Sakaria 9:12 - New Revised Asante Twi Bible

¹² Monsane mmra aban a ɛyɛ den no mu, mo nneduafoɔ a mowɔ anidasoɔ. Ɛnnɛ yi mpo mereka makyerɛ wo sɛ mmɔho na mede mahyɛ w’ananmu.

Twerɛ Kronkron

¹² Monsane mmra aban a ɛyɛ den no mu, mo nneduafoɔ a mowɔ anidasoɔ. Ɛnnɛ yi mpo mereka makyerɛ wo sɛ mmɔho na mede mahyɛ w’ananmu.

Akuapem Twi Nkwa Asɛm

¹² Monsan nkɔ mʼaban mu, nneduafo a mowɔ anidaso; mprempren mpo merebɔ mo nkae sɛ mɛhyɛ mo anan mu mmɔho.

Asante Twi Nkwa Asɛm

¹² Monsane nkɔ mʼaban mu, Ao nneduafoɔ a mowɔ anidasoɔ; seesei mpo merebɔ mo nkaeɛ sɛ mɛhyɛ mo anan mu mmɔho.

KYERƐW KRONKRON

¹² Monsan mmra aban a ɛyɛ den no mu, mo nneduafo a mowɔ anidaso. Ɛnnɛ yi po mereka makyerɛ mo sɛ: Mmɔho na mede mahyɛ mo ananmu.

Sakaria 9:12 Iomraidhean Croise

Hiob 42:10

Na Hiob bɔɔ ne nnamfo no tiri so mpaeɛ no, AWURADE danee ne duamda no na AWURADE de adeɛ a Hiob nyaeɛ no nyinaa mmɔho mmienu maa no.

Yesaia 24:22

Wɔbɛboaboa wɔn ano sɛdeɛ wɔboaboa nneduafoɔ ano hyɛ amena mu, na wɔato wɔn mu, nneduadan mu, na nna bebree akyi no, wɔatwe wɔn aso.

Yesaia 38:18

Na Asamando rentumi nna wo ase, na owuo rentumi nkamfo wo. Wɔn a wɔsiane kɔ Amena mu no ntwɛn wo nokorɛ;

Yesaia 40:2

Monka abodwosɛm nkyerɛ Yerusalem, na mommɔ no kaseɛ sɛ n’akodie asa, sɛ wɔde ne mfomsoɔ akyɛ, sɛ ne bɔne nyinaa ho wanya AWURADE nsam mmɔho.

Yesaia 49:9

na ka kyerɛ nneduafoɔ sɛ: Momfiri adi! ne wɔn a wɔwɔ sum mu no sɛ: Mompue! Akwan so na wɔbɛdidie, na mpampa pataa nyinaa so bɛyɛ wɔn adidibea;

Yesaia 52:2

Yerusalem, sɔre porepore wo ho mfuturo gu! O Yerusalem a wɔafa wo dommum; Sion babaa a wɔafa wo dommum, sanesane wo kɔn mu nkyehoma!

Yesaia 61:7

Mo aniwuo no ananmu mobɛnya mmɔho, na ahohora ananmu mobɛdi mo kyɛfa ho ahurisie; ɛno nti mobɛnya mmɔho, mo asase so, daa anigyeɛ bɛyɛ mo dea.

Yeremia 14:8

O Israel anidasoɔ, wo a wogye wɔn ohia berɛ mu, ɛdeɛn nti na woyɛ sɛ asase yi so hɔhoɔ, sɛ ɔkwantenni a ɔsoɛ anadwo?

Yeremia 16:19

O AWURADE, m’ahoɔden ne m’aban denden, me dwanekɔbea ahohiahia da mu, wo nkyɛn na amanaman bɛfiri asase anoano aba abɛka sɛ: Atorɔ nko ne yɛn agyanom awunnyadeɛ no, ahuhudeɛ a mfasoɔ nni mu.

Yeremia 17:13

AWURADE, Israel anidasoɔ, wɔn a wɔgya woɔ nyinaa ani bɛwuwu; wɔn a wɔsane firi m’akyire no, wɔbɛtwerɛ wɔn din, asase so, ɛfiri sɛ wɔagya nkwa asutire AWURADE.

Yeremia 31:17

na anidasoɔ wɔ hɔ ma wo daakye, AWURADE asɛm nie, wo mma bɛsane aba wɔn asase so bio.

Yeremia 31:6

Na ɛda bi wɔ hɔ a awɛmfoɔ bɛteam wɔ Efraim kuro bepɔ so sɛ: Monsɔre mma yɛmforo nkɔ Sion, AWURADE yɛn Nyankopɔn nkyɛn.

Yeremia 50:28

Wɔte adwanefoɔ ne wɔn a wɔafiri mu afiri Babel asase soɔ nne, na wɔbɛka AWURADE yɛn Nyankopɔn aweretɔ, n’asɔrefie ho aweretɔ wɔ Sion hɔ.

Yeremia 51:10

AWURADE ayi yɛn tenenee adi; mommra mma yɛmmɛka AWURADE yɛn Nyankopɔn nneyɛe wɔ Sion.

Hesekiel 37:11

Ɛnna ɔka kyerɛɛ me sɛ: Onipa ba, nnompe yi yɛ Israel fie no nyinaa. Hwɛ, wɔka sɛ: Yɛn nnompe ho akokwa, na yɛn anidasoɔ ayera; wɔatwa yɛn korakora!

Hosea 2:15

na mafiri hɔ mama no ne bobe nturo, na Akor bonhwa no, mayɛ no anidasoɔ pono, na ɔbɛgye so wɔ hɔ sɛ ne mmabaaberɛ mu ne ɛda a ɔfiri Misraim asase so foro baeɛ no.

Yoel 3:16

Na AWURADE firi Sion bobom na ɔfiri Yerusalem ma ne nne so, na ɔsoro ne asase wosowoso; nanso AWURADE yɛ dwanekɔbea ma ne man, ne aban a ɛyɛ den ma Israel mma.

Mika 4:8

Na wo, Sion babaa kokoɔ, woayɛ nnwanhwɛfoɔ abantenten, na wo hɔ na akane tumidie no bɛba abɛduro, Yerusalem babaa ahennie no.

Nahum 1:7

AWURADE yɛ, ɔyɛ dwanekɔbea hiada mu, na ɔnim wɔn a wɔdwane kɔtoa no.

Hebrifo 6:18

na yɛafa nnoɔma mmienu a ɛnsakyera, a ɛkyerɛ sɛ Onyankopɔn nni atorɔ wɔ biribiara mu no so anya awerɛhyɛmu a emu yɛ den, na yɛn a yɛadwane repɛ hintabea no bɛsɔ anidasoɔ a ɛda yɛn anim no mu.

Hebrifo 6:19

Ɛno na yɛwɔ sɛ ɔkra sɛkyɛ a ɛnteɛ, na ɛtim hɔ a ɛhyɛne mu de kɔsi ntwamutam no mu,