Nahum 3:6 - New Revised Asante Twi Bible

⁶ Na mɛto atantanneɛ agu wo so, na magu w’anim ase, na mede wo mayɛ ahwɛdeɛ.

Twerɛ Kronkron

⁶ Na mɛto atantanneɛ agu wo so, na magu w’anim ase, na mede wo mayɛ ahwɛdeɛ.

Akuapem Twi Nkwa Asɛm

⁶ Mede fi bɛsra wo ho, mebu wo animtiaa na mama nnipa ahwɛ wo.

Asante Twi Nkwa Asɛm

⁶ Mede efi bɛfɔre wo ho, mɛbu wo animtia na mama nnipa ahwɛ wo.

KYERƐW KRONKRON

⁶ Na mɛtow atantanne agu wo so, na m’agoru wo ho, na mede wo mayɛ ahwɛde.

Nahum 3:6 Iomraidhean Croise

Hiob 30:19

Wato me atwene atɛkyɛ mu, me ho ayɛ sɛ dɔteɛ ne nso.

Hiob 30:8

Agyegyentwie mma ne wɔn, wɔn a wɔnni din mma nso, wɔapam wɔn afiri asase so.

Hiob 9:31

ɛno nso wode me bɛto amena mu, na me ho ayɛ me ntadeɛ mpo nwunu.

Yeremia 51:37

na Babel ayɛ akuakuo ne ɛserɛ so kraman tenabea, ahodwirideɛ ne fɛdie, na obiara rentena hɔ.

Kwadwom 3:16

Wama me se awe mmosea, wabrɛ me ase ahyɛ nso mu.

Hesekiel 16:37

hwɛ, merehyiahyia w’adɔfo a woafam wɔn ho no nyinaa ne wɔn a woadɔ wɔn nyinaa mabɔ wɔn a woatane wɔn no nyinaa so. Ɛfiri afa nyinaa na maboaboa wɔn ano atia wo, na mayi w’adagya adi akyerɛ wɔn, na wɔahunu w’adagya nyinaa.

Nahum 1:14

Na wo Ninewe, AWURADE ahyɛ wo ho mmara sɛ, wo din bɛyera afiri asase so. Mɛtwitwa ohoni a wɔasene ne oguo honi afiri wo nyame fie; mɛbɔ wo damena, ɛfiri sɛ woadane ayɛ atantanneɛ.

Habakuk 2:16

Ahohora amee wo asene animuonyam; wo nso nom, na wo momonoto nna adi; AWURADE nifa mu kuruwa bɛdane aba wo so, na ɛfeɛ ne ahohora bɛgu w’animuonyam so.

Sefania 2:15

Yei ne kuro a ɛdi ahurisie a ɛte hɔ anibiannasoɔ soɔ, na ɛse no n’akoma mu sɛ: Me ara na obi nni m’akyiri bio. Hwɛ sɛdeɛ wasi adane amamfo, mmoa abutuiɛ! Obiara a ɔnam ho twam no bɛbɔ hwerɛma na wawoso ne tiri.

Malaki 2:2

Sɛ moantie na moamfa anhyɛ mo akoma mu sɛ mode animuonyam bɛma me din a, asafo AWURADE na ɔseɛ, ɛnneɛ mɛma nnome aba mo mu, na madome mo nhyira no; anokwa, madome wɔn dada, ɛfiri sɛ wɔnyɛ nnipa a wɔde m’asɛm sie wɔn akoma mu.

Malaki 2:3

Hwɛ, mɛtwi mo asefoɔ anim, na mabɔ sɛbeɛ mapete mo anim, mo nnapɔnna sɛbeɛ no, na wɔasesa mo aka ɛno ho akɔ;

Malaki 2:9

Enti me nso mɛma mo anim agu ase, na moabrɛ ase ɔman no nyinaa anim, sɛdeɛ monni m’akwan soɔ na mohwɛ nnipa anim, na mobu ntɛnkyea.

1 Korintofo 4:13

wɔsɛe yɛn din a, yɛka abodwosɛm. Yɛayɛ sɛ wiase fi, nnipa nyinaa mu sumina de bɛsi nnɛ.

1 Korintofo 4:9

Na ɛyɛ me sɛ Onyankopɔn de yɛn asomafoɔ adi akyire sɛ wɔn a wɔayi wɔn ama owuo, ɛfiri sɛ yɛayɛ ahwɛdeɛ ama wiase ne abɔfoɔ ne nnipa.

Hebrifo 10:33

Ebi ne sɛ, monam ahohora ne ahohia so yɛɛ adwasodeɛ, ebi nso ne sɛ moyɛɛ wɔn a wɔyɛɛ wɔn saa no mfɛfoɔ.

Yuda 1:7

Na saa ara nso na Sodom ne Gomora ne nkuro a ɛdeda ho a wɔyɛɛ sɛ yeinom, de wɔn ho maa adwamammɔ na wɔbɔɔ mmusuo kɛseɛ no, wɔde wɔn asi hɔ sɛ asɛnnahɔ ama daa ogya asotwe.