Yesaia 2:12 - New Revised Asante Twi Bible

¹² Na asafo AWURADE da bi wɔ hɔ a ɛbɛba deɛ ɛkorɔn na ɛyɛ sorɔnsorɔn nyinaa ne deɛ wɔama soɔ nyinaa so, na abrɛ ase;

Twerɛ Kronkron

¹² Na asafo AWURADE da bi wɔ hɔ a ɛbɛba deɛ ɛkorɔn na ɛyɛ sorɔnsorɔn nyinaa ne deɛ wɔama soɔ nyinaa so, na abrɛ ase;

Akuapem Twi Nkwa Asɛm

¹² Asafo Awurade ahyɛ da bi ama ahomasofo nyinaa ne nea ɛma ne ho so nyinaa (wɔbɛbrɛ wɔn ase),

Asante Twi Nkwa Asɛm

¹² Asafo Awurade ahyɛ da bi ama ahomasofoɔ nyinaa ne deɛ ɛma ne ho so nyinaa (wɔbɛbrɛ wɔn ase),

KYERƐW KRONKRON

¹² Na asafo AWURADE da bi wɔ hɔ a ɛbɛba atia nea ɛkorɔn na ɛyɛ sorɔnsorɔn nyinaa, ne nea wɔama so nyinaa so,

Yesaia 2:12 Iomraidhean Croise

2 Samuel 22:28

Na ɔman a wɔbrɛ wɔn ho aseɛ no, wogye wɔn, na w’ani sa ahantanfoɔ na woabrɛ wɔn ase.

Hiob 24:1

Adɛn nti na Otumfoɔ nhyɛ berɛ ntua abɔnefoɔ ka, na wɔn a wɔni no no nhunu saa berɛ no?

Nnwom 131:1

AWURADE, m’akoma nyɛ dwaeɛ, na m’ani ntra ne ntɔn, na menyɛ apɔmpɔmpɛ, na menhwehwɛ anwanwadeɛ a ɛkyɛne me.

Nnwom 18:28

Na wo na woma me kanea derɛ, AWURADE me Nyankopɔn te me sum mu.

Nnwom 37:13

AWURADE sere no, ɛfiri sɛ wahunu sɛ ne da reba.

Nnwom 94:2

Asase temmufoɔ, ma wo ho so, tua ahokyerɛfoɔ ka.

Mmebusɛm 16:5

Obiara a ɔyɛ akoma mu dwɛɛ yɛ AWURADE akyiwadeɛ, ampa ara, ne ho renyɛ tɔtorɔtɔɔ.

Yesaia 10:12

Na ɛbɛba sɛ, sɛ AWURADE nya yɛ n’adeɛ a ɔbɛyɛ Sion bepɔ so ne Yerusalem wie a, mɛba mabɛtua Asiriahene akomapirim ne n’ani a atra ne ntɔn no so ka.

Yesaia 10:33

Hwɛ, AWURADE, asafo AWURADE, de tumi a ɛyɛ hu resua dua mman kusuu so, na nnutan a ɛwowareɛ no, wɔbɛtwa agu, na deɛ ɛkorɔn no abrɛ ase;

Yesaia 13:11

Na mɛba mabɛtwe wiase aso wɔ ne bɔne ho, ne abɔnefoɔ aso wɔ wɔn amumuyɛ ho, na mama ahantanfoɔ ahomasoɔ no to atwa, na ahokyerɛfoɔ ahokyerɛ abrɛ ase;

Yesaia 13:6

Montwa adwo, na AWURADE da no abɛn; ɛreba sɛ ɔsɛeɛ a ɛfiri Otumfoɔ no.

Yesaia 13:9

Hwɛ, AWURADE da no reba, atirimuɔden ne anibereɛ ne abufuhyeɛ so, sɛ ɔrebɛdane asase afo, na wasɛe ɛso nnebɔneyɛfoɔ afiri so.

Yesaia 14:15

Mmom Asamando na woresiane akɔ akɔduru Amena no ase tɔnn.

Yesaia 23:9

Asafo AWURADE abɔ ne tirim, sɛ ɔbɛgu ahantan nyinaa animuonyam ho fi, na wahura asase so animuonyamfoɔ nyinaa ho.

Yesaia 24:21

Ɛbɛba sɛ ɛda no, AWURADE bɛtwe soro dɔm aso wɔ ɔsoro, ne fam ahemfo wɔ ɛfam.

Yesaia 24:4

Asase aboto na akusa, wiase anyam na akusa, ɔsoro ne asase bom boto.

Yesaia 40:23

ɔno na ɔma aberempɔn yɛ sɛdeɛ wɔnyɛ hwee, ɔdane asase so atemmufoɔ sɛ ahuhudeɛ.

Yesaia 42:15

Mɛma mmepɔ ne nkokoɔ atwintwam, na mama ɛso nhahan nyinaa adwinnwan; na madane nsubɔntene nsupɔ, na mawe ntadeɛ nyinaa.

