Hosea 7:16 - New Revised Asante Twi Bible

¹⁶ Wɔsane wɔn akyi, nanso wɔmma ɔsorosoroni no nkyɛn, wɔayɛ sɛ tadua a agoɔ: Afena ano na wɔn mmapɔmma bɛtotɔ, nkeka a wɔn tɛkyerɛma yɛ nti; yei bɛma wɔadi wɔn ho fɛw Misraim asase so.

Twerɛ Kronkron

¹⁶ Wɔsane wɔn akyi, nanso wɔmma ɔsorosoroni no nkyɛn, wɔayɛ sɛ tadua a agoɔ: Afena ano na wɔn mmapɔmma bɛtotɔ, nkeka a wɔn tɛkyerɛma yɛ nti; yei bɛma wɔadi wɔn ho fɛw Misraim asase so.

Akuapem Twi Nkwa Asɛm

¹⁶ Wɔnhwehwɛ Ɔsorosoroni no; wɔte sɛ tadua a asɛe, wɔn ntuanofo bɛtotɔ wɔ afoa ano efisɛ, wɔnkasa obu so. Eyi nti wobedi wɔn ho fɛw wɔ Misraim asase so.

Asante Twi Nkwa Asɛm

¹⁶ Wɔnnhwehwɛ Ɔsorosoroni no; wɔte sɛ tadua a asɛeɛ, wɔn ntuanofoɔ bɛtotɔ wɔ akofena ano ɛfiri sɛ, wɔnnkasa obuo so. Yei enti wɔbɛdi wɔn ho fɛ wɔ Misraim asase so.

KYERƐW KRONKRON

¹⁶ Wɔsan wɔn akyi, kɔ nea ɛho nni mfaso ho, wɔayɛ sɛ ɔta a agow. Afoa ano na wɔn mmapɔmma bɛtotɔ, keka a wɔn tɛkrɛma yɛ nti; eyi bɛma wɔadi wɔn ho fɛw Misraim asase so.

Hosea 7:16 Iomraidhean Croise

Nnwom 12:3

Ma AWURADE ntwa ano dɛfɛdɛfɛ nyinaa ne tɛkyerɛma a ɛka nsɛnkɛseɛ,

Nnwom 12:4

wɔn a wɔse: Yɛn tɛkyerɛma na yɛde di mmaninsɛm, yɛn ano wɔ hɔ, hwan na ɔbɛdi yɛn soɔ?

Nnwom 12:5

Mmɔborɔfoɔ so hyɛ ne ahiafoɔ apinisie nti mɛsɔre afei, sɛ AWURADE seɛ ni, mɛgye deɛ ɔgu ahome repɛ nkwagyeɛ no nkwa.

Nnwom 17:10

Wɔapirim wɔn akoma a wɔnni mmɔborɔhunu biara, wɔde wɔn ano kasa ahantan kasa.

Nnwom 52:2

Nkontomponi, wo tɛkyerɛma dwene mmusubɔ ho te sɛ yiwan a ano yɛ tahwetahweɛ.

Nnwom 57:4

Me kra da agyata mu, meda wɔn a wɔhome gyaframa mu. Nnipa mma a wɔn se yɛ mpea ne agyan, na wɔn tɛkyerɛma yɛ nkrantɛ nnamnnam.

Nnwom 73:9

Wɔma wɔn ano to ɔsoro, na wɔn tɛkyerɛma nenam asase so.

Nnwom 78:37

na wɔn akoma deɛ, ɛntim ne ho, na wɔanni n’apam mu nokorɛ.

Nnwom 78:57

Na wɔwae twaa nkontompo sɛ wɔn agyanom, wɔmanee sɛ tadua daadaafoɔ.

Yesaia 3:8

Na Yerusalem asunti, na Yuda ahwe ase, ɛfiri sɛ wɔn kasa ne wɔn nneyɛɛ ne AWURADE di asie, sɛ wɔbɛte n’animuonyam anim atua.

Yeremia 18:18

Na wɔkaa sɛ: Mommra mma yɛnkɔpam Yeremia tiri so, na mmara renyera mfiri ɔsɔfoɔ hɔ, na afotuo rempa onyansafoɔ anomu, na asɛm remmɔ odiyifoɔ. Mommra mma yɛmfa tɛkyerɛma nkum no, na mommma yɛnnyɛ aso nntie ne nsɛm no biara.

Yeremia 3:10

Na yei nyinaa mu mpo ne nuabaa kɔnkɔnsani Yuda amfa n’akoma nyinaa ansane amma me nkyɛn, ɔbɛdaadaa me, AWURADE asɛm nie.

