Nnwom 5:10 - New Revised Asante Twi Bible

¹⁰ Onyankopɔn, bu wɔn fɔ, ma wɔmpɔn mfiri wɔn agyinatuo ho. Wɔn mmarato bebrebe nti sum wɔn gu, na wɔasɔre atia wo.

Twerɛ Kronkron

¹⁰ Onyankopɔn, bu wɔn fɔ, ma wɔmpɔn mfiri wɔn agyinatuo ho. Wɔn mmarato bebrebe nti sum wɔn gu, na wɔasɔre atia wo.

Akuapem Twi Nkwa Asɛm

¹⁰ Onyankopɔn, bu wɔn fɔ! Ma wɔn pɔw bɔne nyɛ wɔn asehwe. Pam wɔn; esiane wɔn bɔne dodow no nti, efisɛ wɔasɔre atia wo.

Asante Twi Nkwa Asɛm

¹⁰ Ao, Onyankopɔn, bu wɔn fɔ! Ma wɔn pɔ bɔne nyɛ wɔn ahweaseɛ. Pam wɔn ɛsiane wɔn bɔne dodoɔ no enti, ɛfiri sɛ wɔasɔre atia wo.

KYERƐW KRONKRON

¹⁰ Onyankopɔn, bu wɔn fɔ, ma wɔmpɔn mfi wɔn agyinatu ho. Wɔn mmarato bebrebe nti sum wɔn gu, efisɛ wɔasɔre atia wo.

Nnwom 5:10 Iomraidhean Croise

2 Samuel 15:31

Na obi ka kyerɛɛ Dawid sɛ: Ahitofel fra wɔn a wɔne Absalom apam no mu. Na Dawid bɔɔ mpaeɛ sɛ: AWURADE, mesrɛ wo, ma Ahitofel agyinatuo nnane nkwaseasɛm.

2 Samuel 17:14

Ɛnna Absalom ne Israel mmarima nyinaa kaa sɛ: Arkini Husai afotuo no yɛ sene Ahitofel deɛ no. Na AWURADE na ahyɛ sɛ wɔmma Ahitofel afotu pa no nyɛ ɔkwa, na AWURADE de bɔne aba Absalom so.

2 Samuel 17:23

Na Ahitofel hunuu sɛ wɔanni n’afotuo soɔ no, ɔhyehyɛɛ n’afunumu, na ɔsɔre kɔɔ ne fie, wɔ ne kurom. Na ɔtotoo ne fie wieeɛ no, ɔkɔsɛnee ne mene wuiɛ, na wɔsiee no n’agya da mu.

2 Berɛsosɛm 25:16

Na ɔrekasa akyerɛ no no, ɔhene ka kyerɛɛ no sɛ: Wɔahyɛ wo ɔhene fotufoɔ? Gyae! Adɛn nti na wɔnku woɔ? Na odiyifoɔ no gyaee, na ɔkaa sɛ: Mahunu sɛ AWURADE abɔ ne tirim sɛ ɔbɛsɛe wo, ɛfiri sɛ woayɛ yei, na woantie m’afotuo no.

Ester 7:10

Na wɔsɛnee Haman dua a wasiesie ama Mordekai no so. Na ɔhene abufuo ano dwoe.

Nnwom 10:15

Bubu abɔnefoɔ basa, na di obusuyɛfoɔ bɔne akyi kɔsi sɛ worenhunu bio.

Nnwom 107:11

ɛfiri sɛ wɔtee Nyankopɔn nsɛm ho atua, na wɔbuu ɔsorosoroni no agyina animtia,

Nnwom 17:13

Ao, AWURADE, sɔre bɛsianka wɔn na brɛ wɔn ase, fa w’afena gye me kra firi abɔnefoɔ nsam.

Nnwom 31:18

Ma atorofoɔ ano mmua, wɔn a wɔka ɔteneneeni ho nsɛm a ɛyɛ den ahokyerɛ ne aniammɔho mu no.