Yesaia 5:15

Na wɔabrɛ nnipa ase, na wɔde mmarima ahwe fam, na wɔabrɛ ahantanfoɔ aniwa ase;

Yesaia 61:2

na mempae AWURADE anisɔ afe ne yɛn Nyankopɔn aweretɔ da no, menkyekyere abooboodifoɔ nyinaa werɛ,

Yeremia 12:9

M’agyapadeɛ adane me ɔkɔdeɛ a ɔda nso? Akɔdeɛ atwa ho ahyia? Monkɔ nkɔboaboa wiram mmoadoma nyinaa ano mmra, na wɔmmɛdidi.

Yeremia 13:9

Sɛ AWURADE seɛ nie: Saa ara na mɛsɛe Yuda ahantan ne Yerusalem ahantan bebrebe no.

Yeremia 30:7

Buei! Ɛda no so a ebi renyɛ sɛ ɛno, na ɛyɛ ahohiahia berɛ ma Yakob. Nanso wɔbɛfiri emu hɔ ara agye no nkwa.

Yeremia 46:10

Ɛda no yɛ asafo AWURADE Nyankopɔn deɛ, aweretɔ da a ɔbɛtɔ n’atamfo so were. Na afena bɛdidi amee, na wɔn mogya ama no abo, na AWURADE, asafo AWURADE wɔ okum afɔdeɛ, atifi fam asase so, Asuo Eufrate ho.

Yeremia 50:31

Ɔhantanni, hwɛ, me ne wo na anya, asafo AWURADE Nyankopɔn asɛm nie, ɛfiri sɛ wo da, w’asotweberɛ adu.

Hesekiel 13:5

Momforo nkɔgyinaa ntokuro no mu, na monnyee Israel fie ho ban, sɛ mobɛgyina akono, AWURADE da no.

Daniel 4:37

Afei me, Nebukadnessar, mekamfo ɔsoro hene mema no so meyi no ayɛ, sɛ ne nneyɛɛ nyinaa yɛ nokorɛ, na n’akwan yɛ atɛntenenee, na wɔn a wɔnam ahantan soɔ no, ɔtumi brɛ wɔn ase.

Amos 5:18

Wɔnnue, wɔn a wɔfe AWURADE da no! AWURADE da yi bɛyɛ mo dɛn? Ɛyɛ esum, na ɛnyɛ hann.

Mika 2:3

Enti sɛ AWURADE seɛ nie: Hwɛ, meredwene abusua yi ho asɛmmɔne bi a morentumi nyiyi mo kɔn mfiri mu, na morenyi akyea ahantan so nso, na ɛbɛyɛ berɛ bɔne.

Mika 5:11

na matwitwa w’asase so nkuro, na madwiri w’abandenden nyinaa;

Sefania 1:16

totorobɛnto ne osebɔ da a ɛreba afasuo mu nkuro ne aban atentene ano sorɔnsorɔn soɔ.

Sefania 3:11

Ɛda no mɛyi w’animguaseɛ nneyɛɛ a wode too me mmara no nyinaa afiri hɔ, na mɛyi wɔn a wɔdi ahantan mu ahurisie no afiri wo mu, na worenkɔ so nkyerɛ wo ho, me bepɔ kronkron no so.

Malaki 4:1

Na hwɛ, ɛda no reba a ɛbɛhye sɛ fononoo, na ahantanfoɔ nyinaa ne obiara a ɔdi abɔnefosɛm bɛyɛ nkyɛnkyɛmma, na ɛda a ɛreba no bɛhye wɔn, asafo AWURADE na ɔseɛ, na ɛrennya wɔn nhini anaa duban.

Malaki 4:5

Hwɛ, meresoma Odiyifoɔ Elia mabrɛ mo, ansa na AWURADE da kɛseɛ a ɛyɛ hu no aba.

Mateo 23:12

Na obiara a ɔbɛma ne ho soɔ no, wɔbɛbrɛ no ase; na obiara a ɔbɛbrɛ ne ho ase no, wɔbɛma no so.

Luka 14:11

Na obiara a ɔma ne ho soɔ no, wɔbɛbrɛ no ase; na deɛ ɔbrɛ ne ho aseɛ no, wɔbɛma no so.

1 Korintofo 5:5

momfa onii no nhyɛ Satan nsa, na honam no nsɛe, na ebia wɔagye honhom no nkwa, Awurade da no.

1 Tesalonikafo 5:2

Ɛfiri sɛ mo ara monim yie, sɛ Awurade da no bɛba sɛ owifoɔ ba anadwo.

Yakobo 4:6

Nanso ɔma adom bebree mmom. Enti na atwerɛ no se: Onyankopɔn si ahantanfoɔ kwan, na ɔdom ahobrɛasefoɔ.