Yesaia 13:6 - New Revised Asante Twi Bible

⁶ Montwa adwo, na AWURADE da no abɛn; ɛreba sɛ ɔsɛeɛ a ɛfiri Otumfoɔ no.

Twerɛ Kronkron

⁶ Montwa adwo, na AWURADE da no abɛn; ɛreba sɛ ɔsɛeɛ a ɛfiri Otumfoɔ no.

Akuapem Twi Nkwa Asɛm

⁶ Twa adwo, na Awurade da no abɛn; ɛbɛba te sɛ ɔsɛe a efi Otumfo no.

Asante Twi Nkwa Asɛm

⁶ Twa adwo, na Awurade da no abɛn; ɛbɛba te sɛ ɔsɛeɛ a ɛfiri Otumfoɔ no.

KYERƐW KRONKRON

⁶ Munsu na AWURADE da no abɛn; ɛreba sɛ ɔsɛe a efi Otumfo no.

Yesaia 13:6 Iomraidhean Croise

Hiob 31:23

Ɛfiri sɛ mmusuo a ɛfiri Onyankopɔn yii me hu, na ne kɛseyɛ nti mantumi manyɛ hwee.

Yesaia 10:25

nanso aka kakra bi na abufuhyeɛ no to atwa, na m’abufuo adane akɔdwerɛ wɔn.

Yesaia 10:3

Na mobɛyɛ dɛn asotwe da no ne ɔsɛeɛ a ɛfiri akyirikyiri reba no mu? Hwan nkyɛn na mobɛdwane akɔgye mmoa, na ɛhe na mobɛgya mo ahodeɛ no?

Yesaia 13:9

Hwɛ, AWURADE da no reba, atirimuɔden ne anibereɛ ne abufuhyeɛ so, sɛ ɔrebɛdane asase afo, na wasɛe ɛso nnebɔneyɛfoɔ afiri so.

Yesaia 14:23

Na mede no bɛyɛ mpɛsɛ agyapadeɛ ne nsuo atareɛ, na mede ɔsɛeɛ praeɛ mapra no, asafo AWURADE asɛm nie.

Yesaia 14:31

O, Kuro pono, twa adwo; kurokɛseɛ, team ɛ; O wo, Filistia nyinaa, ma w’akoma ntu; ɛfiri sɛ wisie firi atifi fam aba, na n’asafo mu biara nka akyire.

Yesaia 2:12

Na asafo AWURADE da bi wɔ hɔ a ɛbɛba deɛ ɛkorɔn na ɛyɛ sorɔnsorɔn nyinaa ne deɛ wɔama soɔ nyinaa so, na abrɛ ase;

Yesaia 23:1

Tiro ho atemmusɛm. O, mo Tarsis ahyɛn, montwa adwo, ɛfiri sɛ wɔasɛe no a efie nni hɔ bio, obi nkɔ hɔ bio! Ɛfiri Kipro asase so na wɔyi kyerɛ wɔn.

Yesaia 34:2

Na AWURADE abohuro bɛba amanaman nyinaa so, na abufuhyeɛ aba wɔn dɔm nyinaa so, wadome wɔn de wɔn ama okum.

Yesaia 34:8

Na AWURADE wɔ aweretɔ da ne ananmuhyɛ afe a ɔbɛdi ama Sion.

Yesaia 47:11

Na mmusuo bɛto wo a worenhunu yi; na abuo bɛbu wo a worentumi mpata; na mpofirim na ɔsɛeɛ bɛba wo soɔ, worenni no hunkan.

Yesaia 52:5

Na afei, ɛdeɛn na mewɔ meyɛ no ha, AWURADE asɛm nie, na wɔafa me man kwa yi? Wɔn a wɔdi wɔn soɔ no twa adwo, AWURADE asɛm nie, na wɔka me din ho abususɛm daa daa nyinaa.

Yesaia 61:2

na mempae AWURADE anisɔ afe ne yɛn Nyankopɔn aweretɔ da no, menkyekyere abooboodifoɔ nyinaa werɛ,

Yesaia 63:4

Na aweretɔ da bi wɔ m’akoma mu, na me gyeɛ afe no aba.

Yesaia 65:14

hwɛ, me nkoa de akoma pa bɛto ahurisie dwom, na mo deɛ, mode akoma mu yea bɛteam, na mode honhom a abubuo asu yɔɔ.

