Yakobo 2:6 - New Revised Asante Twi Bible

⁶ Na mo deɛ, moabu ohiani no animtia. Ɛnyɛ adefoɔ no na wɔhyɛ mo soɔ, na wɔn ara twe mo kɔ asɛnniiɛ anaa?

Twerɛ Kronkron

⁶ Na mo deɛ, moabu ohiani no animtia. Ɛnyɛ adefoɔ no na wɔhyɛ mo soɔ, na wɔn ara twe mo kɔ asɛnniiɛ anaa?

Akuapem Twi Nkwa Asɛm

⁶ Nanso moammu ahiafo! Ɛhefo na wodi mo nya twe mo kɔ atemmufo anim? Adefo!

Asante Twi Nkwa Asɛm

⁶ Nanso, moammu ahiafoɔ! Ɛhefoɔ na wɔdi mo nya twe mo kɔ atemmufoɔ anim? Adefoɔ!

KYERƐW KRONKRON

⁶ Na mo de, moabu ohiani no animtiaa. So ɛnyɛ adefo no na wɔhyɛ mo so, na wɔn ara twe mo kɔ asɛnnii?

Yakobo 2:6 Iomraidhean Croise

Hiob 20:19

Ɛfiri sɛ wapɛkyɛ mmɔborɔfoɔ apo wɔn, na wafa efie a ɛnyɛ ɔno na ɔsiiɛ.

Nnwom 10:10

Ɔkoto, ɔdɛɛdɛɛ, na awiɛmfoɔ akɔka ne nsa.

Nnwom 10:14

Wohunu, ɛfiri sɛ wo na wohwɛ ɔhaw ne awerɛhoɔ, sɛ wode bɛsie wo nsam. Wo nsa na ɔbrɛfoɔ de hyɛ, awisiaa boafoɔ ne wo ara.

Nnwom 10:2

Ɔbɔnefoɔ ahantan nti ɛmma mmɔborɔni ho hyehye no, wɔde wɔn atirimpɔ a wɔabɔ no kye wɔn.

Nnwom 10:8

Ɔtetɛ nsumaeɛ mu, ɔdi deɛ ɔnyɛɛ hwee no awu kokoam, ɔwɔ awiɛmfoɔ ho ani.

Nnwom 12:5

Mmɔborɔfoɔ so hyɛ ne ahiafoɔ apinisie nti mɛsɔre afei, sɛ AWURADE seɛ ni, mɛgye deɛ ɔgu ahome repɛ nkwagyeɛ no nkwa.

Nnwom 14:6

Mobɛhwete mmɔborɔni atirimpɔ mu ara, nanso AWURADE ne ne dwanekɔbea.

Mmebusɛm 14:31

Deɛ ɔhyɛ mmɔborɔni soɔ no gu ne yɛfoɔ anim ase, na deɛ ɔhunu ohiani mmɔbɔ no, ɔhyɛ no animuonyam.

Mmebusɛm 17:5

Deɛ ɔyi ohiani ahi gu ne yɛfoɔ anim ase, deɛ n’ani gye amaneɛ ho no, ne ho renyɛ tɔtorɔtɔɔ.

Mmebusɛm 18:23

Kyɛwpa na ohiani de kasa, na ɔdefoɔ bua asɛmdenden.

Mmebusɛm 22:16

Deɛ ɔhyɛ mmɔborɔni soɔ de dɔre n’adeɛ, anaa ɔde n’adeɛ ma ɔdefoɔ no, hia na ɛbɛhia no.

Mmebusɛm 22:7

Ɔdefoɔ di ahiafoɔ so, na ɔdefɛmni yɛ deɛ ɔde fɛm akoa.

Ɔsɛnkafo 5:8

Na sɛ wohunu mmɔborɔni sɛ wɔhyɛ ne soɔ, ne atemmuo, ne tenenee anidane wɔ asase bi so a, mma wo ho nnnwiri wo saa asɛm no ho, na deɛ ɔso no, deɛ ɔso sene no hwɛ no so, na deɛ ɔso koraa no hwɛ wɔn so.

Yesaia 53:3

Wɔbuu no animtia, na nnipa poo no, ɔyɛ onipa a ɔhunuu ayayadeɛ na ɔnim yadeɛ, na wɔbuu no animtia sɛ obi a nnipa yi wɔn ani hunta no, na yɛammu no hwee.

Amos 4:1

Montie asɛm yi, Basan anantwibereɛ a mowɔ Samaria bepɔ soɔ, mo a monyema mmɔborɔfoɔ na mohyɛ ahiafoɔ soɔ, na moka kyerɛ mo wuranom sɛ: Fa bra na yɛnnom no.

Amos 5:11

Enti ɛnam sɛ motiatia mmɔborɔni soɔ na mogye ne hɔ ayuo nti, mode aboɔ a wɔatwa atoto aban, nanso morentena mu, moatɛ bobe nturo a ɛyɛ fɛ, nanso morennom mu nsa.

Habakuk 3:14

Wode mpɛmɛ hwire n’akofoɔ tirim, wɔtu sɛ ahum ba sɛ wɔrebɛbɔ me apete, wɔn anigyeɛ ne sɛ wɔbɛmene mmɔborɔni ahuntaeɛ mu.

Sakaria 7:10

Na monnhyɛ okunafoɔ ne awisiaa, ɔhɔhoɔ ne ɔmanehunufoɔ so, na obiara nnnwene ne nua ho bɔne n’akomam.

Yohane 8:49

Yesu buaa sɛ: Me deɛ, menni honhommɔne; na medi m’Agya no ni, na mo deɛ, mohyɛ me ahohora.

Asomafo 13:50

Na Yudafoɔ no hwanyann mmaa nyamesurofoɔ a wɔwɔ din ne kuro no mu atitire, na wɔmaa ɔtaa baa Paulo ne Barnaba so, na wɔpamm wɔn firii wɔn asase so.

Asomafo 17:6

Na wɔanhu wɔn no, wɔtwee Yason ne anuanom no bi kɔmaa kuro no mu mpanimfoɔ, na wɔteateaa mu sɛ: Yeinom a wɔadane wiase ani abutuo no aba ha nso!

Asomafo 18:12

Na Galio di Akaia amrado no, Yudafoɔ no de anokorɔ sɔre tiaa Paulo, na wɔde no kɔɔ asɛnnie adwa anim

Asomafo 8:3

Na Saulo deɛ, ɔhaa asafo no, hyɛnehyɛnee afie mu, kɔtwee mmarima ne mmaa, na ɔde wɔn kɔguu afiase.

1 Korintofo 11:22

Na monni afie a modidi na monom wɔ mu anaa? Anaasɛ animtia na mobu Nyankopɔn asafo no na mogu wɔn a wɔnni bie no anim aseɛ? Mense mo sɛn? Menyi mo ayɛ anaa? Yei ho deɛ, menyi mo ayɛ.

Yakobo 2:3

na mohwɛ deɛ ɔhyɛ atadeɛ fɛfɛ no, na moka sɛ: Wo deɛ, tena deɛ ɛyɛ ha! na moka kyerɛ ohiani no sɛ: Wo deɛ, gyina nohoa anaasɛ tena me nan ase adwa ho ha! a,

Yakobo 5:4

Hwɛ, adwumayɛfoɔ a wɔtutuu mo mfuo mu nnuane no akatua a mode nsisie de sieeɛ no team, na wɔn a wɔatwitwa mo mfuo mu adeɛ no nteamu aduru asafo Awurade no aso mu.

Yakobo 5:6

Moabu deɛ ɔtene no fɔ akum no; ɔnsi mo kwan.