Luka 12:16 - New Revised Asante Twi Bible

¹⁶ Na ɔbuu wɔn bɛ sɛ: Onipa bi a ɔyɛ ɔdefoɔ asase soo aba pii.

Twerɛ Kronkron

¹⁶ Na ɔbuu wɔn bɛ sɛ: Onipa bi a ɔyɛ ɔdefoɔ asase soo aba pii.

Akuapem Twi Nkwa Asɛm

¹⁶ Afei obuu wɔn bɛ yi se, “Ɔdefo bi wɔ hɔ a na ɔwɔ asase pa a ɛmaa no nnɔbae pii.

Asante Twi Nkwa Asɛm

¹⁶ Afei, ɔbuu wɔn bɛ yi sɛ, “Ɔdefoɔ bi wɔ hɔ a na ɔwɔ asase pa a ɛmaa no nnɔbaeɛ pii.

KYERƐW KRONKRON

¹⁶ Na obuu wɔn bɛ sɛ: Onipa bi a ɔyɛ ɔdefo asase sow aba pii.

Luka 12:16 Iomraidhean Croise

Hiob 12:6

Amimfoɔ ntomadan si hɔ dwoodwoo, na wɔn a wɔhuru Nyankopɔn boɔ te hɔ komm, wɔn a wɔkura wɔn nyame wɔ wɔn nsam no.

Hiob 24:23

Ɔma wɔtena hɔ dwoodwoo, na wɔde wɔn ho to ɛno so, nanso na n’ani hwɛ wɔn akwan.

Nnwom 73:12

Hwɛ, yeinom ne abɔnefoɔ, nanso wɔn ho dwo wɔn daa, wɔama wɔn adeɛ adɔɔso.

Nnwom 73:3

Na metwee ahokyerɛfoɔ ho ninkunu, ɛfiri sɛ mehunuu abɔnefoɔ yie a wɔdie no.

Hesekiel 16:49

Hwɛ, yei ne wo nuabaa Sodom amumuyɛ no: Ahantan, adidimeeɛ ne yiedie dwoodwoo mu na ɔno ne ne mmammaa tenaeɛ, na mmɔborɔni ne ohiani nsa deɛ, wansɔ mu;

Hosea 2:8

Na ɔno deɛ, na ɔnnim sɛ me na memaa no ayuo ne nsa ne ngo, na memaa ne dwetɛ dɔreeɛ, ne ne sika a wɔhwere maa Baal no.

Mateo 13:8

Na ebi nso kɔguu asase pa mu; na ɛsoo aba, ebi ɔha, ebi aduosia, ebi aduasa.

Mateo 5:45

na moayɛ mo Agya a ɔwɔ soro no mma; ɛfiri sɛ ɔma n’awia pue nnipa bɔne ne nnipa pa so, na ɔtɔ nsuo gu wɔn a wɔtene ne wɔn a wɔntene so.

Luka 12:15

Na ɔka kyerɛɛ wɔn sɛ: Monhwɛ na monhwɛ mo ho yie pɛpɛɛ ho! Na ɛnyɛ onipa adeɛ a wanya na aboro soɔ no mu na ne nkwa wɔ.

Luka 12:17

Na ɔsusuu ne tirim sɛ: Menyɛ dɛn? Ɛfiri sɛ, menni deɛ mede me nnɔbaeɛ bɛsie.

Asomafo 14:17

nanso wannyae ne ho adansedie, yɛɛ yie maa mo nsuo firi soro ne berɛ a aduane ba, na ɔde aduane ne anigyeɛ maa mo abotɔyam.