Yesaia 3:16 - New Revised Asante Twi Bible

¹⁶ Na AWURADE kaa sɛ: Ɛsiane sɛ Sion mmammaa yɛ ahantan na wɔtoto abamkɔn deda wɔn ani akyi nante, wɔde anammɔn ntiantia nenam ma wɔn nan ase nkaa gyegyeɛ nti,

Twerɛ Kronkron

¹⁶ Na AWURADE kaa sɛ: Ɛsiane sɛ Sion mmammaa yɛ ahantan na wɔtoto abamkɔn deda wɔn ani akyi nante, wɔde anammɔn ntiantia nenam ma wɔn nan ase nkaa gyegyeɛ nti,

Akuapem Twi Nkwa Asɛm

¹⁶ Awurade kasa se, “Sion mmabea yɛ ahantan; wɔnantew toto wɔn kɔn, wɔdeda wɔn ani akyi, wotutu wɔn anammɔn ntiantia, na wɔn anan ase nkaa gyigye.

Asante Twi Nkwa Asɛm

¹⁶ Awurade kasa sɛ, “Sion mmammaa yɛ ahantan; wɔnante toto wɔn kɔn, wɔdeda wɔn ani akyi, wɔtutu wɔn anammɔn ntiawa ntiawa, na wɔn nan ase nkawa gyegye.

KYERƐW KRONKRON

¹⁶ Na AWURADE aka sɛ: Esiane sɛ Sion mmabea yɛ ahantan na wɔtoto wɔn kɔn deda wɔn ani akyi nantew, na wɔde anammɔn ntiantia nenam ma wɔn nan ase nkaa gyigye nti,

Yesaia 3:16 Iomraidhean Croise

Mmebusɛm 16:18

Ahantan di ɔsɛeɛ anim, na dwɛɛ honhom di asehweɛ kan.

Mmebusɛm 21:4

Ani a ɛtra ntɔn ne akoma a ɛhoran, mekyerɛ, abɔnefoɔ kwan no deɛ, ɛyɛ bɔne.

Mmebusɛm 30:13

Nnipa bi wɔ hɔ a wɔn ani tra wɔn ntɔn sɛ biribi, na wɔamema wɔn anisuatɛtɛ soɔ!

Nnwom mu dwom 3:11

O Sion mmammaa, momfiri adi mmɛhwɛ Ɔhene Salomo, abotire a ne na de bɔɔ no, ne yere hyia da ne n’akoma anigyeɛ da no.

Yesaia 1:8

Na wɔagya Sion babaa hɔ sɛ bobeturom sese, te sɛ ɛferɛ turom homebea, sɛ kuro a wɔatua no.

Yesaia 24:4

Asase aboto na akusa, wiase anyam na akusa, ɔsoro ne asase bom boto.

Yesaia 3:1

Na hwɛ, AWURADE, asafo AWURADE, bɛtutu dua a wɔde wa ne akyidua nyinaa afiri Yerusalem ne Yuda, aduane dua nyinaa ne nsuo dua nyinaa,

Yesaia 3:17

AWURADE bɛma tirimkuro agu Sion mmammaa mpampam, na AWURADE bɛyi wɔn adagya so.

Yesaia 3:18

Ɛda no AWURADE bɛyi afɛfɛdeɛ no, nan ase nkaa, ntomaban, asranefa,

Yesaia 3:4

Na mede mmerantewaa mayɛ wɔn asafohene, na mmotafowa adi wɔn so.

Yesaia 4:4

da a AWURADE de atemmuo honhom ne ɛhyeɛ honhom bɛhohoro Sion mmammaa ho fi na wayi Yerusalem mogya so afiri mu no.

Sefania 3:11

Ɛda no mɛyi w’animguaseɛ nneyɛɛ a wode too me mmara no nyinaa afiri hɔ, na mɛyi wɔn a wɔdi ahantan mu ahurisie no afiri wo mu, na worenkɔ so nkyerɛ wo ho, me bepɔ kronkron no so.

Mateo 21:5

Monka nkyerɛ Sion babaa sɛ: Hwɛ, wo hene reba wo nkyɛn, ɔdwo, na ɔte afunumu ne afunumu a ɔsoa nnoɔma ba so.

Luka 23:28

Na Yesu danee n’ani kyerɛɛ wɔn kaa sɛ: Yerusalem mmammaa, monnsu me, na monsu mo ho ne mo mma!