Luka 3:9 - New Revised Asante Twi Bible

⁹ Nanso wɔde akuma no ato nnua nhini no ho dada sɛ dua biara a ɛnso aba pa no, wɔbɛtwa ato ogya mu.

Twerɛ Kronkron

⁹ Nanso wɔde akuma no ato nnua nhini no ho dada sɛ dua biara a ɛnso aba pa no, wɔbɛtwa ato ogya mu.

Akuapem Twi Nkwa Asɛm

⁹ Onyankopɔn de nʼabonnua ato dua biara a ɛnsow aba pa ntin ho sɛ ɔde betwa na ɔde agu gya mu ahyew no.”

Asante Twi Nkwa Asɛm

⁹ Onyankopɔn de nʼabonnua ato dua biara a ɛnso aba pa nhini ho sɛ ɔde bɛtwa na ɔde agu ogya mu, ahye no.”

KYERƐW KRONKRON

⁹ Nanso wɔde abonnua no ato nnua no ntini ho dedaw sɛ dua biara a ɛnsow aba pa no, wobetwa ato ogya mu.

Luka 3:9 Iomraidhean Croise

Hesekiel 31:18

Hwan na wosɛ no saa, animuonyam ne kɛseyɛ mu, Eden nnua mu? Nanso wɔde wo ne Eden nnua no bɛsiane akɔ asase ase, momonotofoɔ mu na wobɛda, nkrantɛ ano atɔfoɔ nkyɛn. Farao ne n’asafo yuu nyinaa nie, AWURADE Nyankopɔn asɛm nie.

Daniel 4:14

Ɔteaa mu denden na ɔkaa sɛ: Mommu dua no ntwitwa ne mman. Mompore n’ahahan mpansam n’aba; mmoa nnwane mfiri aseɛ, na nnomaa mfiri ne mman so.

Daniel 4:23

Na sɛ ɔhene hunuu ɔwɛmfoɔ kronkron bi sɛ ɔfiri ɔsoro duru bɛkaa sɛ: Mommu dua no nsɛe no, nanso monnya ne dunsini asase mu, dadeɛ ne kɔbere mfrafraeɛ mpokyerɛ mu, petee so wira mu, na ɔsoro bosuo mfɔ no, na ɔne wiram mmoa nnidi nkɔsi sɛ mfeɛ nson bɛtwa ne tiri soɔ:

Mateo 3:10

Nanso wɔde akuma no ato nnua no nhini ho dada; enti dua biara a ɛnso aba pa no, wɔbɛtwa ato ogya mu.

Mateo 7:19

Dua biara a ɛnso aba pa no, wɔtwa, na wɔde gu gya mu.

Luka 13:6

Na ɔbuu wɔn bɛ yi sɛ: Obi wɔ borɔdɔma a wadua wɔ ne bobe turom; na ɔba bɛhwehwɛɛ so aba, na wannya bi.

Luka 13:7

Na ɔka kyerɛɛ turomhwɛfoɔ no sɛ: Hwɛ, mfirinhyia mmiɛnsa ni a maba mabɛhwehwɛ borɔdɔma yi so aba, na mannya bie. Twa twene! Adɛn nti na agye asase no akɛntɛne soɔ?

Luka 13:9

Na ebia ɛbɛso; na sɛ anso ansa a, woatwa atwene.

Yohane 15:6

Sɛ obi antena me mu a, wɔto no twene sɛ ban, na ɛwu; na wɔboaboa ano de kɔgu gya mu, na ɛhye.

Hebrifo 10:28

Sɛ obi to Mose mmara a, ɔkwati mmɔborɔhunu gyina adansefoɔ baanu anaa baasa anomu asɛm so wu.

Hebrifo 12:29

Ɛfiri sɛ yɛn Nyankopɔn yɛ ogya a ɛhyeɛ.