Mmebusɛm 10:26 - New Revised Asante Twi Bible

²⁶ Sɛ nsa kekakeka yɛ ɛse na wisie yɛ aniwa no, sɛ onihafoɔ yɛ wɔn a wɔsoma no ne no.

Twerɛ Kronkron

²⁶ Sɛ nsa kekakeka yɛ ɛse na wisie yɛ aniwa no, sɛ onihafoɔ yɛ wɔn a wɔsoma no ne no.

Akuapem Twi Nkwa Asɛm

²⁶ Sɛnea nsa keka ɛse, na wusiw kɔ aniwa no, saa ara na ɔkwadwofo yɛ ma wɔn a wɔsoma no.

Asante Twi Nkwa Asɛm

²⁶ Sɛdeɛ nsã kekakeka ka ɛse, na wisie kɔ ani no, saa ara na ɔkwadwofoɔ yɛ ma wɔn a wɔsoma noɔ.

KYERƐW KRONKRON

²⁶ Sɛ nsa nyinyanyinya yɛ ɛse na owusiw yɛ aniwa no, sɛ onihawfo yɛ wɔn a wɔsoma no ne no.

Mmebusɛm 10:26 Iomraidhean Croise

Mmebusɛm 25:13

Sɛdeɛ sukyerɛmma dwoɔ teɛ twaberɛ mu no, saa na ɔbɔfoɔ nokwafoɔ teɛ ma wɔn a wɔsomaa no, na ɔdwodwo ne wuranom kra.

Mmebusɛm 25:20

Deɛ ɔto dwom kyerɛ ɔwerɛhoni no te sɛ deɛ ɔpa ntoma awɔberɛ mu, anaa nsa kekakeka a wɔde gu dɔw soɔ.

Mmebusɛm 26:6

Deɛ ɔde asɛm soma ɔkwasea no twitwa ɔno ara ne nan, na ɔnom mmusuo.

Mmebusɛm 6:6

Ɔkwadwofoɔ, kɔ tɛtea nkyɛn, hwɛ n’akwan, na hunu nyansa.

Yesaia 65:5

Wɔka sɛ: Twe wo ho, nka me, na me ho te sene woɔ no. Yeinom ne me hwene mu wisie, ogya a ɛdɛre daa nyinaa.

Mateo 25:26

Ɛnna ne wura no bua see no sɛ: Akoa bɔne ne onihafoɔ, wonim sɛ metwa faako a mennuaeɛ, na meboaboa ano faako a memfa mempeteeɛ?

Romafo 12:11

Monnyɛ mmɔdemmɔ mu nyaa, monyɛ honhom mu hye, monsom Awurade!

Hebrifo 6:12

na moanyɛ nyaa, na mmom moayɛ wɔn a wɔnam gyidie ne abodwokyɛre so nyaa bɔhyɛ no asuafoɔ.