Yeremia 42:18

Na sɛ asafo AWURADE, Israel Nyankopɔn, seɛ nie: Sɛdeɛ m’abufuo ne m’abufuhyeɛ hwie guu Yerusalemfoɔ soɔ no, saa ara na mokɔ Misraim a, m’abufuhyeɛ bɛhwie agu mo soɔ, na moadane ntankadeɛ ne ahodwirideɛ ne nnome ne nsopa, na morenhunu ha yi bio.

Hesekiel 23:32

Sɛ AWURADE Nyankopɔn seɛ nie: Wo nuabaa kuruwa a emu dɔ na emu trɛ no na wobɛnom mu, dodoɔ a ɛbɛtumi afa no bɛdane asereseredeɛ ne fɛdie;

Hesekiel 36:20

Na wɔduruu amanaman a wɔkɔɔ hɔ no mu no, wɔguu me din kronkron no ho fi, sɛ wɔkaa no wɔ wɔn ho sɛ: AWURADE man ne yeinom, nanso wɔafiri n’asase so kɔ.

Daniel 7:25

Na ɔbɛkeka nsɛm atia deɛ ɔwɔ Ɔsorosoro no, na ɔbɛha ɔsorosoroni no akronkronfoɔ, na ɔbɛbɔ ne tirim sɛ ɔbɛdane mmerɛ ne mmara, na wɔde wɔn bɛhyɛ ne nsa, mfeɛ mmiɛnsa ne fa.

Hosea 11:5

Ɔbɛsane n’akyiri akɔ Misraim asase so bio, na Asiria na ɔyɛ ne hene, ɛfiri sɛ wɔampene sɛ wɔsane wɔn akyire ba me nkyɛn.

Hosea 11:7

Me so atuateɛ nko ara na me man de asi wɔn anim, na wɔfrɛ wɔn sɛ wɔnhwɛ soro a, wɔn mu biara mmua me mpo.

Hosea 6:4

Ɛdeɛn na menyɛ woɔ, Efraim? Ɛdeɛn na menyɛ woɔ, Yuda? Na mo adɔeɛ te sɛ anɔpa mununkum, na ɛte sɛ obosuo a ɛrepɛ ntɛm akorɔ.

Hosea 7:13

Wɔnnue, ɛfiri sɛ wɔadwane me; ɔsɛeɛ mmra wɔn so, ɛfiri sɛ wɔato me mmara; na me deɛ, anka mɛgye wɔn, nanso wɔdi me ho torɔ.

Hosea 9:3

Wɔrentena AWURADE asase so, na Efraim bɛsane akɔ Misraim, na wɔbɛdi deɛ ɛho nteɛ wɔ Asiria.

Hosea 9:4

Wɔremfa ahwiesa mmrɛ AWURADE, na wɔn kum afɔdeɛ renyɛ no dɛ; wɔn aduane bɛyɛ wɔn sɛ akyiduane, wɔn a wɔdie nyinaa ho bɛgu fi; na wɔn aduane yɛ wɔn ara wɔn deɛ, ɛremma AWURADE fie.

Hosea 9:6

Na hwɛ, ɔsɛeɛ nti wɔatu kɔ; Misraim bɛboa wɔn ano, Memfis bɛsie wɔn; wɔn dwetɛ nnwinneɛ ananmu na nnɛnkyɛnse bɛsie, na nkasɛɛ bɛfu deɛ wɔn ntomadan siiɛ no.

Malaki 3:13

Mo nsɛm yɛ me so den, AWURADE na ɔseɛ. Na mobisa sɛ: Ɛdeɛn na yɛka tia woɔ?

Malaki 3:14

Mokaa sɛ: Nyankopɔn som yɛ ɔkwa; na ɛyɛ mfasoɔ bɛn sɛ yɛhwɛɛ n’ahwɛdeɛ na yɛnantee birisi mu wɔ asafo AWURADE anim?

Mateo 12:36

Na mese mo sɛ, asɛnhunu biara a nnipa bɛka no, wɔbɛbu ho akonta atemmuda.

Luka 8:13

Ɔbotan so deɛ no ne wɔn a wɔte asɛm no a, wɔde anigyeɛ gyeɛ, nanso yeinom nni nhini, na wɔgye di ma no kyɛre kakra, na sɔhwɛ berɛ ba a, na wɔagyae.

Yakobo 3:5

Saa ara na tɛkyerɛma nso yɛ ɔhonam akwaa mu ade ketewa, nanso ɔhoahoa ne ho ade kɛseɛ ho. Ogya ketewa nso, monhwɛ kwaeɛ kɛseɛ a ɛbɛtumi asɔ!

2 Petro 2:8

(na deɛ onipa tenenee no tenaa wɔn mu hunuiɛ na ɔteeɛ no, mmarato nnwuma no yɛɛ ne kra tenenee no ayayadeɛ daa nyinaa;)

Adiyisɛm 13:5

Na wɔmaa no ano a ɔde kaa nsɛm akɛseɛ ne abususɛm, na wɔmaa no kwan abosome aduanan mmienu.