Yeremia 25:34

Mommɔ abubuo, nnwanhwɛfoɔ, na monsu, na mommunimuni wɔ nso mu, mo nnwankuo mu akunini, na mo kum ne mo hweteɛ nna adu; na mobɛwuwu sɛ nnwanini a wɔn ho yɛ akɔnnɔ;

Yeremia 49:3

Hesbon, twa agyaadwoɔ, na wɔasɛe Ai. Raba mmammaa, monteam, momfira ayitoma ntwa adwo, na monkyinkyini afasuo no ntam, na Malkam rekɔ tukorɔ mu, n’asɔfoɔ ne ne mmapɔmma bɔ mu kɔ.

Yeremia 51:8

Mpofirim na Babel ahwe aseɛ na wɔabubu no. Montwa ne ho agyaadwo, momfa ne yea ano aduro mmra, ebia wɔsa a, ɛbɛyɛ yie.

Hesekiel 13:5

Momforo nkɔgyinaa ntokuro no mu, na monnyee Israel fie ho ban, sɛ mobɛgyina akono, AWURADE da no.

Hesekiel 21:12

Onipa ba, su na twa adwo, sɛ ɛno bɛba me man so, ɛno bɛba Israel aberempɔn nyinaa so; wɔde wɔn ne me man ato hɔ ama nkrantɛ, enti hwe wo srɛ mu.

Daniel 5:26

Asɛm no nkyerɛaseɛ nie: MENE, Onyankopɔn akan w’ahennie, na ɔde aba awieeɛ;

Daniel 5:9

Ɛnna Ɔhene Belsasar ho yeraa no kɛse, na n’anim danee, na n’aberempɔn no tirim yɛɛ wɔn keserenee.

Yoel 1:11

Akuafoɔ, mo ani nwu, O nturoyɛfoɔ, ayuo ne atokoɔ nti montwa adwo, ɛfiri sɛ mfuo mu aduanetwa asɛe.

Yoel 1:13

Asɔfoɔ, momfira ayitoma na mommɔ bena, afɔrebukyia asomfoɔ, montwa adwo, me Nyankopɔn asomfoɔ, mommra mmɛda ayitoma mu anadwo nyinaa! na aduane ayɛyɛdeɛ ne ahwiesa agyae mo Nyankopɔn fie ba.

Yoel 1:15

Ao, ɛda no! Na AWURADE da no abɛn, na ɛreba sɛ ɔsɛeɛ tumi afiri Otumfoɔ nkyɛn.

Yoel 1:5

Mo nsabofoɔ, monnyane na monsu, na mo nsanomfoɔ nyinaa, montwa adwo, nsamono nti, ɛfiri sɛ wɔatwa afiri mo anomu.

Yoel 2:1

Monhyɛne totorobɛnto wɔ Sion, na mommɔ ose me bepɔ kronkron no so. Ma asase sofoɔ nyinaa ho mpopo, ɛfiri sɛ AWURADE da no redu, na abɛn,

Yoel 2:11

Na AWURADE ma ne nne so, ne dɔm no anim, na ne nsraban no so sɛ, na deɛ ɔdi n’asɛm soɔ no ho yɛ den. Na AWURADE da no so na ɛyɛ hu sɛ, na hwan na ɔbɛtumi agyina ano?

Yoel 2:31

Owia bɛduru sum, na ɔsrane adane mogya, ansa na AWURADE da kɛseɛ a ɛyɛ hu no aba.

Amos 5:18

Wɔnnue, wɔn a wɔfe AWURADE da no! AWURADE da yi bɛyɛ mo dɛn? Ɛyɛ esum, na ɛnyɛ hann.

Sefania 1:14

AWURADE da kɛseɛ no abɛn, abɛn na ɛrepɛ ntɛm sɛ; AWURADE da no nne yɛ nwono sɛ! ɔdɔmmarima team denden wɔ hɔ.

Sefania 1:7

Monyɛ komm AWURADE Nyankopɔn anim, na AWURADE da no abɛn, na AWURADE asiesie okum afɔdeɛ, wadwira wɔn a wafrɛ wɔn no.

Sakaria 14:1

Hwɛ, ɛda bi reba ama AWURADE akyɛ w’asadeɛ wɔ wo mu.

Malaki 4:5

Hwɛ, meresoma Odiyifoɔ Elia mabrɛ mo, ansa na AWURADE da kɛseɛ a ɛyɛ hu no aba.

Yakobo 5:1

Na afei, mo adefoɔ e, mo amanehunu a ɛreba mo soɔ nti, monsu na mommɔ bena!

Adiyisɛm 18:10

N’aninyanneɛ no suro nti wɔbɛgyinagyina akyiri aka sɛ: Due, due, kuro kɛseɛ Babel, kuro a ɛyɛ den, ɛfiri sɛ dɔnhwereɛ baako mu na w’atemmuo aba.