Mmebusɛm 16:18 - New Revised Asante Twi Bible

¹⁸ Ahantan di ɔsɛeɛ anim, na dwɛɛ honhom di asehweɛ kan.

Twerɛ Kronkron

¹⁸ Ahantan di ɔsɛeɛ anim, na dwɛɛ honhom di asehweɛ kan.

Akuapem Twi Nkwa Asɛm

¹⁸ Ahantan di ɔsɛe anim, na ahomaso honhom nso di asehwe anim.

Asante Twi Nkwa Asɛm

¹⁸ Ahantan di ɔsɛeɛ anim, na ahomasoɔ honhom nso di ahweaseɛ anim.

KYERƐW KRONKRON

¹⁸ Ahantan di ɔsɛe anim, na kwasiare honhom di asehwe kan.

Mmebusɛm 16:18 Iomraidhean Croise

Ester 3:5

Na Haman hunuu sɛ Mordekai nkoto nsɔre no no, abufuo hyɛɛ Haman ma.

Ester 6:6

Na Haman baa mu. Na ɔhene ka kyerɛɛ no sɛ: Ɛdeɛn na wɔnyɛ onipa a ɔhene pɛ no anidie no? Na Haman see no n’akoma mu sɛ: Hwan bio mpo na ɔwɔ ka me ho a ɔhene pɛ sɛ ɔdi no ni sene me ara?

Ester 7:10

Na wɔsɛnee Haman dua a wasiesie ama Mordekai no so. Na ɔhene abufuo ano dwoe.

Mmebusɛm 11:2

Ahantan ba a, na aniwuo ba, na ahobrɛasefoɔ na nyansa ne wɔn teɛ.

Mmebusɛm 17:19

Deɛ ɔpɛ ntɔkwa no pɛ mmarato, deɛ ɔma ne dan ano korɔn mmorosoɔ no hwehwɛ n’ankasa ne pira.

Mmebusɛm 18:12

Deɛ ɛdi ɔsɛeɛ anim ne sɛ ɔbarima akoma a ɛma ne ho soɔ, na deɛ ɛdi animuonyam anim ne ahobrɛaseɛ.

Mmebusɛm 29:23

Onipa ahantan bɛbrɛ no ase, na honhom mu ahobrɛaseɛni nsa bɛka animuonyam.

Mmebusɛm 8:13

AWURADE suro ne bɔne tane: Ahokyerɛ, ahantan, ɔkwammɔne ne akontonkyisɛm ano na mekyire.

Yesaia 37:38

Na ɔresɔre wɔ ne nyame Nisrok fie no, ne mma Adramelek ne Sareser de nkrantɛ kumm no, na wɔfirii mu dwane kɔɔ Ararat asase so; na ne ba Esar-Hadon sii n’ananmu dii hene.

Yeremia 49:16

W’ahodwire ne w’akoma ahantan adaadaa wo, wo a wote ɔbotan ntokuro mu, wo a wote nkokoɔ a ɛkorɔn soɔ; sɛ woyɛ wo buo sorosoro sɛ ɔkɔdeɛ mpo a, ɛhɔ ara na mɛyi wo afiri asi fam, AWURADE asɛm nie.

Yeremia 50:32

Na ahantanni no bɛsunti ahwe ase, na obiara nni hɔ a ɔbɛma no soɔ; na masɔ ne nkuro mu gya, na ahye atwa ne ho nyinaa ahyia.

Hesekiel 28:17

W’ahoɔfɛ nti w’akoma ahuhuru, woasɛe wo nyansa ne wo hyerɛn, mato wo atwene fam, mede wo ato ahemfo anim sɛ wɔnhwɛ wo.

Hesekiel 29:9

na Misraim asase adane afo, na ɛso ada mpan, na wɔahunu sɛ mene AWURADE. Ɛsiane sɛ woka sɛ: Asubɔntene Nil no wɔ me, na me ara na meyɛeɛ.

Daniel 11:12

Na anafoɔ hene asafo yuu no bɛsɔre, na n’akoma ama ne ho so, na ɔbɛka mpem du du agu fam, nanso ɔrenni nim nkyɛre.

Daniel 5:22

Na wo, ne ba Belsasar, wonim yei nyinaa deɛ, nanso woammrɛ w’akoma ase;

Daniel 5:24

Ɛno nti ɔno na ɔmaa nsa no firi bɛtwerɛɛ nkurukyireeɛ yi.

Mateo 26:74

Ɛnna ɔfitii aseɛ didii nse kekaa ntam sɛ: Mennim onipa no! Na amonom hɔ ara na akokɔ bɔneeɛ.

Luka 14:9

Na deɛ ɔtoo nsa frɛɛ wo ne no no ba a, ɔbɛka akyerɛ wo sɛ: Ma oyi kwan! Na ɛno na wode aniwuo bɛfiri aseɛ akɔfa akyire tenaberɛ.

Romafo 11:20

Wiɛ, gyeɛ a wɔannye annie nti na ɛbubuiɛ, na wo deɛ, wode gyidie na ɛgyina hɔ. Nnwene akokurokosɛm, na mmom suro!

1 Timoteo 3:6

Ɔnyɛ abɛɛfo, na wanhoran anhwe ɔbonsam atemmuo mu.

Atemmufo 11:28

Nanso Amonfoɔ hene antie Yefta nsɛm a ɔsoma maa wɔkɔka kyerɛɛ no no.

1 Samuel 17:42

Na Filistini no totoo n’ani na ɔhunuu Dawid no, ɔbuu no animtia; ɛfiri sɛ ɔyɛ abɔfra, na ɔbere, na ne ho nso yɛ fɛ.