Nnwom 13:2 - New Revised Asante Twi Bible

² Ɛnkɔsi da bɛn na menni me kra mu yea, na adeɛ kye a awerɛhoɔ ntena m’akomam? Me tamfo nhoran me so nkɔsi da bɛn?

Twerɛ Kronkron

² Ɛnkɔsi da bɛn na menni me kra mu yea, na adeɛ kye a awerɛhoɔ ntena m’akomam? Me tamfo nhoran me so nkɔsi da bɛn?

Akuapem Twi Nkwa Asɛm

² Enkosi da bɛn na mene mʼadwennwene bedi aperepere na awerɛhow ahyɛ me koma mu daa? Mʼatamfo nni me so nkonim nkosi da bɛn?

Asante Twi Nkwa Asɛm

² Ɛnkɔsi da bɛn na mene mʼadwendwene bɛdi apereapereɛ na awerɛhoɔ ahyɛ mʼakoma mu daa? Mʼatamfoɔ nni me so nkonim nkɔsi da bɛn?

KYERƐW KRONKRON

² Enkosi da bɛn na minni me kra mu yaw, na ade kye a, awerɛhow ntena me komam? Me tamfo nhoran me so nkosi da bɛn?

Nnwom 13:2 Iomraidhean Croise

Nehemia 2:2

Na ɔhene bisaa me sɛ: Ɛfiri deɛn so na w’anim ayɛ mmɔbɔmmɔbɔ sɛɛ, na wonyare nso? Yei nyɛ hwee sɛ akoma mu awerɛhoɔ. Na mesuroo pii pa ara,

Ester 7:6

Na Ester se: Onipa ɔhohiahiafoɔ ne ɔtamfoɔ no ne saa Haman otirimuɔdenfoɔ yi. Ɛnna nketenkete kutaa Haman ɔhene ne ɔhemmaa no anim.

Hiob 10:15

Sɛ medi abɔnefosɛm a, mennue, na sɛ metene nso a, meremma me tiri so; ɛfiri sɛ ahohora ahyɛ me ma, na mehwɛ m’amanehunu.

Nnwom 10:18

sɛ wobɛdi awisiaa ne deɛ wɔhyɛ no soɔ no asɛm, na ɔdasani a ɔfiri asase mu no anhunahuna bio.

Nnwom 116:3

Owuo nhoma kyekyeree me, na Asamando ahohia too me, mehunuu ahodwan ne awerɛhoɔ.

Nnwom 17:9

abɔnefoɔ a wɔfom me fa, m’atamfoɔ atirimuɔdenfoɔ a wɔtwa me ho hyia no nti.

Nnwom 31:18

Ma atorofoɔ ano mmua, wɔn a wɔka ɔteneneeni ho nsɛm a ɛyɛ den ahokyerɛ ne aniammɔho mu no.

Nnwom 38:17

Na mereyɛ mahwe ase, na me yea wɔ m’anim daa.

Nnwom 42:4

Mekae yeinom, na mehwie me kra wɔ me mu, sɛdeɛ me ne asafokuo nante kɔɔ Nyankopɔn fie, na me ne nkurɔfoɔ a wɔnam yuu hyɛ fa no de ayeyie ne aseda nnwom kɔeɛ no.

Nnwom 6:4

Sane bra, AWURADE, bɛgye me kra, gye me nkwa w’adɔeɛ nti.

Nnwom 7:2

Na wɔansunsuane me kra sɛ gyata antete me mu a ɔgyefoɔ nni hɔ.

Nnwom 74:10

Onyankopɔn, ɔhohiahiafoɔ nka ahohorasɛm nkɔsi da bɛn? Ɔtamfoɔ ngu wo din ho fi daa anaa?

Nnwom 74:18

Kae yei sɛ atamfoɔ bɔɔ AWURADE ahohora, AWURADE, na ɔman agyegyentwie guu wo din ho fi.

Nnwom 8:2

Wo a w’animuonyam pue firi mmɔfra ne nkɔkoaa anomu. Wo na woasiesie abankɛseɛ, w’atamfo nti, na wode amua ɔtamfoɔ ne ɔweretɔfoɔ ano.

Nnwom 9:6

Atamfoɔ awie sa adane daa amamfo, na woama nkuro ase ahye, na wɔn ho nkaeɛ ayera.

Mmebusɛm 15:13

Anigyeɛ akoma ma anim te, na akoma mu awerɛhoɔ bubu honhom.

Ɔsɛnkafo 5:17

Nso ne nna nyinaa, esum mu na ɔdidiiɛ, na n’abufuo ne ne yadeɛ ne n’awerɛhoɔ dɔɔso.

Yeremia 15:18

Adɛn nti na me yea wɔ hɔ daa yi, na me kuro ayɛ nkudaa a wɔsa a, ɛnsa yi? Wobɛyɛ sɛ asuo a ɛdi hwammɔ a ɛnnyina ama me anaa?

Yeremia 45:3

Woka sɛ: Mennue, sɛ AWURADE de awerɛhoɔ ka me yea ho. Mabrɛ ne apinisie, na mennya ahome biara.

Yeremia 8:18

Mennya m’awerɛhoɔ mu awerɛkyekyerɛ, m’akoma aboto wɔ me mu.

Kwadwom 1:5

N’ahohiahiafoɔ ayɛ akannifoɔ, n’atamfo di yie; na ne mmarato dodoɔ nti AWURADE ahyɛ no awerɛhoɔ. Ne mmotafowa adi ɔtamfoɔ anim kɔ nnommumfa mu.

Kwadwom 1:9

Ne ho figuo akeka n’atadeɛ mmuano mu; wankae n’awieeɛ, enti na wabrɛ ase ama no ayɛ nwanwa; ɔnni ɔwerɛkyekyefoɔ biara. O AWURADE, hwɛ m’amaneɛ, ɛfiri sɛ, ɔtamfoɔ adi nkonim!

Kwadwom 5:20

Ɛdeɛn nti na wo werɛ firi yɛn ma no kyɛre saa, na woagya yɛn dadadada yi?

Mateo 26:38

Ɛnna ɔka kyerɛɛ wɔn sɛ: Awerɛhoɔ ahyɛ me kra so de rekɔ owuo mu; montena ha na mo ne me nwɛn.

Luka 22:53

Me ne mo wɔ asɔrefie hɔ daa no, moankye me; na yei ne mo berɛ ne esum tumi.

Yohane 16:6

Na sɛ maka yeinom makyerɛ mo nti, awerɛhoɔ ahyɛ mo akoma ma.

Romafo 9:2

sɛ: Medi awerɛhoɔ kɛseɛ ne daa yea wɔ m’akoma mu.

Filipifo 2:27

Na ɛwom sɛ ɔyaree owuyadeɛ deɛ, nanso Onyankopɔn hunuu no mmɔbɔ, na ɛnyɛ ɔno nko ara, na me nso bi, na m’awerɛhoɔ annɔɔso.

1 Samuel 18:29

Na Saulo kɔɔ so suroo Dawid ara, na ɛmaa Saulo tanee Dawid daa.

1 Samuel 24:19

Na sɛ obi to ne tamfo a, ɔbɛma no de ne ho sɔnn akɔ anaa? Enti AWURADE ntua wo ka pa nhyɛ deɛ woayɛ me nnɛ yi ananmu.