Yoel 2:2 - New Revised Asante Twi Bible

² esum ne kusuuyɛ da, mununkum ne kusukuukuu da. Ɔman bi a wɔdɔɔso na wɔyɛ den a ebi nte sɛ no firi teteete, na n’akyiri nso ebi renyɛ sɛ ɛno awoɔ ntoatoasoɔ a ɛdidi soɔ mfeɛ mu reyerɛ sɛ adekyeeɛ yerɛ mmepɔ soɔ no.

Twerɛ Kronkron

² esum ne kusuuyɛ da, mununkum ne kusukuukuu da. Ɔman bi a wɔdɔɔso na wɔyɛ den a ebi nte sɛ no firi teteete, na n’akyiri nso ebi renyɛ sɛ ɛno awoɔ ntoatoasoɔ a ɛdidi soɔ mfeɛ mu reyerɛ sɛ adekyeeɛ yerɛ mmepɔ soɔ no.

Akuapem Twi Nkwa Asɛm

² Sum ne kusukuukuu da. Omununkum ne sum kabii da. Sɛnea adekyee hann trɛtrɛw wɔ mmepɔw so no, saa ara na asraafo a wɔdɔɔso na wɔyɛ den ba no te. Wonhuu wɔn sɛso bi da, na wɔrenhu ne sɛso nso da.

Asante Twi Nkwa Asɛm

² Esum ne kusukuukuu ɛda. Omununkum ne esum kabii ɛda. Sɛdeɛ adekyeeɛ hann trɛtrɛ wɔ mmepɔ so no, saa ara na asraadɔm a wɔ dɔɔso na wɔyɛ den ba no teɛ. Wɔnhunuu wɔn sɛso bi da, na wɔrenhunu ne sɛso nso da.

KYERƐW KRONKRON

² esum ne kusuuyɛ da, amununkum ne kusukuukuu da. Ɔman bi a wɔdɔɔso na wɔyɛ den a ebi nte sɛ no fi teteete, na n’akyi nso ebi renyɛ sɛ ɛno awo ntoatoaso a edidi so mfe mu reyerɛw sɛ adekyeehema yerɛw mmepɔw so no.

Yoel 2:2 Iomraidhean Croise

Nnwom 10:6

Ɔse no n’akomam sɛ: Merenhinhim da, daa nyinaa merenhyia amaneɛ biara.

Nnwom 97:2

Mununkum ne sum atwa ne ho ahyia, tenenee ne atemmuo ne n’ahennwa nnyinasoɔ.

2 Mose 10:14

Na ntutummɛ no baa Misraim asase no so nyinaa, na wɔbɛguu Misraim nyinaa, na wɔdɔɔso pii. Ebi nnii wɔn anim mmaa pɛn a ɛte sɛ wɔn, na wɔn akyiri nso ebi remma saa bio.

2 Mose 10:6

na wɔabɛyeyɛ w’afie mu ne wo nkoa nyinaa afie mu ne Misraimfoɔ nyinaa afie mu amaama, sɛdeɛ wo nananom ne wɔn nananom nhunuu bi pɛn firi da a wɔbaa asase soɔ bɛduru nnɛ. Na ɔdanee ne ho firii Farao nkyɛn.

2 Mose 20:21

Na ɔman no gyinaa akyirikyiri, na Mose twe pinii esum kabii a Onyankopɔn wɔ mu no.

Yesaia 5:30

Na wɔbɛworo atia wɔn da no sɛdeɛ ɛpo worɔ, na wɔhwɛ asase a, na hwɛ, ahohiahia ne sum nie, na hann redane wɔn so sum wɔ wiem hɔ.

Yesaia 8:22

na wɔahwɛ fam nso; nanso hwɛ, ahohiahia ne sum nie, ahodwan kusuuyɛ, na wɔasum wɔn agu sum kabii mu.

Yeremia 13:16

Monhyɛ AWURADE mo Nyankopɔn animuonyam ansa na wama sum aduru, ansa na mo nan asunti mmepɔ kusuu no, na morehwɛ hann kwan a, wadane no sunsum, na wama sum kabii aduru.

Yeremia 13:6

Na nna pii akyiri no, AWURADE ka kyerɛɛ me sɛ: Sɔre kɔ Eufrate, na kɔfa abɔsoɔ a mehyɛɛ wo sɛ fa kɔsie hɔ no bra.

Kwadwom 1:12

Ɛmfa mo a mofa ɔkwan so twam nyinaa ho bi? Monhwɛ na monhunu sɛ ɔyea bi wɔ hɔ a ɛte sɛ me yea, a aka me yi, a AWURADE de aho me werɛ n’abufuhyeɛ da no!

Hesekiel 32:7

Na sɛ medum wo sɛ kanea a, mɛkata ɔsoro, na mama ne nsoromma abiri tumm; mede mununkum bɛkata owia ani, na ɔsrane renharan.

