Yesaia 2:21 - New Revised Asante Twi Bible

²¹ na wahyɛne abotan ntokuro ne aboɔ mpaepaeɛ mu, afiri AWURADE ho hu anim ne ne kɛseyɛ animuonyam no ho, da a ɔbɛsɔre abɛwoso asase no.

Twerɛ Kronkron

²¹ na wahyɛne abotan ntokuro ne aboɔ mpaepaeɛ mu, afiri AWURADE ho hu anim ne ne kɛseyɛ animuonyam no ho, da a ɔbɛsɔre abɛwoso asase no.

Akuapem Twi Nkwa Asɛm

²¹ Wobeguan akɔhyɛ abotan mu ntokuru mu ne abotan mpaapae mu esiane Awurade ho hu ne nʼanuonyam kɛseyɛ nti, bere a ɔbɛsɔre awosow asase.

Asante Twi Nkwa Asɛm

²¹ Wɔbɛdwane akɔhyɛne abotan mu ntokuro mu ne abotan mpaapaeɛ mu ɛsiane Awurade ho hu ne nʼanimuonyam kɛseyɛ enti, ɛberɛ a ɔbɛsɔre awoso asase.

KYERƐW KRONKRON

²¹ na wahyɛn abotan ntokuru ne abo mpaepae mu, afi AWURADE ho hu anim, ne ne kɛseyɛ anuonyam no ho, da a ɔbɛsɔre abɛwosow asase no.

Yesaia 2:21 Iomraidhean Croise

2 Samuel 22:46

Ananafoɔ bo tui, na wɔde ahopopoɔ firi wɔn aban mu bae.

Hiob 30:6

Mmonhwa a ɛhɔ yɛ hu mu na wɔteteɛ, ɛfam ne abotan mu ntokuro mu.

Hiob 9:6

Ɔwoso asase firi n’atenaeɛ, na ne nnyinasoɔ popo.

2 Mose 33:22

na sɛ m’animuonyam resene a, mede wo bɛhyɛ ɔboɔ tokuro mu, na mede me nsa makata wo so masene ansa,

Nnwom mu dwom 2:14

M’aburuburo a wowɔ ɔbotan tokuro mu ne sorɔnsorɔmmea ahuntaeɛ, ma menhunu w’anim, ma mente wo nne, na wo nne yɛ dɛ, na w’anim yɛ fɛ.

Yesaia 2:10

AWURADE ho hu ne ne kɛseyɛ animuonyam nti, hyɛne ɔbotan mu, na fa wo ho kora mfuturo mu.

Yesaia 2:19

Na wɔbɛhyɛne abotan ntokuro ne fam amena mu, afiri AWURADE ho hu anim ne ne kɛseyɛ animuonyam no ho, da a ɔbɛsɔre abɛwoso asase no.

Yesaia 24:18

na deɛ ɔdwane firi ehu nkateɛ ho no bɛtɔ eku mu, na deɛ ɔforo firi eku no mu no, wɔde fidie bɛyi no. Na wɔhinihini soro mpomma, na asase nnyinasoɔ wosowoso.

Yesaia 33:10

AWURADE se: Afei mɛsɔre, afei mɛma me ho so, afei wɔbɛma me so.

Yesaia 7:19

na wɔn nyinaa aba abɛsisi mmonhwa a ɛsiane kuronkuron, ne abotan mpaepaeɛ mu, ne nkasɛɛ ne ɛserɛ nyinaa so.

Yeremia 16:16

Hwɛ, mɛma wɔakɔfa apofofoɔ pii aba, AWURADE asɛm nie, na wɔakɔyi wɔn, na yei akyiri no mɛma wɔakɔfa abɔmmɔfoɔ pii aba na wɔakɔtwe wɔn afiri mmepɔ nyinaa so ne nkokoɔ nyinaa so ne abotan ntokuro mu.

Hosea 10:8

Na wɔbɛsɛe Bet-awen sorɔnsorɔmmea a ɛne Israel bɔne no; nkasɛɛ ne nnɛnkyɛnse bɛfifiri wɔn afɔrebukyia so, na wɔbɛka akyerɛ mmepɔ sɛ: Mommɛkata yɛn so! ne nkokoɔ sɛ: Mommɛhwe yɛn so!