Nnwom 26:1 - New Revised Asante Twi Bible

¹ AWURADE, bu me bem, na me pɛyɛ mu na mebɔɔ me bra, na mede me ho metoo AWURADE soɔ, manwatiri.

Twerɛ Kronkron

¹ AWURADE, bu me bem, na me pɛyɛ mu na mebɔɔ me bra, na mede me ho metoo AWURADE soɔ, manwatiri.

Akuapem Twi Nkwa Asɛm

¹ Bu me bem, Awurade, efisɛ, mabɔ bra a asɛm nni ho: mede me ho too Awurade so na manhinhim.

Asante Twi Nkwa Asɛm

¹ Bu me bem, Ao Awurade, ɛfiri sɛ, mabɔ bra a asɛm nni ho: mede me ho too Awurade so na manhinhim.

KYERƐW KRONKRON

¹ AWURADE, bu me bem, na me pɛyɛ mu na mebɔɔ me bra, na mede me ho metoo AWURADE so, manwatiri.

Nnwom 26:1 Iomraidhean Croise

2 Ahene 20:3

Ao, AWURADE, kae sɛdeɛ manante w’anim nokorɛ ne akoma a ɛyɛ pɛ mu, na mayɛ deɛ ɛyɛ wɔ w’ani soɔ. Na Hesekia suu esu kɛseɛ.

Hiob 2:3

Na AWURADE ka kyerɛɛ Satan sɛ: Woadwene m’akoa Hiob ho? Na obiara nni hɔ a ɔte sɛ ɔno asase so, ɔbarima a ɔdi mu na ɔtene, ɔsuro Onyankopɔn, na ɔyi ne ho firi bɔne ho; nanso ɔda so kura ne mudie no mu ara, na wo Satan woahwanyan me atia no sɛ mensɛe no kwa.

Hiob 4:6

Ɛnyɛ wo Nyamesuro ne deɛ wode wo ho to soɔ, na w’akwan a ɛtene ne w’anidasoɔ anaa?

Nnwom 121:3

Ɔremma wo nan nwatiri, deɛ ɔhwɛ woɔ no rentɔ nko.

Nnwom 15:2

Deɛ ɔnante pɛpɛɛpɛ na ɔdi asɛntenenee, na ɔka n’akomam nokorɛ.

Nnwom 21:7

Ɛfiri sɛ ɔhene ani da AWURADE so, na deɛ ɔwɔ sorosoro adɔeɛ nti ɔrenhinhim.

Nnwom 25:2

Me Nyankopɔn, wo so na mede me ho matoɔ, mma m’ani nnwu, mma m’atamfoɔ ho nnsɛpɛ wɔn, me nti.

Nnwom 25:21

Ma pɛyɛ ne teeyɛ nhwɛ me so, ɛfiri sɛ m’ani da wo so.

Nnwom 26:11

Na me deɛ, pɛyɛ mu na mebɔ me bra: Gye me, na hu me mmɔbɔ.

Nnwom 28:7

AWURADE ne m’ahoɔden ne me kyɛm. Mede m’akoma mato ne so, na waboa me, enti m’akoma ho asane no, na mede me dwom meda no ase.

Nnwom 31:14

Na me deɛ, wo, AWURADE, so na mede me ho matoɔ. Mese: Wone me Nyankopɔn.

Nnwom 35:24

AWURADE, me Nyankopɔn, fa wo tenenee so bɛbu me atɛn, na mma wɔn ani nnnye me ho!

Nnwom 37:31

ne Nyankopɔn mmara wɔ n’akomam, na ne nan nwatiri.

Nnwom 4:5

Mommɔ tenenee afɔdeɛ, na momfa mo ho ntwere AWURADE.

Nnwom 43:1

O Onyankopɔn, bu me bem, na wo ne ɔman a ɛnyɛ no nni asɛm mma me. Gye me firi nkontomponi ne omimfoɔ nsam.

Nnwom 54:1

Onyankopɔn, fa wo din so gye me, na fa wo tumi di m’asɛm ma me.

Nnwom 62:2

Ampa ara, ɔne me botan ne me nkwagyeɛ, m’abankɛseɛ, merenhinhim bebree bi.

Nnwom 62:6

Ampa ara, ɔne me botan ne me nkwagyeɛ, m’abankɛseɛ, merenhinhim.

Nnwom 7:8

AWURADE bɛbu aman atɛn; AWURADE di m’asɛm sɛdeɛ me tenenee ne bem a ɛwɔ me mu teɛ.

Nnwom 94:18

Sɛ mese me nan rewatiri a, wo, AWURADE, w’adɔeɛ na ɛwowa me.

Mmebusɛm 20:7

Ɔteneneeni a ɔnam ne pɛyɛ mu, wɔbɛhyira ne mma wɔ n’akyi.

Mmebusɛm 29:25

Onipa ho suro sum fidie, na deɛ ɔde ne ho to AWURADE soɔ no ho deɛ ɔbɛyɛ sɔnn.

2 Korintofo 1:12

Na yɛn ahohoahoa ne sɛ, yɛn ahonim di yɛn adanseɛ, sɛ yɛnam Nyankopɔn kronkronyɛ ne n’ahoteɛ mu, na ɛnyɛ honam mu nyansa mu, na mmom Nyankopɔn adom mu na yɛnam bɔɔ yɛn bra wiase, ne titire no, mo ntam.

Hebrifo 10:23

Momma yɛnsɔ anidasoɔ asɛm a yɛgyina so ka no mu pintinn, ɛfiri sɛ ɔnokwafoɔ ne deɛ ɔhyɛɛ bɔ no,

1 Petro 1:5

a wɔnam gyidie so wɛn mo wɔ Nyankopɔn tumi mu de kɔ nkwagyeɛ a wɔasiesie sɛ wɔrebɛyi no adie ɛberɛ a ɛdi akyire no mu.

2 Petro 1:10

Enti mmom, anuanom, mommɔ mmɔden nhyɛ mo frɛ ne mo yie mu den; na sɛ moyɛ yeinom a, morensunti da.

1 Samuel 2:9

Ɔhwɛ n’ahotefoɔ nan so, na abɔnefoɔ bɛtɔre mum esum mu; na ɛnyɛ ahoɔden so na onipa nam bɛdi nim.

1 Samuel 24:15

Na AWURADE nyɛ ɔtemmufoɔ, na ɔmmu me ne wo ntam atɛn, na ɔnhunu na ɔnni m’asɛm mma me, na ɔmmu me atɛn nyi me wo nsam.