Mmebusɛm 5:21 - New Revised Asante Twi Bible

²¹ Na onipa akwan da AWURADE anim na ɔtaataa n’anammɔn nyinaa.

Twerɛ Kronkron

²¹ Na onipa akwan da AWURADE anim na ɔtaataa n’anammɔn nyinaa.

Akuapem Twi Nkwa Asɛm

²¹ Awurade hu onipa akwan nyinaa, na ɔhwehwɛ ne nyinaa mu.

Asante Twi Nkwa Asɛm

²¹ Awurade hunu onipa akwan nyinaa, na ɔhwehwɛ ne nyinaa mu.

KYERƐW KRONKRON

²¹ Na onipa akwan da AWURADE anim, na ɔtaataa n’anammɔn nyinaa.

Mmebusɛm 5:21 Iomraidhean Croise

2 Berɛsosɛm 16:9

Na AWURADE de n’ani kyini fa asase nyinaa so, sɛ ɔde ne denyɛ bɛdi ama wɔn a wɔn akoma di mu wɔ ne ho no. Yei mu woadi nkwaseasɛm, na ɛfiri seesei de rekorɔ yi, akodie bɛba wo so.

Hiob 14:16

Nanso afei deɛ, wokan m’anammɔn, na wonyi w’ani mfiri me bɔne so.

Hiob 24:23

Ɔma wɔtena hɔ dwoodwoo, na wɔde wɔn ho to ɛno so, nanso na n’ani hwɛ wɔn akwan.

Hiob 31:4

Ɛnyɛ ɔno na ɔhunu m’akwan, na ɔkan m’anammɔn tutuo nyinaa?

Hiob 34:21

Na n’ani wɔ onipa akwan so, na ɔhunu n’anammɔntutuo nyinaa.

Nnwom 11:4

AWURADE wɔ n’asɔrefie kronkron mu, AWURADE ahennwa wɔ soro, n’ani tua nnipa mma, na n’anisuatɛtɛ kari wɔn hwɛ.

Nnwom 119:168

Medi wo nsiesieeɛ ne w’adansesɛm so, na m’akwan nyinaa wɔ w’anim.

Nnwom 17:3

Sɛ wosɔ m’akoma hwɛ, na wohwehwɛ me mu anadwo, na wonane me yiyi mu, worenhunu hwee. Mabɔ me tirim sɛ meremma asɛmmɔne mfiri m’ano.

Mmebusɛm 15:3

AWURADE ani wɔ mmaa nyinaa rehwɛ abɔnefoɔ ne apapafoɔ.

Mmebusɛm 4:26

Taataa w’anammɔn pɛpɛɛpɛ, na ma w’akwan nyinaa ntim.

Mmebusɛm 5:6

Nkwa kwan deɛ, ɔnkɔ ara da, n’anammɔn kyinkyini kɔ deɛ ɔnnim hɔ.

Yeremia 16:17

Na m’ani hwɛ wɔn akwan nyinaa, ɛnhunta me, na wɔn amumuyɛ nso, ɛso nkataa m’anim.

Yeremia 17:10

Me, AWURADE, na mehwehwɛ adwene mu, na mesɔ akoma mehwɛ, na mɛma obiara sɛdeɛ n’akwan teɛ, sɛdeɛ ne nneyɛɛ aba no teɛ.

Yeremia 23:24

Sɛ obi de ne ho hunta huntabea bi a, merenhu no anaa? AWURADE asɛm nie. Ɛnyɛ ɔsoro ne asase na mayɛ so ma anaa? AWURADE asɛm nie.

Yeremia 29:23

ɛsiane sɛ wɔadi nkwaseasɛm Israel, na wɔafefa wɔn mfɛfoɔ yerenom, na wɔaka me din mu atorosɛm a menhyɛɛ wɔn, na me na menim, na mene danseni, AWURADE asɛm nie.

Yeremia 32:19

Wo a woso, agyinatuo mu na w’adeyɛ dɔɔso. Wo a w’ani bue hwɛ nnipa mma akwan nyinaa, sɛ wobɛma obiara sɛdeɛ n’akwan ne ne nneyɛɛ aba teɛ no.

Hosea 7:2

Na wɔnka no wɔn akoma mu sɛ mekaa wɔn bɔneyɛ nyinaa; afei wɔn nneyɛɛ atwa wɔn ho ahyia, ɛgu m’anim.

Hebrifo 4:13

Na abɔdeɛ biara nni hɔ a ɛnna adie Nyankopɔn anim, na ade nyinaa ho da hɔ, na ɛso abue, deɛ yɛne no wɔ asɛm no anim.

Adiyisɛm 2:18

Na Tiatira asafo mu bɔfoɔ no, twerɛ kɔma no sɛ: Sɛɛ na Nyankopɔn Ba a n’ani te sɛ ogyaframa na ne nan te sɛ yaawa fɛfɛ no seɛ:

Adiyisɛm 2:23

Na mede owuo bɛkum ne mma, na asafo no nyinaa ahunu sɛ, mene deɛ ɔhwehwɛ adwene ne akoma mu, na mɛma mo mu biara sɛdeɛ mo nnwuma teɛ.