Mika 7:2 - New Revised Asante Twi Bible

² Nnipa pa ayera afiri asase so; teefoɔ nni nnipa mu, wɔn nyinaa tetɛ mogya, wɔsunsum wɔn nuanom fidie.

Twerɛ Kronkron

² Nnipa pa ayera afiri asase so; teefoɔ nni nnipa mu, wɔn nyinaa tetɛ mogya, wɔsunsum wɔn nuanom fidie.

Akuapem Twi Nkwa Asɛm

² Wɔapra Onyamefɛrefo nyinaa afi asase so. Anka ɔbaako a ɔteɛ mpo. Nnipa nyinaa tetɛw na wɔhwehwɛ sɛ wɔbɛka mogya agu; wɔde ɔtan sunsum wɔn ho wɔn ho mfiri.

Asante Twi Nkwa Asɛm

² Moapra Nyamefɛrefoɔ nyinaa afiri asase so. Anka ɔbaako a ɔtene mpo. Nnipa nyinaa tetɛ na wɔhwehwɛ sɛ wɔbɛka mogya agu; wɔsunsum wɔn ho wɔn ho mfidie.

KYERƐW KRONKRON

² Nnipa pa ayera afi asase so; teefo nni nnipa mu, wɔn nyinaa tetɛw mogya, wosunsum wɔn nuanom afiri.

Mika 7:2 Iomraidhean Croise

Nnwom 10:9

Ɔtɛ kokoam sɛ gyata wɔ ne bɔn mu, ɔtɛ sɛ ne nsa bɛka mmɔborɔni ne nsa ka mmɔborɔni no twe no ba n’afidie mu.

Nnwom 12:1

O AWURADE, boa na ahotefoɔ rewie sa, na nokwafoɔ ase rehye nnipa mma mu.

Nnwom 12:2

Obiara twa ne yɔnko nkontompo, ano fremfrem ne akoma nta na wɔde kasa.

Nnwom 57:6

Wɔsum m’anammɔn fidie, me kra brɛɛ ase, wɔtuu me kwan mu amena, wɔn ankasa ahwehwe mu.

Mmebusɛm 1:11

Sɛ wɔse: Bra ma yɛnkɔ mogya ho adɛm, ma yɛnkɔtɛ deɛ ɔdi bem kwa;

Mmebusɛm 12:6

Abɔnefoɔ nsɛm yɛ mogyatɛ, na teefoɔ ano bɛyi wɔn.

Yesaia 3:5

Na nkurɔfoɔ no bɛha wɔn ho, oyi ne oyi, onipa ne ne yɔnko; aberantewaa bɛkyerɛ ne ho ɔteteni so, na apapahwekwaa nso, onimuonyamfoɔ so.

Yesaia 57:1

Ɔteneneeni yera, na obiara mfa nhyɛ n’akoma mu, na wɔfa mmarima pa kɔ, a obiara nteaseɛ, sɛ bɔne a ɛbɛba no anim na wɔyi teneneeni no firi korɔ.

Yesaia 59:7

Wɔn nan tutu mmirika kɔyɛ bɔne, na wɔyɛ ntɛm kɔhwie mogya a ɛdi bem gu; wɔn adwene yɛ abusudwene, ɔsɛeɛ ne obubuo wɔ wɔn atempɔn ho.

Yesaia 9:19

Asafo AWURADE abufuhyeɛ nti na asase no ahye tumm, na ɔman no ayɛ sɛ adeɛ a wɔde sɔ gya; obi nkora ne nua.

Yeremia 16:16

Hwɛ, mɛma wɔakɔfa apofofoɔ pii aba, AWURADE asɛm nie, na wɔakɔyi wɔn, na yei akyiri no mɛma wɔakɔfa abɔmmɔfoɔ pii aba na wɔakɔtwe wɔn afiri mmepɔ nyinaa so ne nkokoɔ nyinaa so ne abotan ntokuro mu.