Hesekiel 34:12

Sɛdeɛ odwanhwɛfoɔ hwehwɛ ne nnwankuo akyiri kwan da a ɔwɔ ne nnwan a wɔabɔ apete no mu no, saa ara na mɛhwehwɛ me nnwan akyiri kwan, na mɛyi wɔn afiri deɛ wɔapansam wɔn korɔ nyinaa, mununkum ne sum kabii da no.

Hesekiel 38:9

Na wobɛba sɛ ahum, wobɛba sɛ mununkum abɛkata asase no so, wo ne w’asafotoɔ no nyinaa ne aman pii a ɛkeka wo ho.

Daniel 12:1

Ɛberɛ no mu na Mikael, ɔbɔfoɔ titire a ɔgyina hɔ ma wo man mma no bɛsɔre agyina. Na ɛbɛyɛ ahohiahia berɛ a ɛfirii sɛ ɔman baeɛ no bɛsi berɛ no soɔ ɛmmaa da, na ɛberɛ no mu na wɔbɛgye wo manfoɔ afiri mu, obiara a wɔbɛhunu sɛ wɔatwerɛ ne din nwoma no mu no.

Daniel 9:12

Na wahyɛ n’asɛm a ɔka tiaa yɛn ne yɛn atemmufoɔ a wɔbuu yɛn atɛn no den, sɛ ɔde bɔne kɛseɛ a ebi mmaa wiase nyinaa pɛn sɛdeɛ ɛbaa Yerusalem no baa yɛn soɔ;

Yoel 1:6

Na ɛdɔm bi atu aba m’asase so, wɔn ho yɛ den na wɔn dodoɔ nni ano; wɔn se te sɛ gyata se, na wɔwɔ gyatabereɛ nnyepi.

Yoel 2:25

Na mfirinhyia a ntutummɛ, mfuntie, mmɛbɛ ne nketekyire, me dɔm kɛseɛ a mesomaa wɔn baa mo mu no diiɛ no, mɛhyɛ no ananmu.

Yoel 2:31

Owia bɛduru sum, na ɔsrane adane mogya, ansa na AWURADE da kɛseɛ a ɛyɛ hu no aba.

Yoel 2:5

Wɔhurihuri sɛ nteaseɛnam kitikitiyɛ mmepɔ atifi, sɛ ogyaframa a ɛhye nkyɛnkyɛmma turiturie, sɛ ɛdɔm a ɛyɛ den a wɔasiesie wɔn ama ɔko.

Yoel 3:4

Nanso moreyɛ me dɛn, Tiro ne Sidon ne Filistifoɔ amantoɔ nyinaa? Deɛ mayɛ bi na mode rehyɛ me ananmu, anaasɛ mo na moreyɛ me biribie? Ɛherɛ so ntɛm so na mɛdane deɛ moreyɛ no agu mo atifi.

Amos 4:13

Na hwɛ, deɛ ɔnwonoo mmepɔ na ɔbɔɔ mframa na ɔkyerɛ onipa deɛ ɛwɔ n’adwene mu no, deɛ ɔyɛ adekyehema esum, na ɔtiatia asase sorɔnsorɔmmea soɔ no, AWURADE, asafo Nyankopɔn ne ne din.

Sefania 1:7

Monyɛ komm AWURADE Nyankopɔn anim, na AWURADE da no abɛn, na AWURADE asiesie okum afɔdeɛ, wadwira wɔn a wafrɛ wɔn no.

Sakaria 14:6

Na ɛda no awɔ anaa nsukyeneeɛ remma.

Mateo 24:21

Na ɛno na ahohiahia kɛseɛ a ɛfiri wiase mfitiaseɛ de bɛsi nnɛ, ebi mmaa da, nanso ebi remma da, bɛba.

Marko 13:19

Na nna no bɛyɛ ahohiahia a ɛfiri Nyankopɔn adebɔ mfitiaseɛ de bɛduru nnɛ, ebi mmaa saa da, nanso ɛremma saa bio.

5 Mose 32:7

Kae tete nteredee nna, hwɛ awoɔ ntoatoasoɔ dodoɔ no mfeɛ; bisa w’agya na ɔnkyerɛ wo, wo mpanimfoɔ, na wɔnka nkyerɛ wo.

Hebrifo 12:18

Na moamma bepɔ a wɔde nsa ka no ho, ne ogya a ɛrehyeɛ ne mununkum kusuu ne esum ne mframa a ɛbɔ huu

Yuda 1:13

ɛpo asorɔkyeɛ a ɛhuru a ɛpu wɔn ara wɔn aniwuo guo, nsoromma a ɛkyinkyini a wɔde sum kabikabi asie ama wɔn daa.

Adiyisɛm 9:2

Na ɔbuee ebunu abura no ano, na wisie a ɛte sɛ fononoo kɛseɛ mu wisie firii abura no mu, na owia ne ahunum duruu sum, abura no mu wisie no nti.