Mika 7:17 - New Revised Asante Twi Bible

¹⁷ Wɔbɛtafere mfuturo sɛ ɔwɔ, sɛ mmoa a wɔtwe wɔn ho fam, wɔde ahopopoɔ bɛfiri wɔn huntabea aba; wɔde suro bɛbɛn AWURADE yɛn Nyankopɔn, na wɔasuro w’anim.

Twerɛ Kronkron

¹⁷ Wɔbɛtafere mfuturo sɛ ɔwɔ, sɛ mmoa a wɔtwe wɔn ho fam, wɔde ahopopoɔ bɛfiri wɔn huntabea aba; wɔde suro bɛbɛn AWURADE yɛn Nyankopɔn, na wɔasuro w’anim.

Akuapem Twi Nkwa Asɛm

¹⁷ Wobedi dɔte sɛ awɔ, ne mmoa a wɔwea wɔ fam. Wɔde ahopopo befi wɔn abon mu aba; wɔde osuro bɛdan wɔn ho ama Awurade yɛn Nyankopɔn, na wobesuro wo.

Asante Twi Nkwa Asɛm

¹⁷ Wɔbɛdi dɔteɛ sɛ awɔ, ne mmoa a wɔwea fam. Wɔde ahopopoɔ bɛfiri wɔn abɔn mu aba; wɔde suro bɛdane wɔn ho ama Awurade yɛn Onyankopɔn, na wɔbɛsuro wo.

KYERƐW KRONKRON

¹⁷ wɔbɛtaforo mfutuma sɛ ɔwɔ, sɛ mmoa a wɔtwe wɔn ho ase, wɔde ahopopo befi wɔn hintabea aba; wɔde ahohim bɛbɛn AWURADE yɛn Nyankopɔn, na wɔasuro w’anim.

Mika 7:17 Iomraidhean Croise

2 Samuel 22:46

Ananafoɔ bo tui, na wɔde ahopopoɔ firi wɔn aban mu bae.

2 Berɛsosɛm 17:10

Na AWURADE ho hu baa nsase a ɛtwa Yuda ho hyia no ahennie nyinaa so, na wɔne Yehosafat anni ako.

Nnwom 18:45

Ananafoɔ twintwamee, na wɔde ahopopoɔ fifirii wɔn huntabea bae.

Nnwom 72:11

Na ahemfo nyinaa bɛkoto asɔre no, amanaman nyinaa bɛsom no.

Nnwom 72:9

Wɔn a wɔte serɛ so bɛkoto n’anim, na n’atamfo atafere mfuturo.

Nnwom 9:20

AWURADE, yi wɔn hu, na amanaman nhunu sɛ wɔyɛ adasamma.

Yesaia 25:3

Enti ɔman a ɛyɛ den bɛhyɛ wo animuonyam, amanaman ahoɔdenfoɔ kuro bɛsuro wo.

Yesaia 49:23

Na ahemfo bɛyɛ wo mmagyegyefoɔ, na wɔn ahemmaa ayɛ wo nufomafoɔ; wɔde wɔn anim bɛbutubutu fam ama wo, na wɔatafere wo nan ase mfuturo, na woahunu sɛ me, mene AWURADE a wɔn a wɔn ani da me soɔ no ani renwuo.

Yesaia 59:19

Na wɔbɛsuro AWURADE din afiri atɔeɛ, ne n’animuonyam afiri owia puebea, na ɔbɛba sɛ asuo a ano yɛ den a AWURADE ahum de reba.

Yesaia 60:14

Na wo nhyɛsofoɔ mma de akotoakotoɔ bɛba wo nkyɛn, na wɔn a wɔbuu wo animtia nyinaa bɛba abɛbum wo nan ase, na wɔafrɛ wo AWURADE Kuro, Israel Kronkronni no Sion.

Yesaia 64:2

Sɛ ogya sɔ mmaboa na ogya ma nsuo huru, na woama w’atamfo ahunu wo din, na amanaman ho apopo, w’anim!

Yesaia 65:25

Pataku ne odwammaa bɛdidi faako, na gyata awe wira sɛ nantwie; na ɔwɔ deɛ, dɔteɛ na ɛbɛyɛ n’aduane; wɔrempira, na wɔrensɛe adeɛ bio, wɔ me bepɔ kronkron no nyinaa so, AWURADE na ɔseɛ.

Yesaia 7:19

na wɔn nyinaa aba abɛsisi mmonhwa a ɛsiane kuronkuron, ne abotan mpaepaeɛ mu, ne nkasɛɛ ne ɛserɛ nyinaa so.

Yeremia 16:16

Hwɛ, mɛma wɔakɔfa apofofoɔ pii aba, AWURADE asɛm nie, na wɔakɔyi wɔn, na yei akyiri no mɛma wɔakɔfa abɔmmɔfoɔ pii aba na wɔakɔtwe wɔn afiri mmepɔ nyinaa so ne nkokoɔ nyinaa so ne abotan ntokuro mu.

Yeremia 33:9

Na kuro yi bɛdane me ahosan din, ayeyie ne animuonyam, asase so amanaman a wɔbɛte yie a mereyɛ wɔn no nyinaa nti, na wɔn akoma bɛtu, na wɔn ho apopo papa nyinaa ne asomdwoeɛdeɛ nyinaa a mɛyɛ mama no no ho.

Kwadwom 3:29

ma no mfa n’ano mmutu dɔteɛ mu, ebia na anidasoɔ bi wɔ hɔ;

Sakaria 14:5

Na mobɛdwanedwane akɔ me mmepɔ bonhwa mu, na mmepɔ bonhwa no bɛduru Asal tɔnn, na mobɛdwane sɛdeɛ modwanee asasewosoɔ no anim, Yudahene Usia berɛ soɔ no. Na AWURADE me Nyankopɔn bɛba, na akronkronfoɔ nyinaa bɛka ne ho.

5 Mose 32:24

Ɛkɔm bɛfɔn wɔn, na ahoɔhyeɛ yadeɛ yaya bɛmene wɔn; na mɛsoma mmoa se aba wɔn mu, ne mfuturo mu awɔ borɔ.

Yosua 9:24

Na wɔbuaa Yosua sɛ: Ampa ara, wɔka kyerɛɛ wo nkoa sɛ AWURADE wo Nyankopɔn ahyɛ n’akoa Mose sɛ ɔmfa asase no nyinaa mma mo na ɔnsɛe asase no sofoɔ nyinaa mfiri mo anim no, na mo nti yɛsuroo yɛn nkwa ho papaapa, enti na yɛdii saa asɛm yi.

Adiyisɛm 3:9

Hwɛ, mede ebinom a wɔfiri Satan hyiadan mu, a wɔka sɛ wɔyɛ Yudafoɔ, na wɔnyɛ, na mmom wɔdi atorɔ no mema. Hwɛ, mɛma wɔaba na wɔabɛkoto wo nan ase, na wɔahunu sɛ madɔ wo.

1 Samuel 14:11

Na wɔn baanu no yiyii wɔn ho kyerɛɛ Filistifoɔ bansifoɔ no. Na Filistifoɔ no kaa sɛ: Hwɛ, Hebrifoɔ no refiri adi afiri ntokuro a wɔhuntahuntaa mu no mu.