Yeremia 5:16

Wɔn agyan kotokuo te sɛ damena a ano da hɔ, wɔn nyinaa yɛ nnɔmmarima.

Yeremia 5:26

Ɛfiri sɛ wɔhunu abɔnefoɔ me man mu; wɔtetɛ sɛdeɛ nnomaayifoɔ butubutuo; wɔsunsum mfidie yiyi nnipa.

Yeremia 8:6

Mawɛn m’aso matie, nso deɛ ɛntene na wɔka. Obiara nni hɔ a ɔnu ne ho wɔ ne bɔne ho ka sɛ: Ɛdeɛn na mayɛ yi? Obiara asi ne kwan so sɛ ɔpɔnkɔ a ɔrebɔ ahyia dɔm.

Kwadwom 4:18

Wɔtoaa yɛn anammɔn, na yɛantumi annante yɛn mmɔntene so. Yɛn awieeɛ abɛn, yɛn nna ahi, aane, yɛn awieeɛ adu.

Hesekiel 22:12

Wo mu na wɔgyegye adanmudeɛ, sɛ wɔbɛhwie mogya aguo. Wogyegye mfɛmtomu ne nsiho, na wode apempensie fa wo yɔnko so, na me deɛ, wo werɛ afiri me, AWURADE Nyankopɔn asɛm nie.

Hesekiel 24:6

Ɛno nti sɛ AWURADE Nyankopɔn seɛ nie: Due, mogya kuro! Ɛsɛn a emu awe nnaakyen a ne nnaakyen mfiri ne mu. Yiyi mu adeɛ, nankum, nankum. Wɔnnyiyi mu.

Hosea 5:1

Montie yei, asɔfoɔ, na monwɛn aso, Israel fie, na ɔhene fie nso, monyɛ aso; na mo so na atemmuo aba; na moadane fidie wɔ Mispa ne asau a wɔatrɛ mu wɔ Tabor so.

Hosea 6:9

Na asɔfoɔ asafokuo no te sɛ ɔkwanmukafoɔ asafo a wɔtɛ nnipa, wɔdi awu ɔkwan mu, wɔde rekɔ Sekem no; aane abusudeɛ ara na wɔyɛ.

Mika 2:8

Nanso mosɔre tia me man sɛ ɔtamfoɔ, na moyi wɔn a wɔtwam dwoodwoo a wɔmpɛ ko no ho ntadeɛ so ngusoɔ.

Mika 3:10

mo a mokyekyere Sion, mogyahwieguo mu ne Yerusalem, akontonkyideɛ mu.

Mika 3:2

Mo na motane papa na modɔ bɔne, modwa wɔn wedeɛ firi wɔn ho, ne wɔn nam firi wɔn nnompe ho,

Sakaria 11:6

Na merennodo asase no sofoɔ ho bio, AWURADE asɛm nie. Na hwɛ, merema nnipa atotɔ wɔn yɔnkonom nsam, ne wɔn ahemfo nsam, na wɔabobɔ asase no, na merenyi obiara mfiri wɔn nsam.

Asomafo 24:9

Na Yudafoɔ no nso foaa no so sɛ nsɛm yi te saa.

1 Samuel 24:11

Nso, m’agya, ampa ara, hwɛ sɛ wo batakari ano kura me nsam. Na ɛnam sɛ matwa wo batakari ano na manku woɔ yi, hunu na hwɛ sɛ bɔne anaa mmarato bi nni me nsam; na menyɛɛ wo bɔne biara, nso wo deɛ, worepɛ me aku me.

1 Samuel 26:20

Enti afei wɔmmma me mogya nngu fam wɔ faako a ɛnyɛ AWURADE anim, ɛfiri sɛ Israel hene afiri adi rehwehwɛ ɔkraman dwie, sɛdeɛ wɔti akokɔhwedeɛ wɔ mmepɔ soɔ.