Nnwom 35:26

Wɔn a wɔn ani gye m’amanehunu ho nyinaa, ma wɔn ani nwu na wɔn anim ngu ase. Wɔn a wɔdi me so akokurokosɛm no, ma aniwuo ne ahohora nsi wɔn aduradeɛ!

Nnwom 55:15

Ma owuo nto nsi wɔn so, ma wɔnsiane nkɔ Asamando anikan, na nsɛmmmɔne wɔ wɔn tenabea ne wɔn mu.

Nnwom 66:7

Deɛ ɔde ne tumi di hene daa no, ɔwɔ amanaman ho ani. Mma mansotwefoɔ mmma wɔn ho so.

Nnwom 71:13

Me kra ho asɛmpɛfoɔ ani bɛwu na wɔayera, ahohora ne nsopa bɛkata wɔn a wɔpɛ me bɔne so.

Nnwom 79:12

Na ahohora a wɔn a wɔtete yɛn ho de abɔ wo, AWURADE, no, dane no mprɛnson gu wɔn kokom.

Yesaia 1:2

O ɔsoro, montie, O asase, yɛ aso, na AWURADE akasa: Mayɛne mma ama wɔanyini, na mama wɔn so, na wɔn deɛ, wɔabɔ me so ko.

Yesaia 1:20

na sɛ moampene na mote atua a, afena bɛsɛe mo; na AWURADE ano na aka.

Yesaia 63:10

Na wɔn deɛ, wɔtee atua na wɔhyɛɛ ne Honhom kronkron no yea, enti ɔdanee wɔn ɔtamfoɔ, na ɔno ara ne wɔn dii ako.

Kwadwom 1:5

N’ahohiahiafoɔ ayɛ akannifoɔ, n’atamfo di yie; na ne mmarato dodoɔ nti AWURADE ahyɛ no awerɛhoɔ. Ne mmotafowa adi ɔtamfoɔ anim kɔ nnommumfa mu.

Daniel 9:5

yɛayɛ bɔne, na yɛafom, yɛadi abɔnefosɛm, na yɛate atua, yɛafiri wo mmara nsɛm ne w’atemmudeɛ ho kɔ.

Daniel 9:9

AWURADE yɛn Nyankopɔn na mmɔborɔhunu ne fakyɛ wɔ no, na yɛate n’anim atua,

Hosea 9:7

Asotwe nna no anya aba, aweretɔ nna no anya adu; Israel bɛhunu sɛ odiyifoɔ no yɛ ogyimifoɔ, na honhom nipa no yɛ ɔbɔdamfoɔ, amumuyɛ dodoɔ ne ɔtane a ɛso pii no nti.

1 Korintofo 3:19

Na wiase nyansa yɛ nkwaseasɛm wɔ Nyankopɔn anim; ɛfiri sɛ wɔatwerɛ sɛ: Ɔkyere anyansafoɔ wɔn aniteɛ mu.

5 Mose 2:30

Na Hesbonhene Sihon amma yɛamfa ne nkyɛn antwam, ɛfiri sɛ AWURADE wo Nyankopɔn maa no asoɔden honhom na ɔpirim n’akoma, na ɔde no ahyɛ wo nsa sɛdeɛ ɛteɛ nnɛ da yi.

1 Samuel 25:29

Na sɛ onipa asɔre reti wo na wahwehwɛ wo aku wo a, ɛnneɛ wɔnkyekyere me wura kra, nkwa boaa mu, AWURADE wo Nyankopɔn nkyɛn, na w’atamfo kra deɛ, wɔnto no sɛ adeɛ a ɛfiri ntɔmmoɔ mu.

1 Samuel 25:39

Na Dawid tee sɛ Nabal awuo no, ɔkaa sɛ: Nhyira nka AWURADE a watɔ Nabal nsopa so were ama me na wasɔ n’akoa mu afiri bɔne ho, na AWURADE adane Nabal bɔne agu n’atifi! Na Dawid soma maa wɔne Abigail kɔkasaa sɛ ɔbɛfa no aware.