Mmebusɛm 4:23 - New Revised Asante Twi Bible

²³ Kora w’akoma sene deɛ wode sie nyinaa, na emu na nkwa adifire fire.

Twerɛ Kronkron

²³ Kora w’akoma sene deɛ wode sie nyinaa, na emu na nkwa adifire fire.

Akuapem Twi Nkwa Asɛm

²³ Ne nyinaa akyi, bɔ wo koma ho ban, efisɛ, ɛno ne wo nkwa asuti.

Asante Twi Nkwa Asɛm

²³ Ne nyinaa akyi, bɔ wʼakoma ho ban, ɛfiri sɛ, ɛno ne wo nkwa asutire.

KYERƐW KRONKRON

²³ Kora wo koma so sen nea wode sie nyinaa, na emu na nneyɛe nyinaa fi.

Mmebusɛm 4:23 Iomraidhean Croise

2 Ahene 10:31

Nanso Yehu anhwɛ amfa n’akoma nyinaa anni AWURADE Israel Nyankopɔn mmara so; wamfiri Yeroboam a ɔmaa Israel yɛɛ bɔne no bɔne ho.

Mmebusɛm 11:16

Ɔbaa a n’anim teɛ nya animuonyam, na ɔhoɔdenfoɔ deɛ ɔnya ahonyadeɛ kwa.

Mmebusɛm 13:3

Deɛ ɔkora n’ano hwɛ ne kra so, na deɛ ɔtrɛ n’anomu no nya ɔsɛeɛ.

Mmebusɛm 16:17

Teefoɔ tempɔn ne bɔne kwatie, deɛ ɔhwɛ ne kwan kora ne kra.

Mmebusɛm 22:5

Nkasɛɛ ne afidie wɔ okontonkyini kwan so, nanso deɛ ɔkora ne kra ne wɔn ntam bɛtwe.

Mmebusɛm 23:19

Me ba, wo deɛ, tie, na hunu nyansa, na tene w’akoma kɔ ɔkwan no so.

Mmebusɛm 28:26

Deɛ ne ho da n’akoma soɔ no yɛ ɔkwasea, na deɛ ɔnam nyansa mu no bɛnya adwaneyɛ.

Mmebusɛm 3:21

Me ba, fa nyansa mapa ne adwempa sie, mma no nnnane mfiri w’ani so,

Mmebusɛm 4:7

Nyansa ne ade titire: Enti nya nyansa, na fa w’adenya nyinaa nya nhunumu.

Ɔsɛnkafo 5:13

Bɔne bi a ɛyɛ ya wɔ hɔ a mahunu owia yi aseɛ, ɛne ahonyadeɛ a ɔdenadeɛnom kora ma wɔn ara mmusuo.

Yeremia 17:9

Akoma wɔ hɔ yi, ɛyɛ nnaadaa sene adeɛ nyinaa na ɛyɛ nsɛmmɔne pa ara, hwan na ɔbɛnya mu ahunuyɛ?

Mateo 15:18

Na deɛ ɛfiri anomu firi adie deɛ, ɛfiri onipa akoma mu, na ɛno na ɛgu onipa ho fi.

Mateo 15:19

Na akoma mu na adwemmɔne, awudisɛm, ayefasɛm, adwamansɛm, awifosɛm, adansekurumu ne abususɛm fire.

Marko 14:38

Monwɛn, na mommɔ mpaeɛ, na moankɔ sɔhwɛ mu. Honhom no pɛ deɛ, nanso honam no yɛ mmerɛ.

Luka 6:45

Onipa pa firi nnepa a waboaboa ano n’akoma mu no mu na ɔyi adepa adie, na onipa bɔne firi nnebɔne a waboaboa ano n’akoma mu no mu na ɔyi adebɔne adie; na ɛfiri deɛ ayɛ akoma ma aboro soɔ no mu na ano ka.

5 Mose 4:9

Monhwɛ mo ho yie, na monhwɛ mo kra nso so yie, na mo werɛ amfiri nsɛm a mo ani ahunu no, na mo nkwa nna nyinaa mu amfiri mo akoma mu, na ma mo mma ne mo asefoɔ nhunu.

Hebrifo 12:15

Na monhwɛ yie na obi amfiri Nyankopɔn adom no ho anka akyi, na wannyɛ te sɛ nhini nwononwono bi amfiri anyɛ ɔhaw biara, na wamfa nkekaeɛ ammɛkeka nnipa bebree,