Luka 15:13 - New Revised Asante Twi Bible

¹³ Na anni da bi na ɔba kumaa no boaboaa ne nyinaa ano, na ɔtuu kwan kɔɔ akyirikyiri asase bi soɔ; ɛhɔ na ɔkɔbɔɔ ahohwie sɛee n’ahodeɛ nyinaa.

Twerɛ Kronkron

¹³ Na anni da bi na ɔba kumaa no boaboaa ne nyinaa ano, na ɔtuu kwan kɔɔ akyirikyiri asase bi soɔ; ɛhɔ na ɔkɔbɔɔ ahohwie sɛee n’ahodeɛ nyinaa.

Akuapem Twi Nkwa Asɛm

¹³ “Nna tiaa bi akyi no, ne ba kumaa yi boaboaa nʼahode nyinaa ano tuu kwan kɔɔ akyirikyiri asase bi so kɔbɔɔ ahohwi bra hweree nʼahode nyinaa.

Asante Twi Nkwa Asɛm

¹³ “Nna tiawa bi akyi no, ne ba kumaa yi boaboaa nʼahodeɛ nyinaa ano tuu ɛkwan kɔɔ akyirikyiri asase bi so kɔbɔɔ ahohwi bra, hweree nʼahodeɛ nyinaa.

KYERƐW KRONKRON

¹³ Na anni da bi na ɔba akumaa no boaboaa ne nyinaa ano, na otuu kwan kɔɔ akyirikyiri asase bi so; ɛhɔ na ɔkɔbɔɔ ahohwi bra sɛee n’ahode nyinaa.

Luka 15:13 Iomraidhean Croise

Nnwom 73:27

Na hwɛ, wɔn a wɔfiri wo nkyɛn kɔ akyiri no bɛyera, wobɛsɛe wɔn a wɔfiri wo nkyɛn kɔbɔ adwaman nyinaa.

Mmebusɛm 18:9

Deɛ ɔtoto n’adwuma aseɛ nso, ɔdesɛefoɔ nua ne no.

Mmebusɛm 21:17

Deɛ ɔdɔ anigyeɛ bɛdi hia, deɛ ɔdɔ nsa ne ngo rennya adeɛ.

Mmebusɛm 21:20

Ademudeɛ a ɛsom boɔ ne ngo wɔ onyansafoɔ tenabea, na ɔkwasea deɛ, ɔsɛe no.

Mmebusɛm 27:8

Sɛdeɛ anomaa a ɔfiri ne pirebuo mu kyini teɛ no, saa na onipa a ɔfiri ne tenaberɛ kɔkyini teɛ ne no.

Mmebusɛm 28:7

Deɛ ɔbu mmara no yɛ ɔba nyansafoɔ, na deɛ ɔne ahohwifoɔ bɔ no hyɛ n’agya aniwuo.

Mmebusɛm 29:3

Onipa a ɔdɔ nyansa ma n’agya ani gye, na deɛ ɔne nnwamamfoɔ bɔ bɛsɛe n’adeɛ.

Mmebusɛm 6:26

Na ɛsiane ɔbaa dwamamfoɔ nti, wɔgyee ɔbarima paanoosini, na obi yere deɛ, wɔgyee no ne nkwa a ne boɔ yɛ den no.

Yesaia 1:4

Ao, ɔman nnebɔneyɛfoɔ, ɔman a wɔn asodie yɛ duro, amumuyɛfoɔ asefoɔ, mma a wɔaporɔ! Wɔagya AWURADE, wɔabu Israel Kronkronni no animtia, wɔasane wɔn akyi.

Yesaia 22:13

Na hwɛ, ahosɛpɛ ne anigyeɛ, anantwie menetwa ne nnwan kum, ɛnamdie ne nsanom nie: “Momma yɛnnidi na yɛnnom na ɔkyena na yɛawu.”

Yesaia 30:11

Mommane mfiri kwan no so, monkwae mfiri ɔtempɔn no so, momma Israel Kronkronni no nyera yɛn ani so.

Yesaia 56:12

Wɔka sɛ: Mommra, momma yɛnkɔ nkɔfa nsa, na yɛnwe nsaden, na ɔkyena bɛyɛ sɛ nnɛ, ɛbɛso aboro so pii.

Yeremia 2:13

Na bɔne mmienu na me man ayɛ: Wɔagya me a meyɛ nkwa asutire no, sɛ wɔrekɔbɔre mmura a apaepae a ɛntumi nkura nsuo.

Yeremia 2:31

Mo, nnɛɛmma, montie AWURADE asɛm. Madane ɛserɛ so ama Israel, anaasɛ asase a aduru sum kabii? Ɛdeɛn nti na me man ka sɛ: Yɛafa yɛn ho adi, yɛremma wo nkyɛn bio?

Yeremia 2:5

Sɛ AWURADE seɛ nie: Bɔne bɛn na mo agyanom hunuu no me ho a enti wɔfirii me ho kɔɔ akyirikyiri na wɔkɔdii ahuhudeɛ akyi na wɔadanedane hunu yi?

Mika 6:3

Me man, ɛdeɛn na mayɛ woɔ, na ɛdeɛn na mede ahyɛ wo brɛ? Bua me ɛ!

Luka 15:12

Na wɔn mu akumaa no ka kyerɛɛ n’agya sɛ: Agya, fa ahodeɛ a ɛbɛyɛ me dea no ma me! Na ɔkyɛɛ n’asetenadeɛ mu maa wɔn.

Luka 15:14

Na ɔhweree ne nyinaa wieeɛ no, ɛkɔm kɛseɛ bi baa asase no so, na ɛfirii aseɛ hiaa no.

Luka 15:30

Na wo ba yi a ɔne nnwamamfoɔ adi w’ahodeɛ no baeɛ ara pɛ deɛ, woakum nantwie ba a wadɔre sradeɛ no ama no.

Luka 16:1

Na ɔka kyerɛɛ asuafoɔ no nso sɛ: Ɔdefoɔ bi wɔ hɔ a ɔwɔ efiepanin bi, na wɔkɔbɔɔ no kwaadu sɛ ɔsɛe n’adeɛ.

Luka 16:19

Na ɔdefoɔ bi tenaa ase a na ɔhyɛ atadeɛ pa a ne boɔ yɛ den, na ɔde asetena fɛfɛ gyee n’ani daa.

Efesofo 2:13

Na afei deɛ, Kristo Yesu mu, mo a anka mowɔ akyirikyiri no, monam Kristo mogya mu abɛn.

Efesofo 2:17

Na ɔba bɛkaa asomdwoeɛ ho asɛmpa kyerɛɛ mo a mowɔ akyiri ne wɔn a wɔbɛn,

2 Petro 2:13

na wɔbɛnya deɛ ɛntene so akatua. Deɛ wɔbu no anigyeɛ ne daa ahohwie asetena, wɔyɛ nkekaeɛ ne dɛm, wɔde wɔn apempensie bɔ ahohwie, nanso na wɔne mo redidi,