda a ɛtɔ so mmiɛnsa no wanyane.

Mateo 22:46

Na obiara antumi ammua no asɛm biara, nanso ɛfiri da no, obiara antumi ammisa no asɛm biara bio.

Mateo 26:4

na wɔtuu agyina sɛ wɔnam nyansa so bɛkyere Yesu akum no.

Mateo 26:59

Na asɔfoɔ mpanimfoɔ ne badwafoɔ no nyinaa hwehwɛɛ Yesu ho adansekurumu, na wɔanya no akum no,

Marko 14:1

Na aka nnanu na Twam ne Apiti afahyɛ aduro no, asɔfoɔ mpanimfoɔ ne Atwerɛfoɔ no hwehwɛɛ sɛdeɛ wɔbɛyɛ akye no nyansa mu, na wɔakum no.

Marko 3:6

Na Farisifoɔ no firii adie no, ntɛm ara wɔne Herodefoɔ kɔtuu ne ho agyina sɛdeɛ wɔbɛsɛe no.

Yohane 11:47

Ɛnna asɔfoɔ mpanimfoɔ ne Farisifoɔ no maa wɔkɔhyiaa badwafoɔ no, na wɔkaa sɛ: Ɛdeɛn na yɛbɛyɛ, ɛfiri sɛ onipa yi yɛ nsɛnkyerɛnneɛ pii.

Yohane 12:10

Na asɔfoɔ mpanimfoɔ no tuu agyina sɛ wɔbɛkum Lasaro nso,

Yohane 7:1

Na yeinom akyiri no, Yesu kyinii Galilea; na ɔmpɛ sɛ ɔkyini Yudea, ɛfiri sɛ na Yudafoɔ no rehwehwɛ no akum no.

Asomafo 5:33

Na wɔteeɛ no, ɛtwii wɔn na wɔtuu agyina sɛ wɔbɛku wɔn.

Asomafo 9:23

Na nna bebree akyiri no, Yudafoɔ no pamm ne tiri so sɛ wɔbɛkum no.