Nehemia 9:33 - New Revised Asante Twi Bible

³³ Nanso wotene wɔ deɛ ɛbaa yɛn soɔ no nyinaa mu, na woadi nokorɛ; na yɛn na yɛdi fɔ.

Twerɛ Kronkron

³³ Nanso wotene wɔ deɛ ɛbaa yɛn soɔ no nyinaa mu, na woadi nokorɛ; na yɛn na yɛdi fɔ.

Akuapem Twi Nkwa Asɛm

³³ Bere biara a wobɛtwe yɛn aso no, na ɛfata. Yɛayɛ bɔne kɛse a wotwe yɛn aso sɛnea ɛsɛ wɔ so.

Asante Twi Nkwa Asɛm

³³ Ɛberɛ biara a wobɛtwe yɛn aso no, na ɛfata. Yɛayɛ bɔne kɛseɛ a wotwe yɛn aso sɛdeɛ ɛsɛ wɔ so.

KYERƐW KRONKRON

³³ Nanso woteɛ wɔ nea ɛbaa yɛn so no nyinaa mu, na woadi nokware; na yɛn na yedi fɔ,

Nehemia 9:33 Iomraidhean Croise

1 Mose 18:25

Yei mpare wo sɛ wobɛdi saa asɛm yi sɛ wobɛkum ɔteneneeni ne ɔdebɔneyɛni afra, na ɔteneneeni ayɛ sɛ ɔdebɔneyɛni; yei mpare wo. Deɛ ɔbu asase nyinaa atɛn no remmu atɛntenenee anaa?

Esra 9:15

AWURADE, Israel Nyankopɔn, ɔteneneeni ne wo, ɛfiri sɛ wɔagya yɛn nkaeɛ bi a wɔafiri mu sɛdeɛ ɛte nnɛ yi; hwɛ, yɛwɔ w’anim, yɛn asodie mu. Na yei nti obiara biara rentumi nnyina w’anim.

Nehemia 9:34

Yɛn ahemfo, yɛn mmapɔmma, yɛn asɔfoɔ ne yɛn agyanom anni wo mmara so, nanso wɔantie wo mmara nsɛm ne wo adanseɛ a wodii wɔn no.

Nehemia 9:8

Na wohunuu n’akoma sɛ ɛyɛ nokorɛ wɔ w’anim, na wo ne no pamm sɛ wɔde Kanaanfoɔ, Hetifoɔ, Amorifoɔ, Perisifoɔ, Yebusifoɔ ne Girgasifoɔ asase bɛma n’asefoɔ. Na woama wo nsɛm no atim, ɛfiri sɛ woyɛ ɔteneneeni.

Hiob 33:27

na ɔto dwom kyerɛ nnipa sɛ: Mayɛ bɔne, na makyea deɛ ɛtene no, nanso ɔne me anni no sɛdeɛ ɛfata me.

Hiob 34:23

Na ɛnhia sɛ ɔhwɛ onipa ma no kyɛ ansa na wakɔ Nyankopɔn nkyɛn, atemmuo mu.

Nnwom 106:6

Yɛne yɛn agyanom ayɛ bɔne, yɛafom, yɛayɛ bɔne kɛse.

Nnwom 119:137

Ɔteneneeni ne wo, AWURADE, na w’atemmudeɛ nso tene.

Nnwom 145:17

AWURADE tene, n’akwan nyinaa mu, na ɔyɛ adɔeɛ ne nnwuma nyinaa mu.

2 Mose 32:31

Na Mose sane kɔɔ AWURADE nkyɛn kɔkaa sɛ: Ao, bɔne kɛseɛ na ɔman yi ayɛ, na wɔayɛ sika anyame afa.

Yeremia 12:1

O AWURADE, sɛ me ne wo bɔ nkuro a, wodi bem ara; nanso me ne wo bɛkasa ara: Adɛn nti na abɔnefoɔ kwan si wɔn yie na nkɔnkɔnsafoɔ nyinaa nso ho dwo wɔn?

Yeremia 44:3

Ɛfiri wɔn bɔne a wɔyɛ de huruu me boɔ no; sɛ wɔkɔ kɔhyee aduhwam de som anyame foforɔ a wɔne mo, ne mo agyanom nnim wɔn no nti.

Kwadwom 1:18

AWURADE di bem, ɛfiri sɛ me na mate n’anomu asɛm ho atua. Aman nyinaa, montie, na monhwɛ me yea. Me mmabaa ne me mmeranteɛ kɔ nnommumfa mu.

Hesekiel 11:12

na moahunu sɛ mene AWURADE a moanni m’ahyɛdeɛ soɔ, na moanyɛ m’atemmudeɛ, na amanaman a wɔatwa mo ho ahyia no atemmudeɛ so na modiiɛ.